Humugot muna ng isang malalim na buntong-hininga si Cleo bago tuluyang pumasok sa dining room para sa lunch. Inaasahan niyang naroon na ang lahat ngunit ang nadatnan lang niya roon ay si Lola Adelfa na kasalukuyang nasa hapag-kainan na. Sina Hyacinth at Nanay Rosita naman ay tila abala pa sa pagpi-prepare ng ibang pagkain.
Ang paglinga niya sa kabuuan ng dining room ay hindi nakaligtas kay Yazzy. Batid nitong hinahanap ni Cleo ang taong nais makita ng mga mata ng kaibigan.
"Sa roof top magla-lunch sina Mr. Lee at Ms.Ybañez," pagbibigay alam ni Yazzy sa kaibigan para maipabatid dito na hindi nila makakasalo ang lalaking pakakasalan nito at ang babaeng kasama nito.
"Ini-offer ko kasi sa kanilang dalawa na doon na mag-lunch para masolo nila ang isa't isa. Gusto kong maging memorable sa mg
