Hinihintay ko si Honey sa labas ng hospital. Dinaanan ko na siya dahil malapit lang ito sa pinuntahan kong site. Mahigit kalahating oras na akong naghihintay sa loob ng sasakyan. Pinauwi ko na ang driver—kapag kasama ko si Honey, ako ang nagda-drive.
Nang matanaw ko siya, agad kong binuhay ang makina at sinarado ang distansya. Lalo akong nainis nang makita kong may kasama siyang ibang lalaki. Siguro kaya natagalan siyang lumabas dahil nakipagkuwentuhan pa. Isa sa pinakaayaw ko sa lahat—ang pinaghihintay ako.
Halata agad ang pagbabago ng mood ko.
Kung hindi lang mapilit si Papa na dalawin siya sa hospital, hindi ako mag-aaksaya ng oras dito. May meeting ako sa ibang client, pero dahil ngayon ang schedule ng pagbisita kay Papa, wala akong choice kundi i-cancel ang mga lakad ko.
Mabilis a
