Nagsisisi na ba ako dahil sinundan ko si Andriel? Sagot: Oo.
Putakte. 'Di ko naman alam na dito siya pupunta eh! Narito ako sa entrance ng tinatawag nilang 'Gangster World'. May hagdanan pababa at marami-raming tao rin ang nakatambay dito sa may itaas.
Nasa likod ako ng isang puno na malapit sa entrance. Nakatalikod si Andriel sa akin at biglang tumigil sa mismong tapat ng hagdanan. Akala ko naman may ilalabas na baril, sumbrero lang pala.
Isinuot niya iyon at yumuko. Bakit ayaw niya kayang ipakita ang mukha niya?
"At anong ginagawa ng isang binibini sa ganitong lugar?" Napalingon ako sa likod ko kung saan nanggaling yung nagsalita. Nasa harapan ko ang isang di kilalang lalake.
Napakurap ako bago talikuran siya. Dito pala nagtatago ang mga pogi sa mundo, sa ibaba ng hagdanan na iyan.
