“NAKU! SA susunod huwag mo nang ibabato ang iyong cellphone kapag nagalit ka. Tingnan mo ang nangyari sa cellphone mo, nasira na at hindi na puwedeng gamitin. Mabuti na lang at hindi nasira iyong simcard,” pangaral ni Yaya Aura kay Raizer habang pinanonood siya nitong inililipat ang simcard niya sa isa pang cellphone niya. Mabuti na lang at may extra siyang cellphone, kung hindi’y hihintayin pa niyang magbukas ang mga mall para smakabili siya ng bago.
Nang maiayos niya ang kanyang cellphone ay agad niyang tinawagan si Railey. Nakaapat na ring muna bago may sumagot sa kabilang linya.
“Ang aga mo namang tumawag, Raizer. Ano bang kailangan mo?”
“I need your help, Kuya. Puwede mo bang ibigay sa akin ang contact number ni Khrysstyna. Gusto ko lang siyang makausap. Importante lang.”
“Bakit?
