Ilang sandali pa at sinimulan na ang kasiyahan.
Bumaha ang iba't -ibang pagkaing pangmayaman. Di naman marami ang bisita pero iyong handa pang-isahang barangay na.
Sa gitna ng masayang kainan ay isa-isang nagbigay ng speech ang mga Carson para sa dalawang birthday celebrant habang nakaupo ang lahat sa kanya-kanyang table at pinagsisilbihan ng mga unipormadong waiter.
Kasama ko sa iisang table sina Miss Aliza at Sir Kenzo. Ayaw nga sana ni Kiro pero pinandilatan ko siya nang akma siyang kokontra sa table arrangements na si Ma'am Kofie yata ang nagplano.
Kahit magkatabi kami at katapat namin ang magkatabing sina Miss Aliza at Sir Kenzo ay maya-maya ang pabulong-bulong ni Kiro na pasikreto ko namang sinasaway.
Gusto ko na ngang matawa sa parang bata niyang pagdadabog pero ramdam ko ka
