خلقني أ**د

الفصل السادس

#18خلقني_اسود

بقلم :

#fulla_Ali

يللا يا اولاد المدارس في ربي السودان وسهله

يللا شخبطوا في الكراريس اكتبوا الواجب وحله

دينق .. محمد احمد فاس وطوريه وزراعه

فاطمه .. ميري يبقي غنوه نيليه بشراعا

وردتين على يامبيو وورده ثالته على رفاعه

ييي بلادنا وكلنا اخوان سوداني بلادنا يايي

حرب .. بندقيه يخطفوا اللقمه الهنيه من اصابع طفل جائع امه حزنانة وشقية

****

عيالك قليلين ادب..ما عرفتي تربيهم يافاديه !! ما بقدمو الاحترام للأكبر منهم !! اسي في داعي بتك تطرد امي !!! وبعد ده ترفض تعتذر !!

ده خالي قال الكلام ده لي أمي بعد ما حبوبة اتصلت كلمتو بالمشكله الحصلت ...اتحرك جا الخرطوم وجات معاهو مرتو...كنت سامعاهو بشاكل سكت ساي ولا قلت ليهو عينك في راسك..

امي قالت ليهو يا صالح بتي جات اعتذرت ليها حتى اسألها

صالح : لا ما ينفع الكلام ده ..اسي تجي تعتذر قدامي وقدام فاطمه (زوجتو)

امي : لا ..صبا امس اعتذرت تاني ما بتعتذر

صالح : اصلآ انتي مدلعاهم ..عيالك ما محترمين ..و ..و..

وقت سمعت محاججتهم دي اضطريت امش اعتذر ليها تاني..وكالعاده نفضت لي يدى..

قلت لي خالي انا عملت العلي..امس اعتذرت ليها واسي قدامكم اعتذرت ليها وزي ما شايف عملت شنو

تاني إن جا الجيش ما بعتذر ...طوالي لبست و طلعت وركبت لي اقرب ركشه مشيت لي ندى ...

غايتو غيرت جو شويه وانا راجعه حصل موقف غاظني شدييييد !!!

الحافله الكنت راكبه فيها الكمساري كان من عيال الجنوبين ديل..ولد صغير كده عمر 10 ..13 ..واحد من ديل

في راجل طق طق عاوز ينزل..و وقت الهايس وقف الولد م فتح ليهو الباب...

طوالي السواق التفت وبدا ينبذ فيهو !!!

ما خلى ليهو صفحه ياخ !! جنس إهانة !!

شفت دمعة الولد واقفه في عيونو...بس حرم عليها النزول

نزل فتح للراجل الباب والراجل شغال يقول : براكم عملتوهم ناس وشغلتوهم معاكم ..الواحد ما يسوي قرش وبعد ده داير يقل أدبو...

انا من الغ*ينه نزلت طوالي ودموعي ديل عشرة عشرة..الولد عاين لي مسسافه وركب قفل الباب..

آخ من الدنيا آخ..آآخ يا قلبي

لييي !!! في شنو هو !!! ليي الناس دي بتعمل كده !! ليي التخلف والعنصريه دي لييي !!!! ياارب الرحمممممه !!

ما عارفه المسافه المشيتها كم وما عارفه متيين وصلت البيت...دخلت وانجدعت في سريري وقفلت وشي بالمخده ونمت ...نمت عسى ولعل ارتاح !!

*****

مرت الايام والنتيجه طلعت..الحمد لله نجحت بالرغم من المعدل البسيط..الحمد لله

بعد النتيجه باسبوع الجامعه فتحت...نزلت وكنت مبسوطه ..امي شويه شويه بقت تتعافي وده فرحني شديد

وتاني في حاجه باسطاني...نزلت الجامعه وكان عندي هدف...هدفي كان انتزع الجهل من قلب كل مواطن سوداني . .اضحكو اي اضحكو

بعرف انو ده مستحيل...ولانو هو مستحيل انا حأعملو...لأني بأمن بعبارة بتقول : لا مستحيل تحت الشمس...

سمستر 2 مسكنا دكتور معاذ.. ياخ الدكتور ده !!!! اقول ليكم شنو وله شنو ياخ !

خليكم معاي

****

قانون سنة 1991..او بالأصح قانون العقوبات لسنة 1983م...فيهو. 192مادة

حندرس ال49الاولي وديل اسمهم القانون الجنائي العام..والبقيه القانون الجنائي الخاص

في العام عندنا مادة اسمها اسم القانون...حنبدا بيها ان شاء الله

انا معاذ فتح الله..خريج جامعة النيلين ..وبتمني انو نتعاون عشان انا استفيد منكم وانتو تستفيدو مني ..

شويه كده الباب دقه..شفنا هيلين واقفه وهيلين دي جنوبيه...استاذ معاذ رفع اصبعو وحركو مرتين بطريقه كلاسيكيه..

هيلين طوالي رجعت..

بعد كم دقيقه الباب دقه وكانت واقفه درة..درة دي طبعآ من ذوي البشرة الفاتحه...طوالي قال ليها ادخلي بعد ما زلاها عشان اتأخرت

انا هنا طوالي طقطقت ليهو يدي...ندى شغاله تقول لي بهمس : صبا لا..لا ما تجوطيها !!

ما اشتغلت بيها وقلت ليهو هيلين اسي جات ودقت الباب قبل درة..ليي ما دخلتها ودخلت درة !!!

طلع نظارتو وقال لي نعم!!!؟

قلت ليهو اظن كلامي واضح..ليي هيلين ما دخلتها المحاضرة !!

قال لي مس صبا..اظن ده ما من اختصاصك...

قاطعتو طوالي وقلت ليهو : بما اني طالبه في الكليه دي ده بيعني انو الموضوع من اختصاصي استاذ!

قال لي بعد سكت مسسسافه : انتي علي ما اتذكر من اول يوم ليك افتعلتي مشكلة وجابوك مكتب العميد انتي ومعاك كم طالب

قاطعتو وقلت ليهو ايوا صاح..والسبب الجابني مكتب العميد كان نفس الاسلوب الاتلقاهو الطالب داك..وسبحان الله..لاحظت انو الطالب داك وهيلين ليهم نفس لون البشرة...

قال لي واستنتجتي شنو !!؟

قبل ما اتكلم قال لي استنتاجك صاح استاذه...ممكن تتفضلي بره !

ولا كضبت شلت حاجاتي وطلعت

امي يا زينة..يا طيبه وحنينه

يا الساكنه عينينا و يا أغلى من الماس

كم مرة ساهرتي..ماف مرة قصرتي

ربيتي كبرتي بي حب وبي اخلاص

***

الموضوع واضح...وانا ما بسكت..نهائي ما بسكت

صابر : يا اختي يا حبيبتي نحن ما عاوزين مشاكل ! ارجوك اقعدي عاقله وتمي دراستك واتخارجي

قلت ليهو صابر !! انا اقول ليك في ظلم بحصل !! الناس رجعت لي عهد مارتن لوثر كينغ !! ما حأسمح لي ده يحصل

صابرينا قالت وهي منتبهة في كتابها : اها وحضرتك عاوزه تغيري التاريخ ؟؟؟ يا بت كفايه اوهام ياخ

قلت ليها خليك في دراستك انتي ..صحي امي غديتوها ؟؟

صابرينا : ايوا..

طيب حأمش اطل عليها...دخلت غرفة امي ولقيتها عرقانه ..

فتحت التكييف وجيت جريت منها الغطاء..هبشت راسها لقيتها مولعه نار !!

ناديت صابر جاني جاري..قلت ليهو اتصل بي ابوي سرررعه

حاولت عملت ليها مكمدات وكانت بتهزي بطريقه غريبه..كانت بتقول : اولادي....امي لا.

امي لا...اولادي لا..امي وينها !

انا بس قعدت ابكي ...تلفون ابوي مغلق يا صبا !!

قلت ليهو اتصرف شوف لينا امجاد وله اي مصيبه !!

صابرينا : انا ضربت لي دكتورك

هنا هجتا فيها بدون ما اشعر : ليي داقه ليهو !!! بتعرفي من وين انتي !!

صابرينا قعدت تبكي وانا خلاص انهرت...خفت افقد امي لانو شكلها كانت تعبانه شديد..

ربع ساعه ما تمت سمعنا الباب بدق...صابر جرا فتحو وبعد شويه جا صابر ومعاهو عماد...

قال لينا لبسوها اي شي عشان ارفعها ..

قلت ليهو لابسه ..

شالها طوالي وطلعو..انا طلعت وراهم قال لي ارجعو انتو

ولا اشتغلت بيهو ..قام قال لي ع الاقل امشي البسي ليك طرحه

انتبهت لنفسي اني لابسه عبايتي وبدون طرحه..اصلآ انا كنت جايه من الجامعه...

عاوزه ادخل صابرينا جات طالعه وشايله لي معاها طرحه..قفلنا الباب وركبنا مشي بينا على المستشفي

*****

حالتها انت**ت .. عشان كده لازم تكون تحت المراقبه...وحنواصل في جرعات الاشعاعي والكيماوي..ربنا يديها العافيه..

الدكتورة قالت كلامها ومشت..ومشى وراها عماد وصابر

انا كنت ماسكه يد صابرينا طوالي جريت لأمي...كانت ناييييييمه ومركبين ليها الأجهزه ...

حسيت ببرودة الغرفة طلعت طرحتي وغطيتها ....وقعدت أقرا ليها..

شويه كده ابوي جا دخل شافها وكان بحاول يكون قوي..بس دموعو ..

***

زي حوالي الساعه 9 ابوي أصر اننا نرجع البيت...قلت ليهو حأمش أجيب غيارات وارجع ...ودانا استاذ عماد خلينا صابر وصابرينا في البيت ورجعني المستشفي لأبوي...

غبت يمكن اسبوع من الجامعه لغاية وضع أمي أستقر شويه حتى بقيت بمش الجامعه..

في الاسبوع ده جاتنا حبوبة هدى وعمتو زهرة ...تمو تلاته يوم ورجعو...

مرت أبوي غاليه كانت بتتداوم الصباح وقت اكون في الجامعه..و من ابوي يرجع او اي زول فينا يجي بترجع بيتها عشان ولدها بتخليهو مع جارتها ..

غايتو كلهم ما قصرو و وقفو معانا......

بعد ما تمت اسبوعين حتى حبوبة جات..لكن ان تأتي متأخرا خيرا من ان لا تأتي..

مهمتها كانت بسيطه شديد...بتهتم بالبيت وبتقعد مع صابرين...انا وابوي وصابر بنقيل في المستشفي وانا ببيت معاها وهم برجعو..

جلسات الكيماوي البتاخدهم امي كانت بتتعذب فيهم كتييير وصوت صراخها بيقطع نياط القلب !!!"يارب ماف زول يشوف الأنا شفتو في أمي..يارب ماف زول يسمع الصرخات والآهات الأنا سمعتها من أمي !!

*****

فتحت عيوني ببطء...كان يوم خميس بتذكر اليوم ده كوييييس ...

الغرفه كانت مششششعه بأشعة الشمس..سبحان الله كان وش أمي منوور وابيييييياض ...كانت جميله لدرجة اني قلت يا ريت لو جبدتها باللون..كنت حاكون بالجمال ده اسي ..

فتحت الشباك عشان اجدد هواء الغرفه ومع فتحتي هي صحت...وقت شافتني أبتسمت أبتسامه حلوة وقالت لي صباح الخير

قلت ليها صباح النور يا أحلى وأجمل أم في الدنيا دي كلهاااا

قالت لي عاوزه شاااي لبن بنعناع .

قلت ليها ثواني بس وأسي يجيك...

قبل ما أطلع قالت لي : ماما صبا

رجعت ليها وقلت ليها عيوني ليك..قالت لي كلمي أبوك يجيب لي العيال وحبوبتهم مشتاقه ليهم..

قلت ليها حتى حبوبة انتي متأكده؟؟؟

قالت لي مبتسمه ..ايوا حتى امي ...

وانا ماشه على الكافي اتصلت بأبوي كلمتو..قال لي خلاص بجيبهم قبل يمشو المدرسة...قلت ليهو وانا مبسوطة : امي شكلها بدت تتعافى بالرغم من جلسات العلاج الصعبه

أبوي قال لي بفرح الحمد لله..مسافة الطريق أسي بنجيكم..

****

كان جو حلو جدا بالرغم من تعليقات حبوبة اللازعة ..بس ما كنا بنعيرها أي أهتمام..كان كل همنا أمنا البدت تتعافى ...أحلى شعور ياخ !!!

شلت منها كباية اللبن الفاضيه وطلعنا كلنا حتى أبوي عشان يوصلنا..أنا لي جامعتي واخواني لمدارسهم...

***مش احيانا وانتو فرحانين بتحسو فجأه انو فرحتكم ناقصه؟؟! زي لمن تكونو فاقدين زول يفرح معاكم الفرحه دي!؟؟ او لمن تكونو عملتو غلط او حد زعلان منكم وفجأة تجيكم لحظة فرح وتفرحوها بس تقطعو الفرحه دي لمن تتذكرو العملتوهو !! بتمنى يكون شعوري وصل ليكم أحبابي في الله***

انا كان بجيني الشعور ده...او ممكن أختصر الشرح أعلاه في كلمة قلبي كان مقبوض..والله يستر بس

اليوم ده أصلا شوم بالنسبه لي دفعتنا لأنو بنكون شغالين اليوم كلو 4محاضرات زي سم الفار.لا هو ريحك لا هو قتلك..بس تتغلغل كده لمن تآمن براك..

المهم..اخدنا اتنين ...وطلعنا نصلي الضهر ...المصلى حق النسوان لصق مع جامع الرجال...شفت دكتور عماد وهو متوضئ بتكلم بالتلفون وكان باين عليهو الضيق..ما عارفه ليي وقفت بعاين فيهو زي الهبله ..انتبه لي وطوالي زح من مكانو...

ندى جاتني وعملت لي الحركة د*ك قدام وشي وقالت سرحانه وين؟؟؟

قلت ليها ما عارفه انا زاتي..ضحكت وجرتني من يدي مشينا صلينا..

في بت جات نادت ندى ..قالت لي دقايق وبجيك..

طلعت معاها وبعد شوية جات ترجف وكان ظاهر عليها انها بكت وقشت دموعها...قالت لي : المحاضره اتن**لت..ارح نمش..

قلت ليها عندي بحث ما تميتو ..بتمو وبمش مره واحده عشان انا قاعده في المستشفي الفترة دي مع أمي..

ندى غمضت عيونها شديييييد كأنها هربت من آخر كلمة انا قلتها..قالت لي البحث بتمو ليك انا قومي ارح

طلعنا وانا محتارة فيها..وسبحان الله نهائي ما حسيت بحاجه ..حتى كنت بغني : ويلوه ..ويلوه واااسواد ليلوو..لو معي يلعب بديلووه ويلوووه

ندى : صوتك قبيييح حلفتك اسكتي يا صبا..

ضحكت وقلت ليها سمح

استاذ عماد كان واقف بره وقال لينا ارح أوصلكم ...ركبنا معاو وكان في لحظة صمت رهييييبه...فجأه تلفونو ضرب ردو وكلامو مع المتصل كان بتحفظ..بعد قفل غير اتجاه عربيتو وكان متوجه على بيتنا ...

قلت ليهو انا ماشه المستشفى ما بيتنا !!

ما رد لي ..ندى قالت لي خلينا نمشو نرتاح في بيتكم بعدين نمش سوا...ياهو سكت

امي يا زينة يا ﻃﻴﺒﺔ ﻭ ﺣﻨﻴﻨﺔ ﻳﺎ ﺍﻟﺴﺎﻛﻨﺔ ﻋﻴﻨﻴﻨﺎ ﻭ ﻳﺎ ﺍﻏﻠﻲ ﻣﻦ ﺍﻟﻤﺎﺱ

ﻛﻢ ﻣﺮﺓ ﺳﺎﻫﺮﺗﻲ ﻣﺎ ﻓﻲ ﻣﺮﺓ ﻗﺼﺮﺗﻲ

ﺭﺑﻴﺘﻲ ﻛﺒﺮﺗﻲ ﺑﻲ ﺣﺐ ﻭ ﺑﻲ ﺍﺧﻼﺹ

****

قريب من البيت ....الجو فجأة كتم...وكأنو في غمام...ما عارفه بس الجو الما سمح داك...الشارع كان فاضي...

وقت قربنا من البيت أكتر عرفت ليي الشارع فاضي..كان في جمع غفيير جمب بيتنا وفي خشم بابنا ¡¡

قلت بصوت مسموع : حبوبة ..ما تكون حبوبة حصلت ليها حاجه!!

عماد عاين لي بحزن وإستغراب في نفس الوقت...يمكن لأنو ما ختيت انو الميت أمي ولا ابوي ولا أي زول من أخواني...انا ختيت الموت لحبوبة لأنو هي أكبرنا عمرا..كأنو الموت بس بختار كبار السن..

نزلت وانا رجولي برجفو وبتطاقشو ببعض...ندى مسكتني وشغاله لي الدوام لله..امك ربنا يرحمها..

هنا غضبت وطااخ اديتها كف ..قلت ليها اوووعك يا ندى اوووعك !!!

حضنتني قوووي وقالت لي خالتو فادية اتوفت يا صبا..الدوام لله !!

صرخت بأعلى صوتي وكنت بحاول أتفك من ندى..الناس اتلمو حوالينا وكانو بببكو...جاتني صابرينا جاريه وهي بتكورك : امنا ماتتتت !!! امنا ماتت يا صبا ماتت !!!

كنت بكورك وبصرخ بصورة هيستريا انتهت بضحك !!! بضحك وبكورك ...أستاذ عماد كان بهز فيني وبقول لي أستغفري ربك يا بت ..استغفري !

بس كأنو نار وزادوها قش...كل ما يقول كده انا بزيد...لغاية اداني كف فقدت الوعي بسببو.

***

لمن تكون طفل صغير ويا داب بتقيف لمن تتسند على كرسي..وفجأة حد يشيل الكرسي وتفضل واقف..في جزء بخاف بقعد وفي جزء بقيف بكل شموخ وإصرار..يلا انا كنت النوع القعد

جاتني فترة وصلت فيها مرحلة الكفر والعياز بالله!!

يومي شكل مع حبوبة وكنت بتهمها انها القتلت امي

ما كنت بصلي نهائي ..رفضت فكرة اني انزل الجامعه ..بس خالو سعيد وصالح وابوي واخواني واستاض عماد وزملاني وقفو معاي وقفة عمري ما بنساها ....ولمن ابتديت ارجع صبا حبيبة أمها لقيت انو أمي تمت شهر ..

مر شهر كامل على غياب سندنا من البيت

انا أكتر زول أتصدم لأني كنت بايته معاها يوم الدايرة تموت...كانت كوييييسه حتى انتو شاهدين صاح؟؟؟

مش رسلتني أجيب ليها شاي لبن بنعناع !!!

تتذكروهو !!!!

مش قالت لي أضربي لابوك يجيب لي العيال وحبوبتهم مشتاقه ليهم !!!!

اااه يا أمي اااه!!

أستغفرت وقمت اتوضيت صليت الصبح ..شلت المصحف وقريت ليها سورة يس..

بعدها شلت شيتي وقلت اقرا لغاية شالتني غفوة

.....

في الجامعه حياتي عاديه جدا..ما بتكلم إلا يتكلمو معاي...لو حد عفصني بستناهو لغاية يتم عفصتو ويرفع كراعو..ولااا بسألو..

في المحاضرة دائما شاردة..لغاية استاذ عماد قال لي اجيهو في مكتبو

بعد اللكشر مشيت على مكتب الاستاذ...وانا في الطريق لاحظت لأتنين واقفين بتكلمو سوا

بت و ولد..البت كانت بيضاء والود اخدارني

ابتسمت ليهم و واصلت طريقي..طبعا زكروني بأمي الله يرحمها وابوي..

وصلت مكتبو وخبطت الباب ودخلت...قال لي اتفضلي وهو منهمك بالورق القدامو

بعد شويه لقى ورقه شالها..كانت ورقة مادة .... فيها درجات المد تيرم..

ناولها لي وقال شوفي ترتيبك وين قولي لي درجتك كم..

بعد مسافه قلت ليهو 10

قال لي من كم..

قلت ليهو من30

تفسيرك شنو!؟؟

قلت ليهو وانا قايمة : اني رسبت في الماده دي

قال لي الموضوع عندك بالبساطة دي ؟؟؟؟

رفعت ليهو كتفي بمعنى ما باليد حيلة

قال لي : مر شهر ..ما حترجعي لطبيعتك يا صبا !

قلت ليهو براك قلت شهر...شهر ما بشفي لي جرحي يا استاذ...شهر ما بنسيني أمي

أشر لي أقعد قععدت..قال لي ربنا يرحمها..انا ما بعرفها كويس لكن من خلالك واخوانك شفتها وعرفتها..فادية مرا مكافحه وربتكم ماشاء الله أفضل تربية.

قلت ليهو اتعذبت ..عشان عصت امي وعرست ابوي عذبتها !!! انت شفت المعامله الكانت بتعاملها ليها !!!

ياخ في أم بتقرف من بتها !!!

لالا دقيقه..انت سمعت وقت هي ماتت حبوبة قالت شنو ؟؟؟؟ مسكينه ماتت بلا تاخد رضاي

دي أم ؟؟؟

جاوبني !!!! جاوبني يا استاذ!!

طوالي دنقر راسو وكان بستغفر..رفع راسو وقال : للأسف العنصريه كانت ولا تزال منذ الأزل...

قلت ليهو عنصريه تجاه بتك واولادها !! امي ماتت من المغصه يا استاذ ! ماتت من مغصة العنصريه الكانت بتواجهها !!!

من جينا السودان وامي ما ارتاحت..لييي !!! ليي يحصل ليها كده وهي ما حصل آذت زول !! قعدت ابببكي بحرررقه...

قال لي انتي جربتي العنصرية من زملاء دراستك !!؟ لالا جربتيها لمن تحبي زول حكاية بتاعت كمممم سنه وفي النهاية تكتشف عنصريتو الشديده !!!

واصل كلامو : شوفي يا صبا .. امك ماتت ودي إراده من ربنا...ومرض السرطان كان سبب لموتها..

يا صبا ...امك ده قدرها ..ولازم تكوني مؤمنة بالقضاء والقدر ..

تم كلمتو وجا واحد من الطلبة وهو بلهث : يا دكتور..بره في مشكله حاصله ..

الود ما كلف نفسو يقول في شنو وطوالي رجع بنفس الطريقه اللهو جا فيها..

استاذ عماد : ربنا يجيب العواقب سليمه !! وطلع وراهو..

انا مسحت دموعي وجريت معاهم...

امي يا زينة يا ﻃﻴﺒﺔ ﻭ ﺣﻨﻴﻨﺔ ﻳﺎ ﺍﻟﺴﺎﻛﻨﺔ ﻋﻴﻨﻴﻨﺎ ﻭ ﻳﺎ ﺍﻏﻠﻲ ﻣﻦ ﺍﻟﻤﺎﺱ

ﻛﻢ ﻣﺮﺓ ﺳﺎﻫﺮﺗﻲ ﻣﺎ ﻓﻲ ﻣﺮﺓ ﻗﺼﺮﺗﻲ

ﺭﺑﻴﺘﻲ ﻛﺒﺮﺗﻲ ﺑﻲ ﺣﺐ ﻭ ﺑﻲ ﺍﺧﻼﺹ

*****

تتذكرو الود والبت الشفتهم وانا ماشه على مكتب استاذ عماد ؟؟؟؟

****

مشينا ورا الولد وكان في تجمهر وقت قربنا اكتشفنا انها شكله...خشينا جوا الناس ولقيت الود الكان واقف مع البت جبيل ..كان بضرب فيهو واحد كده #ابيضاني...و بقول ليهو : كلمتك انا ما تقرب عليها !!! شكلك ما ناوي تجيبها على بر ...البت كانت واقفه بتبكي والحشد #يتف*ج كأنه مجتمع هندي بحت حتى الحرس الجامعي ما كان قاعد !!

الحيرني انو الولد ما دافع عن نفسو وبالرغم من انو وشو كان ملان دم بس يدو ما رفعها على الولد...

أستاذ عماد مسك البيضرب من ياقة قميصو وجراهو ورفع التاني باليد التانيه وقال لي جيبي البت وتعالو مكتبي ..

*******

يا استاذ انا بحترمك لكن دي مسألة شرف ..البت دي اختي .....وانت اظن عندك اخت وعارف يعني شنو يقولو ليك اختك حايمة مع واحد ما بشبهها !

عماد : غريبه...يعني لو اختك كانت حايمه مع واحد ابيض ما كنت زعلت كده؟؟؟ يعني الموضوع موضوع لونية ما شرف زي ما حضرتك زكرت ؟

يا استاذ انا ما قاصد اللون بس قاصد انها واقفه مع ولد كمان

عماد : وقت انتو قدمتو ليها في الجامعه دي ...ما كنتو عارفين انها جامعه مختلطة؟؟؟؟ اسي وجن خريجة وده زميلها وطبيعي يكونو واقفين سوا او بمشو سوا

انا بحبها

اخو وجن قال بغضب : آخيرا نطق الولد..صمت دهرا ونطق كفرا !!.. قام واتهجم عليهو بس استاذ عماد بعدهم من بعض...الولد واصل : واسي قدام استاذ عماد انا طالب يد اختك على سنة الله ورسوله

اخو البت قعد يضحك ويضحك طبعا الموضوع أستفزاني وقلت ليهو بحزم : سنة الله ورسوله بقت نكته ونحن ما عارفين؟؟

عاين لي بأشمئزاز و واصل كلامو : انا عشان خاطرك يا أستاذ حأعتبر نفسي ما سمعت حاجه ...والود حأسامحو بس عشان خاطرك...واما بالنسبة للسيدة وجن حسابها في البيت بعدين...وقام وهو بقول : قبل ما أمش ياريت تشرفونا على عرسها بعد أسبوعين ..

وجن : لالالالا حرام عليك لاا ..قعدت تبكي وهي مدنقرة راسها

قلت ليهو مافيك تجبرها على حاجه هي ما عايزاها

قال لي وحضرة جنابك تطلعي شنو؟؟ فرد من الأسرة وانا ما عارف؟؟؟ ما انتظر مني رد ومسكها من يدها وقومها وهو بقول : ما تنسو العرس.. طلع من المكتب وهو جاري اختو الكانت بتبكي

استاذ عماد طلع نضارتو وقال : كده نحن ما عندنا صلاحية نتدخل...انت يا مهند ما لقيت إلا البت البيضاء دي!!!

مهند ما رد وطلع...انا لحقتو وقلت ليهو حتستسلم!!

قال لي لا حأخطفها ونهرب .

قلت ليهو فكرة والله...حمر لي ومشى

***&

رجعت بيتنا وانا حاسه اني اربعينيه من الهم...ياربي اعمل شنو !!!

اول حاجه خطرت لي وجن..لازم أصل ليها..

بعد ما اخدت استكانتي قمت عشان اطبخ..

طبعا حبوبة وخالو صالح وزوجتو رجعو بمجرد ما امي تمت اسبوعين لأنو شكلي معاها كتر . ..وخالو سعيد رجع فرنسا (طبعا هجراتو غير شرعيه بالسمبك) ...صابرينا حارسه البيت لأنو تمت امتحاناتها ....كنا عايشين انا واخواني ومعانا ابوي بس...

وانا بطبخ الغداء صابرين جاتني و وشها حزين

قلت ليها مالك حبيبتي في شنو ؟؟؟

قالت لي شايله هم لي أبوي يا صبا..

قلت ليها وانا بضوق الملح : ابوي مالو ؟؟

قالت لي بحذر ': صبا..رأيئك شنو مرت ابوي تجي تعيش معانا !!؟؟

قفلت الحله بعصبيه قلت ليها نهائي ما حتعتب البيت ده ! ولو أبوي قاسي عليهو فراقها خليهو يمش ونحن ربنا بتكفل بينا !

صابر جا داخل قال لينا مالكم بتكوركو !!

صابرين قالت ليهو : اختك ...اختك قلبها اتحجر وبقت ما بتحس !!! ياخ اخوك الصغير داك زنبو شنو يعيش بدون ابو !!

قلت ليها وانا ببلع ريقي بصعوبة : ونحن أسي عايشين بدون أم..

صابرين : المرا الأنتي شاماها دي وقفت معانا وقت امي رقدت مستشفى خليك متذكرة كده كويس !!! طلعت وطلع صابر بوراها...

طفيت الحلة وانا زاتي طلعت ..

**** حياتنا كانت رتيبه بشكل !! البيت صااااني كأنو مافيو حياة !! صابر دائما في الشارع و صابرينا في غرفتها...ابوي النهار كلو في الشغل وم برجع إلى 11:34م ..بخت ليهو الغداء وتاني ما بشوفو لي تاني يوم بنفس الزمن....**'

وده السبب الخلاني أعيد النظر في كلام صابرين...

*****

مرو 10يوم في الجامعه وجن ما كانت بتجي..اما في البيت عملنا كرامة الأربعين حقت أمي...الجيران ما قصرو معانا ساعدونا وعملنا بليلة وزلابية وديناها المساجد ..

المساء بعد البيت بقى فاضي..شلت شاي و مشيت لأبوي في الصالون...

ااخ يا امي لو شفتي ابوي بقى كيف بعد انتي مشيتي !!!

شعرو بدا يتساقط وظهرت ليهو صلعة من قدام...شنبو ودقنو قامو ولا فكر يحلقهم...

قلت ليهو وانا بغالب دموعي : ابوي...رائيك شنو تجيب زوجتك تسكن معانا ؟؟؟؟

عاين لي بزهول ... وانا واصلت : بصوت حمودي وضحكاتو يمكن البيت يرجع زي الأول..مع انو مهما كان ما حيرجع بعدم وجود امي..

قال لي صبا انتي بتتكلمي جد !!

ابتسمت ومسكت يدو بستها...قلت ليهو بس على شرط...أقسم ليها بيتها الخاص..نهائي ما حتقعد معانا..وانا أخدت القرار ده عشانك انت ما تتجهجه بيناتنا وبينها ..

قال لي : أمك كانت الجميله المستحيله بالنسبه لي..أمك حاربت العادات والتقاليد عشان تكون معاي ونجحت...اتحملت قسوة أمها حتى وقت العرس جهزت نفسها بنفسها وصبرت واحتسبت...وانا جازيتها بأني عرست فيها..دي أكبر غلطة أنا عملتها لكن برجع وبقول دي إرادة ربنا كده..

قلت ليهو انت عارف أمي ما بتكرهك..ولا كرهتك حتى ويستحيل انها تكرهك..البحب ما بكره يا أبوي

قال لي والبحب ما بأزي البحبو يا بتي !! أنا غلطت في حق أمك !!

دفن وشو بي يدو وكان ببكي...انا كمان بكيت معاهو

أمي إتعذبت كتييير ..موضوع أمها ومرضها ..وعرس أبوي !!

عشان كده ما عارفه هل قراري ده غلط ولاصاح..وهل أمي بتكون زعلت مني ؟؟؟

لكن انا متأكده لو هي كانت في مكاني كان عملت كده كمان..ربنا يرحمها.

يا روحاً طاهرة تهيم من حولي، يا حضناً دافئاً كم شكوت إليه همي. بفراقك يا أمي فارقني الأمان أحسست بغربة في الزمان والمكان ذهبتِ وذهب معك كل الحنان. أشعر بروحك العطرة تُظللني في ذهابي وإيابي، تتبعني فأنتِ يا حبيبتي دائماً معي. منذ رحيلك يا أمي والصمت يعذبني يرهقني، ويزيد آهاتي لا أجد من أبوح له عن ما في داخلي غير دموعي، ونسيانك لا أقدر عليه وفراقك أصعب ممّا توقعت. وإنّ ألمي يا أمي ليفوق وصفي، وإن قلمي ليختنق في كفي، وإن حزني لا يحيط به حرفي آه يا أمي يا وجعي يا ألمي. رحلت عنا سريعاً ولكأن حكاية رحيلك كانت حلما، والوداع كان وهماً اطمئني يا أمي نحن بموتك مصدقون، ونحن على فقدانك إن شاء الله صابرون محتسبون. أمي يا من انتظرتيني أيام وليالي، أمي يا من جعلتي نبضي جار قلبك تسعة أشهر، يا من تحملتي الآلم فقط لأجل أن أبصر النور، أمي يا من أغمضتي عينيكي ورحلتي. أمي أنتِ من كنتي تعلميني الحنان، والعطف، والصبر، والصدق لقد اشتقت لرؤية وجهك المضيء. أخ كم أفتقد حضنك الدافئ يا أمي، وكم أشتاق إلى مسحة يدك على رأسي كانت تذهب كل أوجاعي لقد كنتي علاج روحي. أمي حببتي لقد اقترب عيد الأم وأنتِ عني بعيدة، كم أشتاق لحضنك الدافئ أتمنى لو كنتي علـى وجه الأرض لأهد*كي قلبي وعمري، كم اشتقت إليك