KUSANG umaagos ang luha ni Kaye habang inilalagay niya sa white envelope ang dalawang card at tseke. Ilang beses na niyang pinahid ang mga mata. Pero tuloy pa rin ang pagbagsak ng luha niya kaya hinayaan na lang niya ito.
Pagkatapos maiayos ang laman ng envelope ay hinugot niya mula sa kanyang daliri ang dalawang singsing. Kumuha siya scotch tape at gunting saka idinikit ang parehong singsing sa loob ng nakatuping sulat. Nang masigurong hindi na malalaglag ang mga singsing ay ipinasok niya ang sulat sa envelope.
Ibinalik niya ang kanyang mga ginamit sa loob ng shoulder bag saka niya ito pilit na ipinasok sa kanyang backpack.
Tumayo siya at inilapag ang envelope sa tabi ng lamp shade. Inilabas din niya ang isang bungkos ng susi at key fob mula sa kanyang sling bag saka inilagay ito sa
