القناص

الفصل الرابع

تصرخ فيه لكي تعرف لما كل مره يقا**ها يحدث ذلك ولكنه ظل يسحبها ويجري ويختبئ من طلقات النار ولا يبالي بصراخها هو يعذر خوفها وارتباكها مما يحدث لانه وببساطه لن يسمح لاي احد برفع صوته عليه لانه وببساطه(القناص)

.

.

بعد ركض ما يقارب ربع ساعه واختبائهم في مكان يشبه مستودع بعد الاطمئنان ان مراقبهم اختفي بسبب انهم اصبحوا في مناطق سكنيه

.

القناص بأمر حازم ::خليكي هاديه ومن غير حركه

.

كانت متجمده مكانها وتحرك رأسها بموافقه

.

وضع يدها علي اذنه ويبدو انها سماعه ::انا القناص عايز العميله (أ )تجيلي في المستودع القريب من المناطق السكنيه الخاصه بلحي الرابع بسرعه

.

.

وهج وهي تلهث وتحاول اخذ انفاسها ::هو ايه الي بيحصل وعميله وقناص وض*ب نار هو انتو بتصورا فلم جاكي شان ولا ايه

.

نظر له بعيناه بتحذير::لو كلمه او اي حد سألك وقلتي حاجه او اتكلمتي ساعتها رقبتك هتكون

.

واشار بيده وكأن رقبتها ستطير

.

وهج بخوف::مش هقول بس سبني اروح

.

لم يرد عليها وانتظر دقائق حتي اتت سياره سوداء كانت تقودها فتاه تعرفت عليها فهي التي اوصلتها منزلها المره الماضيه دفعها بخفه داخل السياره واغلق الباب

.

القناص::زي المره الي فاتت بلظبط وانا هروق المكان والحقك علي القسم

.

العميله (أ):: علم وينفذ يا فندم

.

وهج مع انطلاق السياره كانت تفكر فيما حدث وتناجي نفسها(هو ايه ده مين الناس دي انا بحصل معايا كدا ليه يارب انا خايفه

.

.

.................

سهام ::يعني ايه عايز تخطبها

.

مدحت::عايز اخطبها ايه الي مش مفهوم في كدا خطوبه و جواز حاجات مش محتاجه فهم

.

سهام:مدحت بلاش هزار وانا مش هفتحها في حاجه انا داخله انام

.

مدحت::خلاص هقولها انا

.

سهام وهي تتجه لغرفتها::تمام اشطا عشان تاخد الرد انا مش هغامر بصديقتي الوحيده

.

مدحت بأمل::هقولها وهتوافق ان شاء الله

.

.

...............

بعد ان نزلت وهج من السياره وتوجهه بوجه خائف ومضطرب الي شقتها وما زاد الامر هو سامعها لتلك المدعوه العميله (أ) وهي تقول::حمايتك دلوقتي بقت مسؤليتك انتي وبلاش تتوجهي للبيت ده تاني عشان متعرضيش نفسك لأي خطر مش في كل مره القناص هيكون موجود

.

.

جلست علي سريرها تفكر في هذا الامر وهؤلاء الاشخاص انهم يبدون كفلم وحياتهم مغامره اكشن في الافلام ايضا ولكن لما وقعوا في طريقها

ظلت تفكر الي ان غرقت بلنوم بدون حتي ان تبدل ملابسها وتتناول عشائها

.

.

.................

في الصباح الساعه ١٠ ونصف

.

.

حنان::بت يا ساره مش قولتيلي ايه اخر تطوراتك مع مالك بيه

.

ساره بتشدق::مفيش ياختي بقاله يومين ضارب بوز وشغله كله للمساعد بتاعه حتي صباح الخير مبقاش يقولها

.

حنان::تلاقيه عنيه زاغت علي حد تاني مهو مبيطولش وديله بيلعب دايما

.

ساره::بس علي مين دانا ساره هجيبه تحت رجلي يعني هجيبه

.

.

وقفوا انتباه عندما دخل الصقر للشركه

.

بعد ان ابتعد عن انظارهم

.

ساره بهيام::والنبي ده الي يتبصله والي يتسحب

.

حنان::ده فين واحنا فين ده يادوب نبصله من بعيد لبعيد حتي البصه حرام

.

.

.........

اشرف دخل مكتبه بعد ان تعرف علي زملائه فيه وعرف ماهيه عمله واخذ الاوراق وبدء يباشر اول يوم له بلعمل وهو بمنتهي السعاده و الفرحه ولكن قطع تلك اللحظه رنين هاتفه بأسم سهام

.

.

اشرف بابتسامه::صباح الخير

.

سهام::صباح النور ايه اخبار اول يوم في الشغل بقي

.

اشرف::والله يا سهام لغايه دلوقتي تمام جدا

.

سهام::طيب الحمد لله ووهج

.

اشرف::انا وهي بنشتغل في اماكن مختلفه بس هطمن عليها في الاستراحه

.

سهام::اوكي بلتوفيق يا اشرف ..

.

اشرف بسعاده::تسلميلي

.

اغلق الهاتف وهو يشعر ان فرحته اكتملت بعد تلك المكالمه

.

.........

كانت تركض في الغرفه ذهابا وايابن تلملم اشيائها بسرعه فساعه اقتربت من الحاديه عشر وهي مازلت هنا كان من المفترض ان تكون هنالك في تمام التاسعه ولكن ارهاق امس جعلها تنام كلقتيله

بعد ان اخذت هاتفها ووضعته في حقيبتها التي وضعتها علي ظهرها بعد ان ارتدت جينز ابيض وبلوزه من اللون الاسود وحذاء ابيض وجمعت شعرها علي شكل زيل فرس وانطلقت لاول واخر يوم عمل لها علي حد قولها (البارد لن يرحمني)

.

.

.

.

.........

صقر بوجه جاد ::تمام يا مالك كدا الاوراق الي معاك جهزت وديهم علي المصنع عند قصي وهو عارف هيعمل ايه

.

مالك::تمام يا باشا

.

صقر ببرود::لسه مجتش

.

مالك بأستغراب::لا

.

نهض صقر وتوجهه للباب::تمام روح علي مكتبك

.

ثم خرج من المكتب تارك مالك في حاله من الذهول وكثر من علامات الاستفهام

.

.......

اما هي بعد زحمه سير كبيره اخيرا تقف امام الشركه

.

وهج تحاول السيطره علي انفاسها::اووووف واخيرا

.

دخلت الشركه وتوجهت للمصعد تحت انظار ساره وحنان فتيات الاستقبال

.

ساره::ومين دي كمان

.

حنان::اصلك متعرفيش دي الموظفه الجديده عند صقر بيه

.

ساره بغيظ وكره::شكلها ملزق

.

حنان::حرام عليكي دي قمر

.

ساره::بلستر ياختي تدعي لنفسها متوقعش تحت ضرسي وتكون سالكه

.

حنان::يا ساتر يارب منك

.

.

.......

قابلت وهج مالك

.

وهج::الحمد لله اني لقيتك فين المكان الي هشتغل فيه اصلي تايهه بصراحه

..

مالك بأبتسامه::اهلا وسهلا انتي اتأخرتي كدا ليه

.

وهج::الطريق المهم فين المدير

.

مالك::فوق سطح الشركه احسنلك تروحي مكتبه وتستني لما ينزل ...

كاد ان يمشي ولكنها قال::واحسنلك حاولي تمتصي غضبه

.

وهج::انا مالي هو انا هتحكم في الطريق

.

مالك::معلش اصل احنا مديرنا خانقه

.

وهج::ااه والله معاك حق علي العموم انا هعمل الي قلتلي عليه باي

.

.

نظر لها وهي تمشي ::اي البت دي

.

.

........

ايمن::الشحنه طلعت

.

شاهنده::كله تمام

.

ايمن::اهو حاجه كويسه افرح بيها طاهر باشا بدل ما هو قالب عليا اليومين دول

.

شاهنده بدلع::طول منا وراك هتفرح يا بيبي

.

ايمن يحرك اصبعه علي خدها ::منا وراكي يا شاهنده عشان لما اقع مقعش لوحدي وانتي فهمه وانجزي روحي خلصي الاوراق الي قلتلك عليها

.

.

.

...........

وهج بيضق وهي تجلس في غرفه منعزله عن مكتبه بها اريكه صغيره وعده كراسي ومكتب صغير عليه حاسوب كانت فخمه رغم صغرها ::انا هفضل مستنيه كدا كتير

.

صقر ببرود::لا مش هتفضلي مستنيه كدا كتير

.

وهج توترت من ظهوره المفاجئ::استاذ صقر

.

صقر وهو يتجه لمكتبه بشموخ::كوبايه قهوه ساده والبن بتاعي هتلاقيه في الاوضه الي هناك دي

.

شاور بأصبعه علي غرفه صغيره من الزجاج .

.

وهج بعد ان فهمت::طيب

.

صقر وهو يلغق الباب ::اسمها حاضر

.

وهج وهي تقلد طريقته بصوت هامس::اسمها حاضر ناننننننننن

.

.

.

.........

كان يجلس ويبدو انه غير مرتاح الا ان اتاه اتصال

.

صقر::هاا عرفتوا مكانها انا عايز اخلص بسرعه يا قاسم

.

قاسم::متقلقش البيانات قدامي ورابط البيت بشبكه مراقبه قويه غير الحراسه

.

صقر بأرتياح::طيب كويس اي جديد بلغني

.

قاسم::علم يا فندم

.

اغلق صقر المكالمه تزامنن مع طرقها للباب ::اتفضلي

.

ظلت تنظر له لثواني وهو يبادلها

.

صقر::حطي القهوه علي المكتب

.

وهج ::لا مهو مفيش قهوه

.

صقر رفع حاجبه::نعم؟

.

وهج بخجل::مش عارفه اطول اماكن الحاجه عاليه جدا وانا اكيد مش هطلع علي حاجه واجبها وبعدين اقع عشان خاطر فنجان قهوه لسياتك يا استاذ صقر

.

صقر اقترب منها بخطوات ثقيله::عارفه لو كانو قطعوا حته من ل**نك الطويل ده وضافوها لطولك كنتي عرفتي توصلي وتعملي القهوه

.

وهج ترفع عيناها لعيناه بتحدي::والله محدش قالك تعمل الشركه كدا مناسبه للاطوال الي زيك ما تراعي ان فيه موظفين هيكونوا فيها

.

صقر بتأفف ::اسكتي خال0ص واتفضلي قدامي

.

وهج نظرت له بغرور ثم تقدمت امامه الي غرفه القهوه كما اسمتها

.

.

وقفت امامه::اهو اتفضل بقي جبها

.

احضر صقر الاشياء وهو ينظر لها ببرود ::اتفضلي اعملي القهوه مخصوم منك ٣ ايام

.

وهج بصدمه::نعم ..اي ...ده تلات ايام ازاي دانا لسه مشتغلتهمش تقوم تخ**هم

.

صقر ::عشان تتعلمي تقصري ل**نك شويه

.

ثم توجهه لمكتبه بكتفيه العريض والمعضل

.

وهج بذهول::لا ده مش بني ادم ولا ممكن يكون انسان اي ده

.

..

.

.

........

طاهر وهو يتأمل صورتها::بريئه قووي عيناها لون البحر يا تري ممكن نكون لبعض ..اااه ساعتها معرفش هيحصلي ايه يا وهج هكتفي بيكي وهنخرج بره مصر واعيشك اميره وانتي اصلا اميره

.

.

......

وهج بضيق وهي تضع القهوه علي المكتب ::اهو القهوه

.

صقر::تمام روحي علي مكتبك ومخصوم منك يومين كمان

.

وهج بضيق ::لا ده انت بتستعبط

.

صقر بضيق ظاهر ::نعم؟؟

.

وهج بأرتباك::اقصد يعني حضرتك زودتها انا عملت ايه عشان تخ** كمان يومين هو الشهر فيه كام يوم

.

صقر وهو يعيد النظر في الاوراق امامه::حطه القهوه وطريقتك غلط المفروض بهدوء تحطيها علي المكتب وتقولي اتفضل يا فندم مش الطريقه بتاعتك

.

وهج تحاول كبت غضبها وعدم الانقضاض علي رقبته وخنقها او شعره ونتفه ::حاضر يا فندم اي اوامر تانيه

.

صقر::قلتلك تقدري تروحي مكتبك

.

.

خرجت وهي تحاول كبت غطبها ولكن ما اوقف موجه الغضب تلك هو شعورها بلجوع الشديد فهي لم تناول الافطار وتعتقد انها استراحته الغداء الان لانها علمت ان الاستراحه الساعه ٢ والنصف والان الساعه ٢ و٤٥ دقيقه اي انها بدأت واوشكت علي الانتهاء ايضا

.

.

وهج::انا هروح اجبلي حاجه اكولها بس الشخص السئيل الي جوه ده لازم اقوله ولا لأ ....انا ادخل اقوله واخلص عشان ميخ**ليش تاني

.

طرقت الباب عده مرات حتي سمح لها بلدخول

.

صقر بدون ان يمهلها وقت::يا انسه هتلاقي ملفين واحد احمر والتاني اسود عندك هناك في الركن ده جيبيهم ضروري

.

اشار لها بيده علي ذلك الركن الذي يحتوي علي العديد والعديد من الملفات

.

احضرتها له وبدأت تتلاقي العديد من الاوامر وهي تنفذ لانه يبدو مشغول

.

.

.

........

طاهر كان يقف امام ذلك الكافيه ودخل جلس علي احدي الطاولات انتظر ان تتقدم له وتأخذ طلباته ولكنها لم تظهر

.

رشوان::ايه ده طاهر المرشدي بجلاله قدره هنا في الكافيه بتاعي

.

طاهر بأستغراب::رشوان

.

صافحه رشوان::ازيك يا طاهر عاش من شافك

.

طاهر بمجامله بارده::الله يخليك اهو عايش

.

.

.

.............

انقضي النهار وهي مازالت تعمل وتلبي طلباته الخاصه بحمل الملفات ومراجعتها وتصويرها وعمل القهوه اما هو فكان يناقش امور العمل مع مالك والسكرتير الخاص به

.

.

ياسر سكرتير صقر::كدا يا فندم الميزانيه خلصت والحمد لله

..

مالك يرفع يديه بتعب ::الحمد لله خلصنا بهدلتنا معاك يا شيخ دانا لو مكنتش لحقت نفسي وكلت في البريك مكنتش هقدر اكمل يلا يا ياسر يابني نقوم نمشي ليطلب مننا حاجه كمان

.

.

راجع ذاكراته وتيقن انها لم تأخذ استراحه الغداء ضميره انبه ولام نفسه كثير فقرر استدعائها

.

وهج بأرهاق::نعم

.

صقر::انتي متغدتيش صح

.

وهج::ملحقتش

.

صقر وهو يتناول هاتفه ومفاتيحه::كويس

.

وهج ::نعم

.

صقر::قصدي كويس عشان لقيت حد لسه متغداش زي فهنروح نتغدي مع بعض

وهج::نتغدي الساعه ٨ ونص بليل

.

صقر::مش هتفرق حصليني

.

وهج::انا هروح مش هاجي معاك

.

صقر برواغه::عايزه يتخ** كام يوم

.

وهج بسرعه::بيتزا عايزه اكل بيتزا

.

صقر بأبتسامه جانبيه::تمام حصليني

.

.

.

.........

شاهنده تضع رأسها علي ص*ر ايمن العاري::كل مره بحس اني ست جميله قوي وانا معاك

.

ايمن وهو ينفث دخان سيجاره فاخره::انتي جميله يا شاهنده والي زايدك جمال عقلك وافكارك

.

شاهنده بخبث::افكاري بس

.

ايمن فهم مقدصها::لا وحاجات تانيه كتير وقومي بقي قبل منتكشف وطاهر يوصله خبر بلي بنعمله ساعتها هنروح في خبر كان

.

شاهنده::غريب طاهر ده بيشتغل في المافيا وتقريبا بيعمل كل حاجه غلط جت علي دي

.

ايمن::طاهر ده من النادر او المستحيل حد يعرف هو بيفكر ازاي

.

.

.........

وهج جلست وهو امامها منتظرين الطعام

.

صقر ::عمرك خفتي علي نفسك قبل كدا

.

تفجأت من السؤال جدا ::ليه حضرتك بتسألني كدا

.

صقر::بسلي وقتك لما الاكل يجي

.

وهج::يعني هو حضرتك قبلت حد قبل كدا مبيخفش علي نفسه

.

صقر ::تقدري تقولي كدا قابلت شخص مبيخفش علي نفسه

.

وهج::طيب اعتبره شخصين لاني بصراحه مفيش حاجه بخاف منها يعني كدا كدا كلنا هنموت

.

صقر::متفأئله قوي انتي يا وهج

..

دق قلبها لسماع اسمها من صوته الخشن الرجولي كما لو انها اول مره تسمتع لاسمها قالت بأرتباك::يعني تقدر تقول كدا

.

بعدها وضعت العامله الطعام امامهم وبدؤء بلاكل

.

في نفس اللحظه دخل طاهر المرشدي المطعم

.

صقر بحده::قومي نمشي يلا

.

لم تكن تكاد تبلع لقمتها ::هو حاجه حصلت

.

وضع مبلغ من المال علي الطاوله وامسك يدها وسحبها ورأه

.

شعرت بشئ غريب وهي تسير خلفه كأنهم كانوا بنفس هذا الموقف من قبل وانها ليست المره الاولي التي يسحبها فيها هكذا او يمسك يدها بتلك الطريقه

.

دخلا السياره وانتظرت دخوله وعندما ادار السياره وانطلق::هو انت القناص

.

.

.