SUMAPIT ang hapon, tila naiilang si Lucy na katabi ang amo sa passenger seats. Hindi siya mapakali sa upuan. Habang ang amo ay prente lang na nakaupo. Susunduin nila si Linden sa school. At gaya ng kanilang napag-usapan. Dalawa silang susundo sa bata. Kahit umayaw pa siya ay ipipilit pa rin ng amo niya ang gusto.
"Tahimik ka, Lucy? Hindi ka ba komportable na katabi ako ngayon?" biglang tanong nito. Kapansin pansin ang pag iwas niya sa binata. Iniiwasan lang ni Lucy na umusbong muli ang pagtatalo sa pagitan ng amo niya at sa kanya. Parang wala ng katahimikan ang buhay niya.
Hindi niya malaman kung dapat bang lingunin niya ang amo. Kinakabahan siya at nahihiya rin na kasama pa niyang magsusundo kay Linden ang binata. Puwede naman na siya na lamang. Magiging tampulan pa siya ng chismis sa
