Sinadya ni Cleo na huwag sumabay sa dinner kinagabihan. Nagdahilan na lang siya na medyo sumama ang pakiramdam ng kan'yang tiyan. Ewan ba sa kanya kung bakit nagdesisyon na naman ang isip niya na umiwas kina Calyx at Maxene, kahit pa nga nag-aalburuto ang kan'yang puso sa tuwing hindi niya nakikita ang dalawa. Napa-paranoid siya na baka kung ano na naman ang sweet moment na namamagitan sa dalawa.
Kahit pa nga sabihing matagal nang tapos ang relasyon ng mga ito ay hindi pa rin niya maiwaksi sa isipan, na nagmahalan din ang dalawa noon at posibleng may pag-ibig pa rin sa puso ng mga ito ang mabuhay kapag nagtagal pa ang pagsasama ng dalawa.
Alas-nuebe na nang gabi nang sandaling iyon at totoo na ang pagsama ng pakiramdam ni Cleo. Nagsisimula nang magreklamo ang tiyan niya. Kung bakit naman
