خلقني أ**د

الفصل الثامن

#26خلقني_أسود

بقلم:

#Fulla_Ali

أنا أمقت العنصرية، لأنني أعتبرها شيئا الهمجية، سواء جائت من رجل أ**د أو رجل أبيض.

**نلسون مانديلا

**

اول حاجه الشكر للزميل علوي ...هو صاحب فكرة المشاركه..تاني بحب أشكر كاتبة انا قريت ليها كتييير ...طلب منها تألف لي الأغنيه

وفعلا ما اخدت منها نص ساعه وألفتها لي..والكاتبة دي أسمها ظهر في الأغنية..

ثالثا...اول شخصيتين وجن و مهند.

مهند زميلنا حب بت ما حنقول ما مستواهو لكن حنقول ما من لونو..واتقدم ليها بس اترفض...(طبعا عاينت لأخو وجن الكان قاعد في الصف الأووول التقول رئيس طوالي دنقر راسو المفتري )

ورابعا : ظهرو درة وهيلين...وللأسف التمثيل المثلوهو حصل داخل أروقة الجامعه ..(عاينت لاستاذ معاذ العمل فيها بضحك بعدها طلع نظارتو وبقى ينضف فيها..)

آخر شي ظهر حسيب..الكمساري الأنا حضرت زلتو قدامي بمجرد ما اتأخر في فتح الباب للراكب..

وظهرت انا...انا أكتر زول عانا من موضوع العنصريه ..ومن منو!؟؟؟ من أقرب الناس لي للأسف..

المهم يا جماعه...

.نحن عاوزين نوصل ليكم كيف الناس بتعاني من العنصريه دي...

الحمد لله الليله تخريج وفي كمية من الأسر هنا...انتي ي الأم الموجوده هنا...لمن ترفضي عريس اتقدم لبتك عشان لون بشرتو هل انتي عارفه انك **رتي ثقتو بنفسو ¡¿¿¿¿¿

طيب تعرفي انك وقفتي قدام سعادة بتك ¡¡¡

ممكن اسألكم كلكم...في زول هنا فيكم سألوهو تحب تجي كيف او تحب تتولد وين او تحب تقرا شنو ¡¡ في حد فيكم سألوهو انت عاوز تكون من ياتو قبيله ! لالا في حد سألوهو انت حابي تجي ذكر ولا أنثى !!

أكيد لا !! واتحدا أي زول لو سألوهو الاسئله دي !

ربنا سبحانه وتعالى بذات نفسه قال : ((وجعلناكم شعوبا وقبائل لتعارفو..إن أكرمكم عند الله اتقاكم )) نحن منو عشان نجي نقول ده عب انا ما عايزو لبتي !!

ما حأطول عليكم لكن أمنيتي..انو العنصريه تصاب بسرطان فتموت...

نزلت من المسرح وسط تصفيق الجمهور كنت برجف لكن مبسوطة اني وصلت رسالتي..

الناس بدو يمشو وانا كنت واقفه مع ابوي وزوجتو واخواني وكانو فرحانين بي..

جا واحد من الدكاترة وسلم علي بعربيهو الركيك : سلام عليكوم أستاذه سيبا ..

ألتفت وسلمت عليهو وكان معاهو استاذ عماد و ولد شاب كده وجييه أجنبي ..

الراجل سلم لي أبوي وكان باين عليهو الأستغراب..وابوي كمان قال ليهو كأننا اتقابلنا قبل كده !!!!

تاني أبوي قال : أنت دكتور جام !!؟

رد ليهو أيوا..بس أنا ما بأرفك !؟؟

ابوي قال ليهو قبل 19سنه زوجتي ولدت بمستشفاكم في إسبانيا!!

الراجل صر وشو في محاولة انو يتذكر لغاية قال : أنت والد الفتاة الجميله ! لا تقل لي أنها هي التي تقف أمامي!

ابوي قال ليهو : نعم ..انها فتاتي ذات المهر الغالي...

الدكتور انبسط شديد و قال لأبوي وهذا إبني جايك..طبيب جراح ..وغمز عينو..ابوي والدكتور قعدو يضحكو

سلم علينا ولدو ونحن كنا واقفين زي الأطرش في الزفة ...بعدها ودعونا وطلعو...مع استاذ عماد..

ونحن واقفين جات وجن سلمت علينا...نادتني على جنب وقالت لي : بالجد جميلك ما حأنساهو طول عمري ...قلت ليها : ده الواجب والله..اتخرجتي وعقبال تنجحي في إمتحان المعادله..

قالت لي عرسي بعد أسبوع...ما أظن خالد حيوافق اني امتحنو...حنسافر إيطاليا طوالي بتمنى تشرفونا انتي والأسرة الكريمه ..بغض النظر عن عدم النصيب الحصل

قلت ليها انا موافقه على عرسهم...

قالت لي : صبا !!!

قلت ليها خطوبة بس..العرس بعد تكمل دراستها..وانتي ربنا يسعدك ...وكل شي قسمة ونصيب في النهاية

..

*****

وافقت...ايوا وافقت على عرسهم وماف زول يلومني ...انا عملت العلي وكده ما حأحس بالذنب ...خطوبة صبا اتعملت في نفس يوم زواج وجن بعد عملو ليهم الجرتق عملو التلبيسه..

حبوبتي كانت متكيفة وضحكتها من الضرس للضرس..آخيرا لقت ناس بشبههوها ..

ربنا يرحمك يا أمي..بتك فشلت يا أمي !!!

طلعت وانا بداري دموعي ..مهند إتصل علي وقت رديت بدون ما يسلم لي قال : الراجل ..ما يكون كبير بس !!

قلت ليهو شاب ...ما تخاف ما كبير

-وهي يا صبا...إن شاء الله مبسوطة !

قلت ليهو بتبتسم..

- واهلها راضين عنها !!

-قلت وانا بغالب دموعي : اي

سكت مسسسافه وقال : طيب طلعت كيف بالأبيض !؟؟؟ أكيد كأنها ملاك موش؟؟؟؟

ضحكت غصب وقلت ليهو ما تعاكس..

-صاح ما أعاكس...صاح ما أعاكس..

قلت ليهو مهند !!

قال لي انتي ما حبيتي قبل كده مش!!!؟؟؟

وقتها قربت أقول ليهو أختك متعلقه نفس التعليقه حقتك...بس الفرق انها ما معشمة روحها على حاجه يستحيل تكون ليها...

قلت ليهو حتمتحن المعادله متين ؟؟؟

قال لي شهر لقدام كده..وجن حتمتحن؟؟

قلت ليهو ما معروف...يلا مضطرة أقفل ..

قفلت منو وانا منهارة تماما ..إلتفت عاوزه أرجع لقيتو قدامي...

اتخطيتو كمقدمة كتاب..مسكني من يدي..قال لي شكرا ليك

نفضتها منو وقلت دي أختي على فكرة...ممكن أدعس على كرامتي عشان أشوفها مبسوطة ..هو أنا عندي غيرها كم في الدنيا !!! ما حألعب بسعادتها عشان خوفي من كلام ونظرة المجتمع .. دخلت وانا مبسوطة بالضربة الأديتها ليهو...

تم الجرتق والخطوبة ...رجعنا البيت بعد ما أصرو اننا نبيت عشان نودع العرسان بس انا اكتر واحده اعترضت .

الليله د*ك ما نمت نهائي..جاتني فكرة قلت حكلم بيها أبوي الصباح

الصباح عملت الشاي البقى أساسي يتعمل في بيتنا...شاي لبن بنعناع..

لمن نشربو بنحس أنو أمي عايشه معانا ...

كلمت أبوي بما إنو.نحن مؤجزين يسمح لي امشي الأجازه لناس عمتو ...

وبالرغم من إعتراض أخواني بس أنا أصريت..وفعلا كان لي هذا..

...

*****

بمجرد ما وصلت الابيض قفلت تلفوني ورميتو في ظلمات الشنطه..

ارتحت وتاني يوم مشيت لعناب...صاح ما اتواصلت معاي من وقت آخر مره وأسي مرت زي سبعه سنه كده بس ماف عتب بين الأصحاب..

اتفاجأت لمن لقيتها اتزوجت وسافرو أمريكا..

اتونست مع حبوبتها مسسسافه لغاية سمعت استئذنت مني ودخلت المطبخ

سرحت في شجرة التبلدي لغاية سمعت الصوت الما بغباني..أستاذ عماد "!!

كان شايل نفس البت الجا بيها اليومداك ..سلم علي وقعد

قلت ليهو اسمها منو¿¿¿

قال لي جيتي متين¿¿

أبتسمت وقلت ليهو لي يوم يا داب..قلت أجي أشوف عناب بس ..

قال لي عناب همومها كتييييرة يا.. عشان كده ما تلوميها

اتغاضيت عن يا....دي وقلت ليهو هموم زي شنو¿¿

قال لي ولدها عندو ثقب في القلب...وعمرو يا داب تلاته شهور وعمليتو صعبه أسي..

قفلت يدي بخشمي ودموعي جات نازله

قال لي عشان كده ما تلوميها..الغايب عزرو معاهو يا استاذه ...

أستغربت لييي ما بقول إسمي ¡¡¡ لغاية سمعت صوت واحده بتنادي : صبا !!

قربت ألتفت بس البت الكان شايلها أستاذ عماد سبقتني..نزلت منو وجرت على مص*ر الصوت !!!

ألتلفت وشفت واحده سمراء عشرينيه كده جمييييله جمال مبالغه..وقت شافتني جات سلمت علي

نهائي ما اتعرفنا على بعض بس سلمت ومشت وكان باين عليها مستعجله..

عاينت ليهو وهو قال لي : ماضينا سوا . ..وشبه العلاقة البيناتنا ...انا ما نسيتك ولا لحظة...وسميت بتي عليك وهي أول مولود لي...

مسحت دموعي وما اتكلمت...كنت عاوزه اقول ليهو السلسل الهديتو لي لبستو لمن زيتو طلع..وللأن محتفظة ببقاياه ..لكن ما مهم الكلام ده أسي..عماد كون أسرة وعندو بت زي القمر...وما بنسى انو

سماها علي ..

- بعد مشيت إسبانيا حصلت معاي قصة عجيبه...قصه حلوة انتهت بالعنصرية واظن عرفتي النهايه كيف .

بعد خلصت ماجستير نزلت الخرطوم وقابلت هاله بالصدفه...هي طبيبه ومن أميز الدكاترة في جامعة الخرطوم...وحبيتها واتزوجنا..وجبنا بت انا أخترت ليها أسم صبا

قلت ليهو وزوجتك ؟؟؟

قال لي ما عرفتكم لأنها بتعرفك ...تتذكري يوم الأحتفال؟؟؟ كانت موجوده

بعد شوية جات هاله شايله صبا الصغيرة..قعدت معانا واتونسنا كأننا أسرة واحده

لوهله حسيت انو عماد اخوي..وهاله مرت اخوي..

حتى صبا الصغيرة شعرت بالإلفة وكل ثانية خاطفه تلفوني وجارية...كان يوم حلو خالص...

توالت مقابلتنا وزيارتنا حتى انا وهاله بقينا صحبات..بس للأسف..جا اليوم السافرو فيهو ورجعو الخرطوم..وتاني الملل إتسرب في حياتي...

جامعتي كان فاضل ليها 10يوم وقررت ارجع الخرطوم...

أنا أمقت العنصرية، لأنني أعتبرها شيئا الهمجية، سواء جائت من رجل أ**د أو رجل أبيض.

**نلسون مانديلا

***

تميت شهرين في الأبيض..أبوي جا بذات نفسو عشان يرجعني..

ودعت عماتي وناس جدو ورجعنا..بالجد كنت مشتاقه للخرطوم وكنت مشتاقه لأخواني !!

أجتمعنا مره تانيه !!

وما كان ناقصنا إلا نفس أمي معانا ..بي كده بتكون قفلت الأربعه شهور ..ربنا يتغ*دها بواسع رحمتو..

سألت من ناس حبوبة صابرينا قالت لي ما جاتهم تاني...لكن مشت عمره بعد ما رسل ليها سعيد تجي تعتمر في السعوديه...ما عارفه لو كلمتكم ولا لأ لكن سعيد امتحن شهاده وما نجح ...وسافر السعوديه بالسمبك وأمورو وضحت ومن الزمن داك ما رجع السودان

المهم...جامعتي كان فاضل ليها إسبوع ...نزلنا السوق انا وصابرينا أخدت معاها ملابس الجامعه...قالت لي ناكل إيسكريم؟؟

قلت ليها المغرب قرب وانا ما عايزاهو يأذن ونحن بره البيت..

قالت لي حلفتك ورح..انا أشتقت للقعده معاك !!

مشينا آمازون قاعدين وبتتونس..وكل ما الجرسون يجي صابرينا بتقول ليهو لسه..

وبتعاين اتجاه الباب كل ثانيه...انا عرفت طوالي انو دي خطة وقبل ما أفتح خشمي أبتسمت ...

عرفت إني إتأخرت كتييير ياخ !!!

سمعت سلام عليكم...عاينت لقيتو طلال وطارق و وجن و ولاء ؟!

قمت سلمت عليهم وحضنت وجن الكنت مستغربه من شكلها !!!

قعدنا كلنا وطلال طلب لينا الايسكريم..انا بحب نكهة الفانيليا موت وكان في كاسه واحده حقت فانيليا ..

عاوزه أشيلها شالها طارق...قلت ليهو انا عاوزه النكهة دي !

قال لي وانا شلتها أول

قلت ليهو بس دي حقتي أنا !

قال لي بعد رفع الكاسه ما شايف أسمك مكتوب فيها

إتغظت منو غيظ !! كلهم شالو طلباتهم وانا ما لقيت إلا نكهة الفراوله وانا م م م بحبها ياخ !!!!

شلتها وكنت باكل غصب وكلهم كان بجيبو مواضيع خارجيه عشان يمشو التوتر الحاصل ...

وجن قالت لي الأبيض كيف ؟؟

قلت ليها تممممام وجو ولا أروع..الفترة الأخيرة شفت خلق تستاهل الطلق (عاينت لطارق بأستفزاز و واصلت :وكنت محتاجه للسلام الداخلي

طارق قال بصوت شبه مسموع : حاسس نفسي بشوف زي ألوان

ما أشتغلت بيهو وواصلت في إيسكريمي وانا بقول : النكهة مبالغه ياخ ! صح رب ضارة نافعه

صابرين : من متييين بتحبي نكهة الفراوله !!!

حمرت ليها وقلت : من الليله !

بعد كملنا الايسكريم شلت تلفوني صابرينا قالت لي مالك؟؟

قلت ليها عاوزه أكلم ابوي يجينا الزمن فات..و واصلت عشان اغيظ الأهبل : وما عاوزه نمشو #برانا

طارق : ما تخافي انتي ما حتحصل ليك حاجه بخلقتك دي الخوف على صابرين

)كنت عارفه انو بهظر وما قاصد لوني ..لكن جواي في غل كتييييييير اتجاهو ..عشان كده قلت ليهو : صااااح..ماف واحد بتعرض لواحده سوداء أصلا..

شلت شنطتي وباقي أكياسنا

صابرين : صبا خلينا شوية بس !!

قلت ليها الاسكريم صدع بي..وطلعت طوالي

وقفت بره شويه كده كلهم جو طالعين..البنات كلهم بي صابرين اختي جرو ركبو مع طلال وملو العربيه..

وسي الزفت كان سايق تويوتا ون كابينه فتح لي الباب ومشى ركب

وقفت حكاية بتاعت دقيقه كامله وانا صاره وشي في الأخير ركبت معاهو واتحركنا..

يا سماي يا قمري المضوي

يا مزاجي يا عدال جوي ..مهما تسسسوي..

حبك قوووي

مهمها تسسسوي

حبك قوووي

حبك فيني غااب واتغوول ..برضو الاووول ..يا حبيبي انا

مااا بتتحول من قلبي هنا

قلت ليهو ما كنت قايلاك كجونكاوي

قال لي عشقي الاول والاخير ..انتي تبع حسين زي اخواتك صاح؟

قلت ليهو كجونكاوية والفخر لياا

أبتسم وسكت

قلت ليهو

وجن...كيف اخبارها بعد العرس؟؟

ضحك مسسافه وقال لي مبسوطه ما عندها عوجه

أبتسمت وكنت عاوزه أسألو ليي ما متحننه وكده...بس قلت ما اتدخل

*****

وصلني البيت..قبل ما انزل شال تلفوني

قلت ليهو رجع التلفون !

عاين لي وأبتسم..وطبزو....خليكم من ده اي انا مندهشة لكن ما زي دهشتي وقت فتحو !!!! أج ج جا !!

كتب رقمو ومسكل لي تلفونو وحفظ الرقم بالاتجاهين ومد لي التلفون

نزلت وانا مستغربة...صبا قالت لي : مسهيه في شنو !

قلت : اها..ماف شي ..ارح ندخل الجو برد

الليل كلو ما قدرت انوم ..وبالي مشغول ياربي عرف كلمة سري كيف!!

فتحت الشبكه وكنت بتفحص في منشورات الفيس علبان رسايل الواتسب تنزل ..أشوف ليك wateeeenyyyy اي والله كده

مرسل لي مساء الخير

فتحتها ومن الغ*ينه ما رديت..بدل كده غيرت أسمو ليzeft Alteen

القروها زي ألوان كيف تمام؟

تاني رسل لي عامله تقيله يعني؟؟؟

فتحتها وما رديت..وقفلت البيانات

مر الاسبوع ما اتكلمنا سوا وبس بنراقب حالات بعض..

جامعتنا فتحت..صابرينا شالوها مختبرات طبعا ..

جاها طلال وساقاها وانا ابوي وداني..

كان يوم أكتر من عادي ..زعلت لمن عرفت انو أستاذ عماد قرر يستقر في إسبانيا

اتصورنا سيليفي انا والشله وختيتها حالة ...كتبت : يفقد الأسد هيبته امام اللبوة

عارفاهو كلام خارم بارم وما عندو علاقة بالصورة بس انا عندي نقطة ضعف في كتابة الحالات

سمعت طقطيق اصابع وانتبهت لأني وصلت وندى كتر خيرها وقفت لي الهايس...حمرت لي ولا إتكلمت زاتو

إبتسمت ليها بأسنان عريضة ونزلت..

يوم ورا يوم..اسبوع ورا اسبوع

مرو وحالنا زي ماهو...الشي الغايظني اني بقيت براقبو ...إلا ما أفتح البيانات طوالي بجري بشوف حالاتو وهل هو متصل او لأ...وبراقبو في الفيس كمان

ياربي أكون مالي؟؟ سؤال بسألو لروحي كل يوم بس ماف جواب ..

في يوم مشيت لي صابرين كليتها كان عندهم احتفال بالطلبة الجدد.. قضينا يوم حلوو وما طلعنا إلا بعد المغرب..قالت لي طلال جاي يودينا البيت

قلت ليها ليي كلفتيهو كان تتصلي على ابوي !!

صابرين : مافيها حاجه..عشان هو ما قدر يجي الاحتفال قال لي حيجي يرجعنا ..

سكت ساي قلت ما اتدخل بيناتهم..اتصلت على ابوي كلمتو

..شوية كده شفنا عربيتو بس ما كان براهو..

نزل ونزل طارق بعدو ..سلم علينا وقال لينا اركبو

كنت مستغربه لي طارق نزل بس عرفت انو عاوز يركب ورا

صابرين ركبت جمب خطيبها وانا أضطريت اركب جمب الغ*ي

طلال عرض علينا نمش شارع النيل ..وبالرغم من انو الفكرة ما عجبتني لكن إضطريت اوافق..

ونحن بنتونس فجأة لقيت نفسي تالتتهم

طارق مشى وين ما عارفه

وحسيت كأني مقيداهم ..عشان كده مثلت جاتني مكالمة فاااشنو..انسحبت منهم

..

كنت بتأمل موية النيل ...ومنظر النجوم والقمر الكانو عا**ين في المويه

قال لي شفتي النيل ده ؟؟؟ بشبهك

التفت لقيتو طارق...رجعت عاينت في النيل وقلت : ايوا بشبهني خصوصا بالليل..عاينت ليهو وقلت بضحك : لونا واحد..

قال لي حتغفري لي متين؟؟؟

قلت ليهو بس ما انا البغفر..ربنا هو غافر الذنوب

طارق : ونعم بالله ما قلنا شي..لكن في أغلاط لازم بشر هو اليغفر عنها..

مطيت شفايفي بمعني يمكن

قال لي بحبك

عاينت ليهو بزهول ..يمكن لأني ما اتوقعت الكلمة دي منو...ولا اتوقعتها من زول !!! ولا اتوقعتها في الظروف دي زاتو

واصلت مشي متجاهلة مناداتو لي...ما كنت شايفه كويس بسبب الدموع اللفي عيوني

في زي تلاته اولاد كانو جاين علي..واحد قال : حرام عيون بالجمال ده تبكي

التاني قال : البكا شبهنا والعذاب حقنا يا حقنا !

التالت قال : ما تشتغلي بيهم وفضفضي لي انا يا انا !!

الرابع قال : امسكي الايسكريم أوضبهم !!

طوالي اتخارجو مني..عاينت لقيتو طارق ..كان شايل ايسكريم والاتنين بنكهة الفانيليا...

ما رديت..اتخيلو عمل شنو؟؟

ركع وهو شايلهم...قال لي عليك الله ..انا بترجاك

الناس بقو يعاينو لينا وفي جزء ابتدا يصور ( لا تدع الفرصة تفوتك )

شلتو منو وقعدت ..قعد جمبي وقال : سبحان الله كلام نجاة طلع صاح

قلت ليهو ونجاة قالت شنو !!

قال لي قالت انتي بتحبي الايسكريم...

ما اشتغلت بيهو و واصلت أكل وأنفي طوالي كرد فعل للبكى والايسكريم بدا يسيل...

ما انتبهت ليهو وقت اخد لي سيلفي وبسرعه ثبتها خلفيه ..

بعد الايسكريم رجعنا لي ناس صبا

قلت ليهو اقول ليك سر وانت تقول لي سر؟

قال لي على حسب طزاجة السر..

-كنت مفتكرة نجاة حبيبتك..اتفاجأته وقت ولاء نادتها خالتو في مناسبة وجن

ضحك وقال نجاة قدري في العمر..وصحبتي شديييييد ..دايما بتشوفينا سوا وما براك..كم نفر غيرك قايلنها حبيبتي .

ابتسمت وقلت ليهو دورك..عرفت كلمة سري كيف؟؟

قبل ما يرد تلفوني ضرب لقيتو ابوي..والحمد لله كلمتو اننا طلعنا مع طلال

رديت وقلت ليهو جايين في السكة...

اتحركنا من شارع النيل واتوجهنا للبيت..بالجد كان يوم ولا أروع..

...

ساهرت للساعه 1 حتى جاني نوم ..

وانا في عز نومي صابرين جات صحتني وهي بتبكي...قمت مخلوعه قالت لي : طلال !! طلال عمل حادث !!

لا حولا ولاقوة إلا بالله !!! متين الكلام ده !

قالت لي وهي بتشهق : أسي..اسي وجن كلمتني !!! يا صبا ارح قومي !

قلت ليها البسي وانا حأمش أصحي أبوي

شلت عبايتي وجريت حوش ناس ابوي دقيت دقيت ما فتحو لي...زدت الدق شوية كده ابوي جا فتح..اتخلع وقت شافني قال لي مالكم ¡¡ اختك مالا ¡

قلت ليهو كويسه ...طلال عمل حادث ماشين المستشفى..

قال لي ربنا يرفعو ويتطلف بيهو..دقيقه البس

خمسه دقايق أبوي جانا ونحن طالعين صابر زاتو جا طالع

ابوي قال ليهو خليك مع خالتك انت

طول الطريق صابرين ما وقفت بكى..والله حنيت على حالتها

ما كنت عارفه النوع ده من الحب..كل الكنت بعرفو حب امي وأسرتي ..اما عماد فأظن ده مجرد إعجاب من طفله كان عندها هدف في الحياة...العنصرية

صبرتها لغاية وصلنا المستشفى..

وجن ومعاها خالتها نجاة كانو ببكو..انا خفت يكون حصلت ليهو حاجه¡¡

أستغربت شديد وقت ما شفت امهم..اما ابوهم بس قاعد يستغفر ..وباقي أهلهم ما انتبهت ليهم زاتو

صابرين: طلال وين !! وينو طلال يا وجن !!!

قالت ليها ما تخافي طلال كويس..مع قول الكلمة دي جا طالع قريبهم من واحده من الغرف وشفنا طلال قاعد والممرضة بتلف ليهو رجلو....

صابرينا جرت عليهو وانا أتلفت على وجن الكانت مقطعه نفسها من البكا..قلت ليها ما تبكي..طلال كويس

خالتها نجاة قالت لي نحن ما ببنبكي عشان طلال !!!

أستغربت شدييييد بس سكت وقت آشرت لي ...

مشيت بخطوات بطيئة...وئيدة...مرعبه...بخطوات خايفه من المجهول !!! واتسعت حدقاتي قبل ما تقفل وتروح في ثبات عميق

❤

#**رة

مؤلم لما نعرف قيمة الحاجة وقت نفقدها..

بس الأكتر إيلام لمن تكون الحاجه دي زول عزيز على قلبك...

أجل انا أحمل بشرة سوداء..ولكنني أحمل قلبا أبيض بع**ك ايها الابيض ذا البشرة البيضاء و القلب الأسود..

**فله علي

****

خلاص فاقت...

سمعت الكلمة دي وسمعت صوت صابرين :

صبا ؟؟ انتي سامعاني؟

فتحت عيوني ببطء لقيتهم واقفين في راسي ومركبين لي درب شكلو خلصان لغاية بدا يسحب دم...أشرت ليهم بصعوبة نجاة فصلتو لي

قلت ليهم : ط ط طارق !! طارق وين !

وجن : ربنا يرفعو ويتلطف بيهو..ودموعها جو جاريات وهي بتقول : حالتو.حرجه شديد ومحتاج دعواتنا

انا كمان دموعي جرو..بعدها جات ولاء قالت ليهم امها فاقت..

طلعو وخلو معاي صابرين

عاينت لي قوووي وانا كنت بهرب من نظراتها كأني خجلانه على الخوف الخفتو لي طارق

قالت لي بتحبيهو؟؟؟

قلت ليها هو اخو طلال..طبيعي أخاف عليهو..ده ما حب ولا حاجه

صابرين:امممم ..طيب

قلت ليها طلال بقى كيف !! والحادث حصل كيف !! ولي ما قلتي لي معاو طارق!

قالت لي بالراحه علي !!! وقت وجن اتكلمت معاي فعلا قالت لي هم الاتنين بس انا خفت على طلال أكتر..عشان كده ما ذكرت طارق..

قمت بالراحه عقالت لي ارقدي ارتاحي!

قلت ليها انا كويسه..ارح نشوف خالتي اكرام بقت كيف((أم طلال))

طلعنا وصابرين كان سانداني...وقت دخلنا لقيناهم كلهم في الغرفه حتى ابوي..سلمنا عليها وطلعنا ..لاقيت في الباب آخر شخصية ممكن اتوقعها¡¡¡ مهند !

قلت ليهو : مهند !!

قال لي : جايييك جاييك ..ودخل وهو مستعجل الغرفة ..

كنا قاعدين في الانتظار بعد شوية جا سلم علينا ...قلت ليهو الجابك شنو!!

قال لي كيف الجابني شنو !! ديل نسابتي !

قلعت عيوني وهو عاين لي صابرين..قال لي اختك ما قالت ليك !

صابرين ضربت راسها وقالت : سبحان الله !! فات من راسي والله ! مهند خاطب وجن

قلت ليهم بس وجن اتزوجت !

قالت لي اطلقت .. تاني يوم قبل ما يسافرو اختلفت مع زوجها وضربها كف..

طارق اتهجم عليهو وضربو ...حجزوهم لكن وجن قالت يطلقها ..وكل الأسرة وقفت معاها

حاليا ناس عمهم مقاطعنهم لو لاحظتي ما جو المستشفى

قلت ليها ليي ما كلمتيني!!

صابرينا : انتي كنتي قافله ارقامك وبعد رجعتي من ناس جدي نسيت الموضوع ككل لأنو وجن ما بتحب تتكلم عنو

عاينت لمهند وانت؟؟ وافقو عليك كيف؟؟

مهند : بعد أطلقت طوالي مشيت اتقدمت ليها حار حار..و وافقو الحمد لله

فررحت شديييييييد بالخبر ده !! وجن ومهند سوا !! دي كانت واحده من المستحيلات !! لكن ربنا قادر على كل شي..

ونحن منتظرين طارق يفيق

ابوي جا قال لينا يودينا البيت ونرجع وقت الفطور الزمن داك كان الساعه 4:34صباحا

بعد تعب حتى أقنعونا نمش...رجعنا البيت وانا دخلت غرفتي ودورتو بكا..

خفت أفقدو زي ما فقدت امي!! خفت لانو بقت عندي قناعه انو اي زول ودوهو مستشفى معناها حيموت!!

يارب أرفعو وأتلطف بيهو يارب ..يارب أشفيهو...نمت وانا نصي في السرير والنص التاني في الأرض

...

قمت من الصباح عملت فطور وجهزنا ابوي ودانا ..

طلال حالتو سيئة ما كان بتكلم..ورجلو م**ورة .. اما طارق لا بجر إيد لا كراع..راقد والأجهزه حوالينو

جسمو كلو مورم ووشو ملفوف بشاش ما ظاهرات إلا عيونو !!!

طلعت بره في حوش المستشفى وانا ببكي بأعلى صوت عندي ..الناس بجو بقولو لي المات ليك منو !! وكل ما اسمع كلمة موت بزيد في البكا !!!

أستغفرت ومشيت صليت ركعتين ...رجعت ليهم وحالتهم كانت بالبلا ..امو دي مره تفيق ومره تفقد الوعي ..طلال ما كان بتكلم وما كان بمش..لغاية فقدنا فيهو الأمل..عرضوهو على كم أخصائي بس قالو دي صدمه وبتزول بالتدريج .

فضلنا على الحال ده 15يوم...

15يوم مت فيها ألف مره

15يوم عرفت فيها اني ما بحب طارق بس..لكن بعشقو...عرفت انو ا**جيني...عرفت اني ما بقدر أعيش من غيرو...عرفت انو وطن بالنسبة لي بعد أمي

***

بعد خرجو طلال مشينا ليهم البيت..طبعا طارق في غيبوبة ما معروف متين يفوق منها..يومي نجاة بتمش تقيل معاهو بدون كلل او ملل لانو يومي لمن انا امشي ليهو بلقاها لغاية بديت أغير منها..

كنا قاعدين في بيتهم امو قالت بعد عاينت لي: لمن طارق يفيق حنعمل عرسكم سوا..انا واثقه انو ما حيلقى بت تسعدو غيرك..وانتي كمان ما حتلقي زي طارق..ما عشان ولدي لكن هو اكتر ولد حنين لاقاني في حياتي..

أبتسمت ليها وما رديت...عيوني بدو يدمعو طوالي استئذنتهم وطلعت حديقتهم البره

صبا طلعت طلال كانت سايقاهو بالعجله جيت وقفت جمبهم اتكلمت معاها شوية كده تلفونها ضرب وقت عاينت للمتصل ردت بشغف وزحت بعيد مننا

انا سقتو ..كنا ماشين قلت ليهو : تعرف يا طلال.. انا بحب أخوك

الكلام ده ما قلتو لي زول غيرك وما عارفه لي..

بحب طارق وما خايفه من زول بعلنها #بالواضح_كده_وما_بالدس [تسقط بس ] .انا بحبو..

بغض النظر عن تعاملو الجاف معاي انا بحبو

وبغض النظر عن إختلافنا العنصري انا بحبو..بحبو وبتمنى اقولا ليهو

بقيت ابكي وانا بدعي ربنا : يارب زي ما انت ما حرمت طارق من اللحظة القال لي فيها بحبك انا كمان ما تحرمني من اللحظة الحأقول فيها انا بحبك يا طارق !!!

طلال قال بعد سكات دام 15يوم :

بعد وصلناكم مشينا سهرنا مع الشباب..طارق كان مبسوط شديد وقدر ما حاولو معاهو يتكلم عن السبب بس هو كان رافض

انا كنت عارف انو بحبك وناس البيت زاتهم بس كنا عاوزنو ي**ر غرورو ويعترف

ونحن راجعين البيت طارق كان سايق.. امي اتصلت عليهو تسألو لانو اتأخرنا..قال ليها جايين في الطرييق ..بعد خلص خت التلفون جمبو وكان مفتوح ..لمحت صورة بت طوالي شلت تلفونو مد يدو عشان يشيلو مني بس انا لزيتو وبحركة ع**طة مني شفت الصورة كانت ليك اظن الطقتها ليك في نفس اليوم..

كنت بقول ليهو بتحبها !! اعترف بتحبها "

وهو بقالعني وعاوز يشيل تلفونو...ما انتبهنا للشريحة الجايه علينا والضوء شوش لينا الرؤيا وآخر شي سمعتو صرخ بأسمك !!!

وقفت وانا مزهولة بالكلام السمعتو...طلال صاح اتكلم بس زي ما بقولو صمت دهرا ونطق كفرا ...

قلت ليهو يعني انا سبب الحادث!!!! انا !!!

طلال خت وشو بين يدينو وقعد يبكي...

قلت ليهو قبل 20سنه بسبب قسمة اني اتولد امي وابوي اتزوجو..وبالسبب ده امي مرضت وماتت...

اسي طارق!! ليي اي زول بحبو بتحصل ليهو حاجه !!! لييي !!!

سمعنا انا وهو صوت بكاء التفت لقيتها صابرين..

كانت ماسكة التلفون وبتبكي..قلت ليها في شنو !!! مالك يا صابرين !!!

قالت لي : دي نجاة قالت انو طارق....

#صلو_علىمحمد

#To_be_Continued