ANDROMEDA
Hindi ako pinapansin ni Strontium. Ewan ko ba. Pag-uwi ko kagabi dito sa mansyon kagulat-gulat na gising pa siya at nagbabasa ng libro. Tuloy-tuloy lang ako sa kwarto ko at hindi na ako nag-abala pang kumain, hindi naman ako gutom. Tapos ayun, parang hinintay niya lang akong makauwi tapos pumasok na rin siya sa kwarto niya. Hanggang ngayong umaga parang may cold war pa rin sa pagitan namin. Hindi ko nga maintindihan kung bakit nagagalit siya eh samantalang dapat matuwa siya na sumama ako kay Dandelion kahapon para kilalanin si mama.
"Where are you going?" tanong niya.
I didn't look at him. "Tapos na kong kumain."
Patuloy lang ako sa paghakbang ko pababa ng hagdan. Mabuti na nga lang at walang ibang tao dito sa mansyon, walang makakakita kung paano kami magsagupaan
