Monica’s Point of View
KINAGABIHAN nang makauwi ako sa boarding house na tinutuluyan ko ay ibalita ko kaagad kay Chepai ang nangyaring pag-uusap namin ni Kent sa SJU. Kinukuha niya kasi akong private tutor ng kapatid niyang lalaki. Hindi ko naman akalain na ako ang maiisip niya sa puntong iyon.
Kahit naman si Chepai ay nagulat nang ikuwento ko sa kanya ito.
“Ha!? Kukunin kang private tutor ni Kent!?” iyon ang sigaw niya sa akin. Napatayo pa siya sa pagkakahiga sa kanyang kama at lumapit sa puwesto ko roon sa study table.
Tumango ako kay Chepai bilang sagot. “Oo nga. Narinig mo naman siguro ang sinabi ko sa ’yo.”
Instead na mag-isip siya kung papayag ba ako o hindi ay nagsisigaw siya roon dahil sa kilig. “Hala, girl! Sure na ba iyan!? Oh my God!”
“Ba’t parang kinikilig ka yata riyan!
