خلقني أ**د

الفصل السابع

#22خلقني_اسود

بقلم :

#Fulla_Ali

لديّ حلم.. وهو أن يعيش أطفالي الأربعة في يوم ما في أمة لا تحكم على الأشخاص بلون بشرتهم، ولكن بشخصيتهم وأفعالهم.

**مارتن لوثر كينغ الأبن

****

من الصباح صبيتها في الكافتريا راجيه وجن...كنت بشرب شاي لبن بنعناع وقت انتبهت لي ندى وهي بتعاين لي بأستغراب ...

قلت ليها مالك ¿

شاي لبن زي الزمن ده ¿¿¿

اي ومالو ..ده مش الصباح ¿¿¿

قالت لي صباح الساعه 10!!!

ما رديت ليها وختيت الكبايه لمن شفت وجن من بعيد ماشه بسرعه على اتجاه الباب...

جريت لحقتها وانا بتساءل دي جات متين لغاية أسي ماشه !!! ...ناديتها وقفت وهي خايفه...

سلمت علي وطوالي واصلت مشيها..قلت ليها عاوزه اتكلم معاك

قالت لي ماف شي اتكلم فيهو يا صبا...والجامعه زاتو ماف .. أسي قدمت إستقالتي ..

اتخلعت طبعا وقلت ليها انتي خريجه !!! كيف !!

قالت لي اخوووي...وع فكرة هو واقف بره حاليا

طوالي زحيت منها وطلعت بره وانا متجاهله مناداتها لي ...وقفت ربعت يديني لغاية وجن جات طالعه وهو وقت شافها نزل من العربيه..انا طوالي مشيت ضربت العربيه بي يدي ( اقسم بالله عن كمية الوجع الحسيت بيهو ما قادرة أوصف..بس كمان لازم احافظ على شخصيتي القوية عشان كده أكلتها لبادي )

قال لي في شنو !

قلت ليهو كييييف تجبر اختك تقدم إستقالتها وهي خريجه !

قال لي براكي قلتيها..اختك..

اركبي يا وجن عشان ما ارتكب جريمه في الداهيه دي !

قلت ليهو : في جريمة أكتر من الأنت عملتها دي !!

سكت ساي وعاين لوجن ...

قلت ليهو يا أخو وجن كلامك غلط والله ! خليها تتم تعليمها لأنو ماف راجل بدوم ليها...

قال لي خليك في حالك يا بت ! ركب جمب اختو الكانت بتبكي واتحركو...

تحدي كبييير قدامي..ياربي حأقدر انجح فيهو؟؟؟ كيف اغير رأي اخو وجن ال للآن ما عارفه اسمو منو حتى !

..

المساء طلعنا انا وابوي وزوجتو واخواني..مشينا الساحه الخضراء..

عملنا كيك بشاي لبن منعنع ..

كان يوم حلو بشكل..شفت لي شفع صغار بلعبو كورة مشيت لعبت معاهم

الناس كانو بعاينو لي سسساي ما أشتغلت بيهم...واحد من الأولاد البلعب معاهم قال لي : شوتي بي جاي شوتي بي جاي!!

شوتها بس جات في عنقرت واحد ماشي مع حبيبتو أظن

إلتفت والغضب مالي عيونو شافني واقفه...نظرتو زادت غضب لما شافني...طلع اخو وجن !!

جا علي وهو شايل الكورة قال : انتي يعني حتلاحقيني كده لمتين !

قلت ليهو حيلك حيييييلك يا علي ود عثمان حفيد محمد وطه !!

قال لي ود طه ده منو ؟؟؟

قلت ليهو : ما مهم...انا ما ملاحقاك ولا حاجه ..دي الصدفه

حمر لي والبت الكانت معاهو جات قالت : اصلا الشفع قليلين أدب

قلت ليها إحترمي نفسسسسك !!! ما ربيتيهم انتي عشان تقولي عنهم قليلين أدب !

قال لي : انتي شكلك ما ناوية تجيبيها على بر

ضحكت وقلت ليهو بغض النظر...البت الحايم معاها ما عندها ولي !!! أختك عشان واقفه مع زميلها حرمتها من الجامعه..واسي دي متصرمح معاها كده !

طبعا البت إبتسمت وبقت تعاين فيني..اما هو رفع يدو عاوز يضربني بس ربكم رب الخير جاب صابر أخوي مسك ليهو يدو ودفرو

قال ليهو بترفع يدك علي مرا !!!

بالجد هنا اخوي كبر في نظري ياخ!!

البت قالت ليهو : طارق..خليهم ديل أولاد ساي..جرتو من يدو واتخارجوو

وتاني عملت عداوة مع طارق اخو وجن !! بدل أكحلا عميتها !

تاني يوم كنت بتابع في مهند الكان مشغول ببحث التخرج...وقت لقيت فرقة كان قاعد في المكتبه وقدامو ورق كتييييييير

قعدت قدامو وقلت ليهو : بالبساطة دي نسيت وجن؟؟؟

عاين لي مسافه ورجع لي ورقو

شلت الورقه من يدو وقلت ليهو : مش بتحبها ؟؟؟

قال لي خليكي في حالك يا بت الناس

ضحكت بصوت عالي وما عارفه ليي...لغاية أمينة المكتبة كشتني بره..وبالرغم من منظري الأسف بس ما أستسلمت و شركته ليهو بره لغاية لمحتو جا طالع

من شافني قال لي : والله انا اللفيني مكفيني ..ارجوك خليني في حالي

قلت ليهو انا ما عارفه ليي تعبانه معاكم كده انت والغ*يه الما عندها غير البكاء !

انتو كده أثبتو لي انو لازم العنصرية تنموو في أعماق اي زول !!

ولا حبك ليها كان مجرد تمضية زمن بس ما أكتر !!

قال لي : بحبها ورب الكعبه بحبها !!! لكن منو الحيرضى بي اتزوجها !!!! انتي بتتكلمي كيف ياخ !

قلت ليهو بتكلم عربي عادي ما فاهمني ! وقت بتحبها ليي ما فتحت خشمك لمن قدمت أستقالتها !! ليي اليوم داك ما وقفت في وش أخوها !

قال لي يا.....

صبا

واصل يا صبا يا أختي الموضوع ما بالسهوله دي..وانتي لسه صغيرة لمن تكبري حتفهمي اي شي

قلت ليهو بي تفكيرك ده ماف صغير إلا أنت والله

مشيت خليتو وانا بلعن الضعف والخوف والجبن وعدم الشجاعه !! وبالرغم من انها مترادفات لكلمة واحده بس كرهتهم

***

وانا قاعده مع ندى بنتونس قالت لي شوفي شوفي

عاينت شفت أستاذ عماد نازل من العربيه ومعاهو بنوتة كيوت كده عمر 4سنه

..

ندى : طلع متزوج المنافق

ضحكت وقلت ليها ليي كان واعدك بالزواج ونحن ما عارفين !!

ندى : لالا بس في واحده كده اكيد ما عجبها الموضوع..

قلت ليها قص....ندى أخير ليك !!

ندى : أجييي يا اخواني..انا اسي قلت اسمك ولا جبت سيرتك !!

جانا واحد أسمو علوي سلم علينا وقال وفي عيونو لمعه : في حفله

قلت ليهو شنو؟؟

قال لي D j حفله !! زنقه يا صبا زنقه !

قلت ليهو بطل تحاكي برهومي وفك البحصه

قال لينا حفله الخريجين....

ندى : وبتكلمنا لي؟؟

علوي : رائيكم شنو نقدم فقرة؟؟؟ هم جايبين عقد الجلاد وجايبين الجميله الفريده نانسي

قلت ليهو ونحن نقدم شنو قدام العمالقه ديل؟؟؟

قال لي مسرحيه

طيب وهي متين حتكون ؟؟؟

قال لي تلاته أسابيع ..يعني بعد الامتحانات ..

قلت ليهو خير طيب..ادونا الجديد ومعاكم بأذن الله

علوي مشى مبسسوط وانا واصلت إنبساطة بس فجأه خمشت ندى من ياقتها : بعد الشنو !!!!

ندى : يا بت مالك !

علوي قال الامتحانات متين !!

ندى : الأحد ده...نعلو ما شفتي الجدول !!

لالا كتمت فيني...والسنه دي ربيت لامحاله

لديّ حلم.. وهو أن يعيش أطفالي الأربعة في يوم ما في أمة لا تحكم على الأشخاص بلون بشرتهم، ولكن بشخصيتهم وأفعالهم.

**مارتن لوثر كينغ الأبن

***

كنت بقرا لغاية حلقي انخرش قمت اجيب مويه صابرينا جات داخله وهي شايله كباية لبن ومعاها كباية موية

ياخ حبييييتها ¡¡¡

طبعا هي خلصت امتحانات شهاده زي ما كلمتكم..

شلت المويه شربتها و واصلت قرايتي..

انتبهت لأنها ما مشت واقفه..قلت ليها : عاوزه حاجه؟؟؟

قالت لي عاوزاك في كلمة ..وكانت خجلانه خجل الجن...قلت ليها إتفضلي

جرت الكرسي وقعدت...قالت لي : يا صبا في واحد عاوز يجي لأبوي

قلت ليهو داير شنو !؟؟

قالت لي : عاوز يجي ...عاوز

قلت ليها عاوز شنو ؟؟؟شغل؟؟؟

هزت راسها بلالا...و واصلت :هو شافني و ...و

اها مالو !

يا صبا انتي ما تفهميني ياخ !

قلت ليها افهم شنو؟

(طبعا انا غ*يه يخوانا وبعترف )

صابرين : عاوز يطلب يدي

قلت ليها يدك؟؟؟ هو غ*ي ولاشنو! كيف تدي يدك!

طبعا هنا هاجت فيني :انتي القرايه لحست مخك ولا أصلو ملحوس من يومو !

طبعا قعدت اضحك...يا داب فهمت قصدها شنوو

قمت حضنتها وقلت ليها بس يا بيبي انتي لسه صغيرة

عيونها دمعو وقالت لي بهمس : بحبو يا صباا

)اجي ي مواليد الألفينات !! وبلا خجل او حياء !! خلت عيني بترف وخشمي مفتوح تماما كماروكو )

قالت لي كلمي أبوي وشوفو الوقت المناسب ..وجرت

اي جرت ...جرت وخلتني واقفه وانا ما حاسه بشي..لكن دقيقه !!! مش صابرينا أصغر مني !!! لو عرست قبالي معناها !!!!!

********

امتحاني كان الأحد والجماعه تبع صابرينا جو الجمعه..

طبعا صابر كان في السوق رسلناهو لأغراض ...

الضيوف وقت جو صابر اتأخر عشان كده إضطريت أمش الدكان أجيب الحاجات..اخدت بن و كان بعبي لي في السكر في واحد غ*ي جا قال ليهو : حول لي رصيد سورعه عليك الله

طوالي عم محمد شال تلفونو وعاوز يحول ليهو..قلعت التلفون وقلت ليهو مشيني انا الاول لاني جيت قبلو اولا..ولاني مستعجله تانيا !

قال لي الولد انا مستعجل أكتر منك !

حمرت ليهو بقعر عيني واا

)ما عارفه لمتييين حأخرب وش !!..اين الأنصاف أيتها الكاتبه !!!)

قال لي انتي !!!

قلت ليهو المره دي انت ملاحقني

قال لي اها يا آلاء بت مبارك !

قلت ليهو اسمها لوشي ..وانا أحلى منها على فكرة ما تشبهني بيها !

ياعم محمد مشينا ياخ !

اداني السكر وسرعه اتخارجت من الدكان..جريييييييييت والاولاد ضحكو فيني بس حافظاهم واسي ما وقتهم...

الحمد لله المغرب أذن طلعو أتوضو ومشو مع ابوي الجامع

جريت صابرينا المركبة مكنة عروس عملت القهوة وانا طلعت الكيك من الفرن وعملت شاي اللبن...

صابر جا جاب لي الفواكه قطعتها و رصيتها بشكل هندسي سمعت جوطتهم عرفتهم جو ..صابر ودا ليهم الضيافه وجا و وشو مكهرب

قلت ليهو في شنو؟؟

قال لي ما عارف انا زاتي

)اجي يا اخواني! تقول ناقصه منفسن!

شلت جردل موية العده ماشه اكشحو بره شفت خيال زول طلع وخلى الباب مفتوح...ما إشتغلت بالموضوع وكبيتها بالمجرى فجأه الباب اتفتح وقال لي : ياخ !

رفعت راسي شفت المركوب وجزء من الجلابيه فيهم مويتي حقت العده..بلعت ريقي ورفعت راسي بالراحه و....

)الكاتبه عملتها واضحه على فكرة..بس ياهو

قلت ليهو ما تقول لي انت تبع اهل العريس !

فجأه واحد جا نادا :طارق ! تعال حيتكلمو خلاص

ما اتكلم معاي ومشى جوه الصالون...انا هنا زعلت زعله شينه خلاص..ومشيت لي صابر لقيتو بوسوس في التلفون (أظن مع حبيبتو لانو سمعت كلمة عقبالنا ..غايتو شفع آخر زمن) قلت ليهو اقفل الزفت وامش شوف لي الحاصل شنو ..والغ*ي داك ببقى للعريس شنو ؟!

صابر طلع وانا قعدت متوترة وكنت بهز في رجولي..الصراحه كده ما عارفه مالي ياقول صابر اخوي

خفت اكتر شي من حاجه واحده حتعرفوها بس ما اسي...

صابر ما جا..وتمو نص ساعه لغاية كلهم طلعو من الصالون

ودعوهم لغاية اتحركو وجو داخلين...ابوي مشى غرفتو وانا مشيت لصابر في الصالون..قلت ليهو اها الزيت؟؟

قال لي طلع اخو العريس الكبير..المهم ابوي قال ليهم يومين ويديهم رد..حيستشير اخوانو وخالو صالح وسعيد وحبوبة

طلعت من الصالون ومشيت غرفة صابرينا الكانت بتتكلم بالتلفون..وقت شافتني قالت ليهو لي بعدين وقفلت

قعدت جمبها وقلت ليها احكي عنو ..

قالت لي بخجل : اخو صحبتي ولاء.. كان بجي بجيبها من المدرسة وبوصلوني وبوديها البيت

قلت ليها برافو...يعني بوصلك ويا داب فكرتي تتكلمي؟؟؟

صابرينا: يا صبا يا حبيبتي بوصلني قبل اختو بعدين بوديها !! حتى لما عاوز يجي يتقدم اول امو واختو اتكلمو معاي حتى جونا !

قلت ليها تمام ..امشي لمي الصالون ...

وانا طالعه اتكلت في الباب وانا بتبسم...آخييييرا الكاتبه بقت عادله معاي ومسكت طارق ولا زفت من يدو البتوجعو...

مشيت على غرفة ابوي لقيتو صاحي ..دقيت الباب ودخلت...

قلت ليهو ما ماشي بيتك التاني؟؟

قال لي غاليه بايته عن أهلها ...

قلت ليو مبروك ...بتك كبرت وبقو يجوها عرسان

ضحك وقال لي الله يبارك فيك..بس ما حأوافق

أستغربت ليي !!

قال لي انتي كنتي اول فرحه لي...لو ما عرست لأميرتي أول ماف زول حيعرس

قلت ليهو ما تقول كده يا ابوي ..انا قسمتي لسه وما مستعجله ليها زاتو

قال لي في النهايه القرار قرارك..لو ما موافقه على الخطوبة ما حتتم..وأصلا كده كده عرس ماف لغاية تخلص جامعه

طلعت من أبوي وانا مبسسسوطة ...كده الموضوع بقى تحت سيطرتي...وحنشوف يا سي طارق

او شي عملتها مشيت غرفة صابرين...قلت ليها عاوزه اتكلم مع طلال )

استغربت بس إتصلت عليهو...انا كنت متأكده 100%انو زفت طارق موجود...

اول صابرين اتكلمت معاهو بعدين ادتني ليهو...وقت اتكلمت معاهو لقيتو زول طيب وعلى نياتو ...وهو ع** طارق تماما ...داك شرير وقاسي وكانت دي نقطة في صالحي لأنو معظم الناس الزي ديل بكون عندهم حنيه من جهة الأسرة..بس ما قدرت أفسر ليي عمل كده مع وجن لدرجة يحرما من الجامعه !!!

انا بتعرف على طلال قال : وعندي طارق اخوي الكبير العصبي ذو الأتجاه الواحد ..و وجن ودلوعتنا ولاء صحبة اختك...

سمعت صوت بقول ليهو : بتتكلم مع منو !! معقوله صابرينا ما بتعرف أسرتنا !

ضحك وقال لي : شفتي شفتي..ما قلت ليك عصبي ودقري !؟

قلت ليهو كدي اديني ليهو دقايق...

صاح انا هنا عفصت كرامتي بس أصلا ده كان هدفي و وصلت ليهو...

طلعت بره الغرفه وانا عامله نفسي نظام مشغوله وكده ....قلت ليهو طارق !! صدفه سمحه موش؟؟

قال لي منو!؟!

قلت ليهو بغض النظر عن صوتي الحلو المألوف بالنسبة ليك اظن عرفت انو انا اخت الجيتو طلبتوها

سكت وما رد ..اظن فهم انا برمي ليشنو وطوالي أستغليت الفرصه : تصدق بابا قال لي شنو؟؟؟ ضحكت وقلت :حسب شخصيتك ما حتقول لي شنو عشان كده حأواصل ...بابا حبيبي قال : انتي الاخت الكبيرة...ولو ما عرستي اول ماف زول حيعرس...وقرار الموافقه في النهايه حيكون في يدك انتي...

طارق :وانا مال أهلي بيكم !! إسطفلي انتي وابوك !

ضحكت وقلت ليهو طيب ركز معاي ....انت و وجن اخوان...وانا وصابرينا اخوان...وانت و وجن و ولاء صحبة صابرينا اخوان....وانت و وجن و ولاء وطلال العاوز اختي اخوان...واختي وانا اخوان ومعانا صابر اظن بتعرفو

قال لي بطلي لف ودوران !! انتي عاوزه تصلي ليشنو !!

قلت ليهو : انا زاتي ما بحب اللف والدوران..لكن باختصار كده اخوك واختي ما حيتزوجو مالم وجن ترجع لجامعتها

و واصلت : ومالم وجن ومهند يتزوجو

هنا قام ضحك لمن إتشرق..قال لي : والله غلط الأهل السودانين انهم بخلو الشفع يحضرو زي ألوان كتير...امشي نومي يا بتي اكيد صرفتي طاقه...وانا على حسب اننا حنبقى أسرة حأعتبر نفسي ما سمعت كلامك

قلت ليهو القال منو حنبقى أسرة ؟؟؟؟ ما عارفه ليي انت وافقت لكن هل لاحظت للون بشرتي انا وابوي ؟؟

قال لي انا شفت لون صابرينا فالبقيه ما مهمين

طبعا زعلت زعل...قلت ليهو ما دام ده ردك...يبقى خطوبة ماف ..وقفلت الخط والتلفون ودخلت لي صابرينا قلت ليها : تنسيهو فاهمه !

قالت لي منو!!!!!

قلت ليها طلال...انسيهو ..واوعاك يا صابرينا أسمع انك قابلتيهو او اتكلمتي معاهو اووعاااك !!!!!وقسما ما اتكلم معاك تاني !

طلعت خليتها بتبكي وانا ما عارفه ليي اتكلمت معاها بالقسوة دي !!!

يارب الرحمة

لديّ حلم.. وهو أن يعيش أطفالي الأربعة في يوم ما في أمة لا تحكم على الأشخاص بلون بشرتهم، ولكن بشخصيتهم وأفعالهم.

**مارتن لوثر كينغ الأبن

****

تاني يوم صابرينا ما طلعت من غرفتها ..ولا جات أكلت ..صابر قال لي مالك يا صبا بقيتي قاسيه كده !!! مفترض انتي أمنا بعد الوالده ربنا يرحمها

-ربنا يرحمها

واصل : طيب دي صابرين !!! الما بترضي فيها نهائي !! كيف تقيفي في وش سعادتها كده !!

قلت ليهو وانا ببكي : انتو ما فاهمين انا رفضت ليي بس انا عندي أسبابي وآجلا أو عاجلا حتعرفوها !

دخلت غرفتي لبست وطلعت مشيت الجامعه..البيت كان مكهررب شدييييد وما كنت قادرة اركز ...رفضي للعريس والضغط على صابرين كان خطتي ..ما كنت عارفه حتستمر لمتين بس انا متأكده انها حتنجح...

في البيت خطتي كانت ماشه تمام...صابرينا شالت تلفون صابر بعد حلفتو قسم ما يقول لي ...واتكلمت مع طلال حكت ليهو الحاصل كلو

طبعا قالت ليهو انا رفضت عشان ما جاني عريس وكده ...وده السبب الأنا خليتها تظنو..

طلال كلم اخوهو طوالي ..وشوفو الحصل

*****

بعد ما قريت تممممام في المكتبه طلعت أفطر

الجامعه كانت ملانه ناس بالرغم من انو ماف دراسة بس بجو بقرو في الجامعه ...

لاقاني مهند قال لي عاوز اتكلم معاك...

قعدنا في بينش تحت شجرة كان متأثر شديد..قال لي لو عارف انو كده حيحصل ما كنت اتكلمت مع وجن...مستقبلها ضاع يا صبا بسببي !!!

دنقر ودموعو كانت بتنقط...اتخيلو قاعد يبكي !!

قلت ليهو القال ليك منو مستقبلها ضاع...رفع راسو عاين لي لقاني بعاين اتجاه البوابه..

وجن جات داخله ومعاها اخوها !!! اتوجهو على المكتب طوالي اظن حيطعنو في موضوع الاستقاله...

مرت نص ساعه كده وانا ومهند منتظرين لغاية جو طالعين ...كان بفتش لي انا متأكده...بتلفت زي سواق الركشة..طوالي اتوجهت عليهم وناديت وجن من بعيد ..اتعمدت ما اجي جمبو

سلمت عليها وسألتها قالت لي : استاذ عماد أنقذني..وقت أديتو الورقه خلاها معاو وما وقعو عليها..

اتكيفت شديد من استاذ عماد بالجد كده ما قصر..

ودعتها ولفيت خلف دور...وجن نادتني وقت إلتفت جات قالت لي طارق قال عاوز يتكلم معاك...

قلت ليها ومهند في البينش داك راجيك..

وجن مشت وانا وقفت بعاين في الأهبل القدامي...جا قال لي مبسوطة؟؟؟

أبتسمت وقلت ليهو اسمع...كونو وجن ترجع تواصل جامعتها ده بصب في مصلحتكم انتو انا ما لي علاقه تمام؟؟...

قال لي وبالنسبه لطلال وصابربن !

قلت ليهو ماف شي اسمو طلال وصابرين

زحيت من جمبو مسك يدي ...قربت أديهو كف قلت ليهو اوعك تفكر تلمس اليد دي ! ما شايف انها سوداء !! انت ما خايف تتوسخ ؟؟؟

كذالك حيحصل يا طارق لو صابرينا واخوك اتزوجو..عيال اخوك حيجو زي عمتهم وجدهم ...#سووود!!!

عاين لي بزهوول وانا إبتسمت ليهو بسخرية وقلت : وبغض النظر ....لو علاقتهم نجحت فدا معناهو انك ركعت تحت رجولي وانت بتطلب مني أوافق ..(الكلام القلتو ده على فكرة كان حيكلفني حياتي)...بس جازفت قلتو ومشيت خليتو واقف وهو فاتح خشمووو..

******

تمينا الامتحانات...مرو اسبوعيين وصابرينا شويه شويه بدت تتجاوب..وانا متمسكه بقراري ..

نظمنا للحفله الحيحضروها ضيوف من خارج السودان..يعني دي حتكون مربط الفرس زاتوو..

***

وقبل الحفله بيومين

في واحد من البيوت...كان قاعد ومصدع وزهجان..

نادتو نجاة...عاين ليها وما رد

جات قعدت جمبو وهي متأثرة : خير يا طارق..في شنو؟؟؟

قال ليها طول عمري ماف شي بقيف في طريقي..تجي فصعونة ما تمت العشرين تمسكني من يدي البتوجعني !!

نجاة اتفاجأت وقت شافت دموعو...قامت وقعدت في تربيزة القزاز القدامو : طارق ! عمري ما شفتك بالضعف ده !!! انت متأكد انو زعلك ده بس عشان اخوك !

غطى وشو بي يدينو وما رد ليها...قامت على حيلها وهي بتقول : مش ياها بت الساحه الخضراء..اتوقع منها تعمل فيك كده

قال ليها : عملت فيني شنو !

نجاة ضحكت وقالت : ورطتك ورطة عمرك...دي قعدت واتوحطت مملكتك

طارق قام بزهج وقال ليها بقيتي تخرفي شكلك

نجاة : ما بخرف ولا حاجه..لكن البت دي لاعباها صاح...

عاين ليها باستغراب..قالت ليهو : خوفي الوعد القالتو ليك يتحقق..انك حتركع ليها عشان توافق

طارق : خلاص كفاية !! اسكتي يا نجاة !

نجاة : حأسكت ..لكن لأنك غالي علي يا ود أختي حبيت انبهك...خصمك ضعيف شكليا لكن هو الأسد من جوه...قالت كلامها وطلعت من الصاله

هو من الغضب شال التلفون وطق بيهو عرض الحائط

)ولو أداني ليهو بدل الهكرة حقي الما بشغل vpn ده مش كان أحسن يخوانا !!!!!

)

...

انا وندى قاعدين كالعاده يا ساده عدم الخلط مص*ر السعاده...جانا علوي وكان صاري وشو

قلت ليهو الجميل سرحان مالو¡¿

قال لي بتريقه :بس انا صاري وشي ما سرحان !

قلت ليهو اممممم مالك؟؟؟

قال لينا ما لقينا ماده نشتغل عليها...واصل كلامو وقت شافنا مافاهمات شي : قصدي ما لقينا فكرة للمسرحيه حقتنا..والوقت داهمنا

ندى : والمعنى؟

علوي:حتتكنسل بس

قلت ليهو تتكنسل !! لالا ما حتتكنسل..

علوي : ماف خيار

قلت ليهو في جزر خليك من خيار..

حمر لي وقرب يديني بوكس..قلت ليهو قصدي حل جزري للموضوع...واصلت كلامي : انا حجيب ليكم مادة دسمة ..الراي شنو؟؟؟

ندى : امممم من وين؟

قلت ليها من السوق

ندى : علوي أديها البو** حلفتك !!

علوي : بديها البو** لو ما جابت لي الماده الدسمه خلال 24 ساعه !!وإلا إعتبري نفسك مطروده !

وقت لقانا انا وندى بنعاين ليهو بإستغراب من انو إتغمص الدور حق مدير الشركة قام انسحب طوالي

عاينت ليها قالت لي : ولا كلمة ! انتي أضرب منو على فكرة..كلكم ما نصاح

قلت ليها : تفتكري أجيب ماده نوعها شنو؟؟؟

ندى : فتشي ألوان الفن يا حبه

بعد ما سرحت لي 34ثانيه قمت بوستها وانا بصرخ في أضانها...ما أظن ندى تكون شمت زول في حياتها زي ما شمتني في اللحظة دي والتوو...

لكن بوستي وصرختي كانت رد فعل لكلام ندى...ألوان الفن...

الوان...

ابيض..أسود

#Racism

الترجمه : #العنصرية

... أنا أمقت العنصرية، لأنني أعتبرها شيئا من الهمجية، سواء جائت من رجل أ**د أو رجل أبيض.

**نيلسون مانديلا

***

يهد*ك يرضيك ..الله يخليك... الله يخليك

و يشيل من عمرى أنا .. ويد*ك ..الله يخليك

انشدت الرائعه نانسي عجاج رائعتها وسط تمايل الأسر فرحا بأبنائهم... وطربا بما يسمعون...الآن نواصل ما أنقطع من تكريم خريجي كلية القانون الدفعه 34

درس الأساس في مدرسة إبن مسعود القرئانيه..وإلتحق بمدرسة ديم بكر القديمة بنين ...ليحلق بنسبته من قضارف الخير لدراسة القانون في جامعة الخرطوم...

الخريج.......

*****

كنا مشغولين بترتيبات المسرحيه...ايون ..جبت المادة الدسمة خوفا من بو** المدير علوي ...

طلعت لانو صابر اتصل علي وقال انهم وصلو..مشيت سلمت عليهم كان معاهم زوجة ابوي واخوي حمودي الصغير...

قعدت معاهم في تربيزتهم وكان جابو معاهم عصير كبو لي كبايه...كنت بشرب بنهم لأني عطشانة..

تلفوني دقة لقيتو علوي..قمت عشان أبعد شوية من السماعات لأني ما سامعه شي ..مشيت خطوتين بس يا جماعه !!! طقشت في زول ورميت الكبايه واتكشحت في جزء من بنطلونو والباقي في جزمتو !!

(ورجعنا تاني نحب بعض..اي ياهو طارق )

قلت ليهو حلفتك أسكت وتعال معاي...مشيت وهو بعد ما سب لي تمااام حتى جا وراي..

مشينا محل بنجهز وشلت فوطة وبليتها بمويه ..اديتو مسح بنطلونو وجزمتو ورماها لي في كتفي ومشى بدون يقول شكرا زاتو...قلت ما حنك..

*****

.. في اللحظة د*ك والتو

لحظة الميلاد

كنتي نقطة ضوء

فرهدت بيك فرهي

دوإنتشيت بالريد

أناطرت بيك الجو

قالوا أيضا بت

قلت مالو ولو

مالو مالو

مالو بختي

بختي بتي

بتي أمي

أختي

همي شيلي

شيلي ختي

شيلي مني

مني ختي

كنت مستمتعه بأغنية عقد الجلاد وانا شايله حمودي برقص فيهو..وكل نا أعاين لتربيزة أسرة وجن بلقى طارق بعاين لي...

ما بتعرفو طارق شكلو كيف مش؟؟؟ حاجه كده عندها لحية فظيييعه...عيونو #غائرة ونعسانه كده نعس عجيب..طويل طبعا..حلاقتو دائما نمرة 1..وما بقول أكتر من كده ..

علوي دق لي كالعاده وقمت..للأسف كنت سامعه أسم وجن خلف الكواليس وما حضرت لحظة تخريجها...هي وكان بعدها اتنين والخريجين وانتهو..

وحان وقت العرض....

المسرح كان مظلم لكم دقيقه كده بعدها الأنوار اتفتحت...

كان مهند واقف تحت شجرة...وجن جات وكانت مبتسمة وقالت : ايوا يا مهند..قلت عاوز تشوفني ؟؟

التفت عليها الشاب وقال : محبوبتي ...فكرت كتيير وجاني الحل..أجيب الوالده وكل الأهل ...لأبوك واخوانك وامك زحل ...

اطلب يدك وتكوني لي...الزوجة والبت والأمل

تاني النور انطفى...دقيقه كده وولع ...

كنت لابسة بجامة بيت عادية بكفوف طويله ومعاها طرحه

))

جاني مهند وبدون من نتكلم كنا بنمثل كأنو بقول لي عاوزني أمشي اتقدم ليهو..وانا بهز بمعنى انهم ما حيوافقو ...بس هو كان مصر ...وفجأه المسرح ضلم....

بدت الموسيقى حقت الراب والنور اتفتح ...

كان في راجل قاعد في مجلس حق رجال

وفي تلاته منهم طالب بزي رجل كبير في السن..

وكلهم من البيض ...

ابدت المسرحيه الغنائيه واتحركت وجن بإتجاه الراجل القاعد..وابتدت الأغنيه

(( اغنية رواية

#خلقني_أ**د))

جات البنت لأبوها تمشي علي أستحياء

بي خوفه ورجفة وارتباك معاهم حياء

قالت ليهو : كيف الحال والجسم من العياء

قال ليها نحمدو ونشكر رب السماء

وش بيكي ي الغاليه ي (بونيتي) صفاء؟؟

قالت ليهو ي الغالي ي أبوي عندي كلام

وانا بس اخاف لو تعرف ..من الملام

في واحد قال عايزني بسنة الله والرسول

وقال أكلمك وهو راجي بس منك قبول

ويجيب آهله وجيرته وخير البر ..العجول

ابوها سكت واحتسب وصل ع الرسول

قال ليها اكلم جدك واخوانك والأعمام

ونشوف رائيهم ورأي ود عمك الهمام

))أجتمع باقي الشباب ومعاهم كبير السن في مشوره اخدت عدة ثواني ..بعدها واصلت الاغنيه مع تمثيل الطلاب))

واجتعمو اهلها وحكو بأهتمام

اخوها قال من وهو ود ياتو فلان

قال ليهو ما بعرف عنو الا اسمو والسلام

فجأة جدها غضب زي الأسد الضرغام

قال لأبوها وش تقول ..وش هادا الكلام !!

كيف لونه ..وش جنسه ..وكيف شكله العام!؟؟

ما يهم امواله ما يهم نوع الفصيله

اهم سؤال تسأله هو من اي قبيله !!!

مهند ظهر بجانب تاني والمسرح ضلم إلا مني انا وهو.. كنت قاعده جمبو بحسرة :

مهند : (عبيد...خدم...عباره تدل ع الغشم!

ومهما يكووون الجنه.. لأبليس آخر عشم )

hey you my skin true black...but my heart is white and yours is black

)هيي ..انت ! صحيح أن جلدي أ**د لكن قلبي أبيض بينما قلبك أ**د )

???

hey you my skin true black...but my heart is white and yours is black

المسرح ضلم في أثناء مقطع الانجليزي وتاني نور

شكل خشبه مسرح فيها صورة هايس ماسكها واحد كأنو سواق...وتاني مقعدين وسبورة ..في واحد من المقعدين في طالب ابيض والمقعد التاني فاضي ..والاستاذ ابيض طبعا...كانو واقفين بدون حراك..

الاغنيه في مقطع :

ألجهويه والقبليه سيرت دفة حياتنا

الناس اعتبرت اللون هو اهم صفاتنا

لو كنت أ**د تلاقي الزل والهوان

)في المقطع ده جات هيلين وبحركة دراميه كأنها دقت الباب والأستاذ آشر ليها بيدو تمش ..مشت وهي مدنقرة راسها)

أما أبيض ليك الأحترام ..والآمان

)في المقطع ده جات درة ودقت الباب والاستاذ آشر ليها تدخل..ودخلت مبسوطة وهي بتعاين للون يدينها بفرحه)

الاغنية :

حياتنا بقت تتحكم فيها فوبيا الألوان

ومافي خيار غير الصبر حتي يحين الآوان

الطلاب اللفي المسرح كانو واقيفن بطريقه دراميه اي زول في مكانو كأنهم أصنام..ظهر علوي والاغنية بتقول :

رساله لي آماني ولي هبه ولي حليمه

اوعه تنقادي ورا البياض سمعتي يا فهيمه؟

كريمات ولوشنات عشان تبقي بيضاء!!

ما تنسي انو السمار من ربنا عطاء

لا تغيريه وتفسخي لا تصيري حمقاء

واحمدي الله رب الأرض والسماء

ضلم المسرح إلا من الهايس

..)في المقطع ده السواق والراكب كانو بشاكلو في ود كمساري أ**د بطريقة درامية صامته وهو كان قافل وشو بيدينو كأنو ببكي )

فجأه بزح يدو في مقطع :

)عبيد.خدم ...عباره تدل ع الغشم

مهما يكون الجنه لي أبليس آخر عشم )

hey you my skin true black...but my heart is white and yours is black

???

hey you my skin true black...but my heart is white and yours is black

ظهرت في آخر الأغنية : حاولت افهمكم من خلال غنيه وروايه

انو اللون الأ**د من ربنا هبايه

وانو الزول ما بقيمو من شكلو أوهوايه

وانو نحن عند ربنا سوا في النهايه

وانو المؤمن لأخوهو.. لازم يكون مرايا

وانو نلسون في افريقيا للسود رفع رايه

ومارتن في امريكا للسود عمل حكايه

وانا (فله علي) كتبت ليكم روايه

(عبيد ..خدم...عباره تدل ع الغشم

ومهما يكون الجنه لي أبليس آخر عشم

عبيد..خدم ..عباره تدل ع الغشم

ومهما يكون الجنه لي أبليس آخر عشم )

hey you my skin true black...but my heart is white and yours is black...

???

hey you my skin true black...but my heart is white and

yours is black

بعدها المسرح ضلم....ونور بعد ثواني وكنا واقفين كلنا...يعني الناس كانت ساكته بس !! ماف شي بيتحرك حتى كمرات المصورين...

الصراحه خفت يكون العرض آووفر وانهم ما يكونو حبوهو بس كنت مخطأة...استاذ عماد قام وهو بصفق ومزهول...

بعدو الأستاف حق التدريس قامو والضيوف الأجانب والعرب كذالك وباقي الطلاب والخريجين...

عن كمية التصفيق والتصفير ما قادرة أوصف...وبس دموعي بقت تجري وانا شايفه زملاني بعاينو لي بفخر..

مهند كان برضو ببكي...قال لي أقول كلمة الختام...صراحه ما اتوقعت حاجه زي دي وما كنت محضرة حاجه..بس عشان ما أخذلهم وقفت...

#**رة..

قبل ما أمش..الروايه دي اخدت زمن طويل قبل تجهز لسبب..انو كنت عاوزه الحلقة دي بالذات تطلع بإغنية...حتى اتفقت مع مغني راب يغنيها ليها عشان انزل الحلقة برابط الأغنية بس ما أتوفقت فيها..عشان كده بتمنى أكون وصلت إحساسكم بمخيلتي ....دمتم لي ❤

أمي لقد رحلتي بجسدك عني وروحك لم تغادر روحي. لن تجد قلب يستقبلك بكل أوقاتك كقلب أمك، فإن رحلت فليكن الله في عونك. سلاماً على عينك النائمة، سلاماً على رائحتك المختبئة في جوف الأرض سلاماً على حنيني المستمر إليك. ماتت من ضحت، وتحملت، وعانت ماتت من تعبت وتحملت لأجلي ماتت، وأبكي عليها دماً بدل الدمع. أماه يا أماه ما أحوج القلب الحزين لدعوة كم كانت الدعوات تمنحني الأمان. لكل شخص عابر مر من هنا كن كالغيث تروي قبر أمي بدعائك. وكيف نخفف اشتياقنا لأرواح رحلت دون عودة. عبارات عن فقد الأم روح أحبها رحلت ولا زال يهلكني الحنين لملامحها. حقيقة مهما كانت نعم الدنيا جميلة تظل الأم هي الأجمل. أحنُّ إلى الكأس التي شربت بها وأهوى لمثواها التُّراب وما ضمّا من أصدق وأوجع ما قيل في رثاء الأُم. الأم كل شيء في هذه الحياة هي التعزية في الحزن، والرجاء في اليأس، والقوة في الضعف أمك ثمّ أمك ثمّ أمك. موت الأم ألم ممُيت فقد شديد، وحياة أخرى تنُشلك من الفرح، وتفقدك لذة الأشياء اللهم ارحمها يا رب. سيأتي عيد الأم وما زال قلبي مفجوع برحيلها. أقوال في رثاء الأم يتيم الأم يفقد الحب ويتيم الأب يفقد الأمان كان الله في عون من فقد الحب والأمان معاً. أمي سامحيني لنظرة عبوس نظرتها إليك من غير قصد، لنبرة صوت تعدت نبرة صوتك، سامحي عقوقي تمتمي لي بالرضا يا جنتي. من سيُعايدُ صغيرك في عيد الأم، والهدايا التي سأشريها لمن سأقدمها، وقبلةُ الحنين أين أطبعها وفي خدِ من سأنثرها على أيّ جبهة، سأودعها وزهرة الحنين في شعر من سأدفنها. ذكرى تتجدد باستمرار يا لها من ذكرى تقطع قلبي، وتفطر شوقا لك. أفتقدك سامحني لم يعد بإمكاني التوقف عن البكاء، وفاتك فاجعة لم أتمنى سماعها يوماً اشتقت لك يا من رحلتِ عني دون وداع. عبارات شوق وفقدان للأم هي الرحمة فى كف حنون، الأم نبراس عطاء لا يفتر. وتبقى الأم أجمل ما في الحياة. الأشياء الثمينة لا تتكرر مرتين لذلك نحن لا نملك إلّا أم واحدة. قلب أمي وحضنها وجهان لعملة واحدة. الأم مسكن فى بردك، مطعم فى جوعك، بلسم فى وجعك، مستشفى في مرضك، حفلة في فرحك ومنبهك لو نمت. السلام على أمي أول الأوطان وآخر المنافي. إن المكان الوحيد الذي أستطيع أن أسند رأسي عليه وأنام مرتاحاً مطمئناً هو حجر أمي. فارغة هذه الحياة حين تمر دون أمي ومؤلمة حد البكاء دون ضحكتها. آمنت أنّ الأمهات أوطان صغيرة، ففي كلّ أم وطن نسكنه، نحبه، نفتخر به، امرأة وطن ولاؤنا لها وانتماؤنا إليها. لا تصدق أحداً ولا حتى نفسك إذا أخبرتك بأن هناك من يحبك أكثر من أمك. اسألني عن الحب سأجيب قلب أمي. أراك اليوم أجمل من رأيت ومن كفيك طهراً ارتويت لئن قالوا: الحياة، أقول: أمي بحب منك يا نبعي استقيت. أقوال حزينة في فقد الأم القلب يحزن والمدامع غزيرة في جوفي نار من لهبها تبكي. أمي لن أستطيع أن أنساكي ولن تغيبي لحظة واحدة من خيالي. لا يزال رحيلك فاجعة أسكنت الألم داخلي، ولا زالت دموعي تنهمر في كل يوم يأتي دونك، وفي كل ساعة أحتاجك وأصرخ بالنداء ولا أجدك. أمي روضة جناني وسعادتي، وباب الأمل، وسرالابتسامة، ونبع الحنان، وروح الحياة راحتي بين يديها وجنتي تحت قدميها. أمي يا روحاً غادرت الدنيا سنلتقي في الجنة. أمي بعد رحيلك لم تعد الدنيا كما كانت عليه. رحلتي أمي وتركتي لي من بعدك غصات حنين باتت تقتلني تفتت ضلوعي تعذبني اشتقت لكي حبيبتي. كل ما أحتاجه هو أمي فأنا وحيد دونها. أنا ابنة تلك المرأة الصبورة التي علمتني أنّ لا حاجة لي عند مخلوق وأن الله معي دائماً، هي أحد أقداري السعيدة.