John’s Point of View
PAGPATAK pa lang ng alas otso nang gabi ay dali-dali na akong nagpaalam sa dalawa upang sunduin si Monica. Nilaan ko lang ang oras ko sa pakikipag-usap nina Sheila at Jackie at inaamin ko na masaya naman ang pag-uusap naming tatlo.
“As a promise, tayo na lang tatlo ang magsusundo kay Monica. Gusto ko rin siyang makilala. Mukhang ako na lang yata ang hindi nakakakilala sa kanya. Kung hindi man lang ba naman sinabi ni Jackie sa akin na 1st year representative pala si Monica ay hindi ko siya mapapansin,” iyon na lamang ang sinabi ni Sheila sa akin nang makatayo ako sa pagkakaupo.
“I know you will like her. Mabait si Monica,” dagdag pa ni Jackie kay Sheila. Magka-block mates nga pala ang dalawang ito kaya sila magkakilala. Hindi lang classmate ang turingan nina Jackie a
