Monica’s Point of View
ALAS-DOSE ng tanghali, araw ng Lunes. Muling magkasama kami ni John na kumain sa labas. Pero bago pa niyan ay napagdesisyunan ko munang puntahan ang kababata ko sa department nila dahil wala akong pasok sa last subject ko ngayong umaga.
Papaalis na sana ako sa department na pinasukan ko nang madatnan ko siya kasama si Jackie. Nag-uusap pa ang mga ito habang magkasabay na naglalakad papasok sa DoE.
Napahinto ako sa paglalakad at tiningnan lang silang dalawa. Napapangiti ako nang gumuhit sa isip ko na parang bagay sina John at Jackie. Bagay silang maging sila, sa totoo lang.
Pero nang maisip ko rin iyon ay parang may kumirot sa puso ko, na ikinalungkot ko naman. Ewan ko. Basta bigla ko na lang naramdaman ito nang mapagtanto ko na bagay sila John at Jackie na magno
