Ang galit ni Dave ay parang apoy na hindi mapapatay nang makita niya iyon. Hindi niya talaga mapaniwalaan na ganito ang gagawin ng asawang si Helena sa kanya.
Sobrang sakit iyon para sa kanya na lokohin ng asawa. Nagkamali man siya noon pero di naman sapat na basehan iyon na gagantihan siya nito dahil ginawa niya ang lahat upang maging mabuting asawa at umiwas na siya sa mga tentasyon.
Habang sinundan ang kotse ni Jharies ay pinilit niyang manatiling kalmado kahit tila puputok na ang kanyang dibdib sa sakit na naramdaman at sa galit.
Hindi niya gustong gumawa ng bagay na maaaring magpanganib kay Helena at sa kanilang anak. Makalipas ang ilang minutong paglalakbay at pagsunod ni Dave sa mga ito ay nakita niyang huminto ang kotse ni Jharies sa harap ng isang maliit na tagong restaurant na
