Pagkagaling sa villa, hinayaan na ni Ava na matulog ang kambal dahil napagod ang mga ito sa paglalaro. Ginabi na rin kasi sila ng pag-uwi. Sa tagal ba naman nilang hindi nagkita ni Eury ay talagang mahaba ang naging kuwentuhan nilang dalawa. They almost talked everything that has happened in five years that they were away from each other. Hindi rin ito pumayag na hindi sila doon kumain ng hapunan. Tinalo pa ni Eury ang piyestahan sa dami ng ipinahanda nitong pagkain. Mukhang pinaghandaan nga talaga nang husto ang pagdating nila roon.
Hindi sila nasundo ni Killian. May biglaan daw kasi itong meeting sa isang kliyente na taga-roon lang din sa probinsya. Naiintindihan naman niya iyon dahil nature na ng trabaho ng kaniyang asawa ang mga urgent meeting. Hindi lang naman kasi iyon tungkol sa pe
