“Makinig ka Vittoria, ang institusyong ito ay hindi isang normal na ospital ng mga baliw.”
“A-Ano?”
“Ang mga naririnig mong pagsigaw ng mga narito sa bawat araw at gabi ay hindi dahil sila ay tinuturukan ng isang gamot, o dahil sila’y may sira ng ulo kaya normal lamang na marinig ang mga hiyaw ng mga ito. Hindi ito ang dahilan, kung hindi mo pa napapansin, ginagawang eksperimento ang mga utak ng baliw rito. Isa pa ginagawang baboy ang mga katawan ng babae rito, siya mismo ang nasaksihan mo kanina sa akin. Kaya kong kitlin ang buhay ng sundalong lumapastangan sa akin subalit kailangan kong magsakripisyo upang mahanap ko ang aking pakay rito. Kaya kung nais mong mabuhay, kailangan mong tumakas.”
Naguluhan si Vittoria sa isinisiwalat ng babae subalit napaisip siya dito. Umalingawngaw sa ka
