"Sapagkat ito'y sakit na hindi mahahagilap ng kahit isang beteranong doctor, o ng isang makina kahit gaano ito kahusay, o ng sinumang albularyo sapagkat ako lamang ang may alam nito."
Kumunot ang aking noo sa til isang bugtong na kanyang sinabi. Ano nga ba ito? Tinignan kong mabuti ang kabuuan nito at marahil ay hinihintay ang kanyang pagtawa o pagngisi simbolo na ito'y isa na naman sa kanyang pagmamanipula sa aking pag-iisip subalit wala. Walang nangyari, isang buong katahimikan ang namuo. Naramdaman ko sa pagbigkas nito ng bawat salita ang kakaibang emosyon na ngayon ko lamang narinig mula sa gitna ng kanyang mga banta at tawa. At ang tanging lumabas sa aking bibig, na wala sa aking kontrol ay ang mga salitang, "Ikamamatay mo ba ito?"
Muli'y nagwagi ang katahimikan sa silid. Tila nagh
