زهايمر

الفصل الثاني

الفصل الثاني .

ظلت بسنت تتحدث مع حاتم في أمور كثيرة ، علمت من خلالها أنه درس في كلية الصيدلة ، وأنه يمتلك مزرعة كاملة يزرع بها مجموعة نادرة من النباتات والأزهار التي يستخدمها في تصنيع خلطات طبيعيه للأمراض المختلفة ،أخبرها أنه دائم الترحال ، لا تبقي في مكان واحد لأكثر من ستة أشهر ، ولكنه يجب أن يأتي إلي تلك المزرعة بين كل رحلة والأخرى ، فهذه المزرعة هي حياته ، علمت مدي حبه للخيول ، أخبرها عن مجموعته النادرة من الخيول العربيه الأصيلة ، أخبرها أنه يمتلك سلالة نادرة من الخيول ، عددها محدود في العالم ، كانت تشعر بالفخر والزهو وهي تستمع إليه ، لاحظت كم إنه إنسان قوي يعتمد علي نفسه ، كم هو انسان لطيف ،

حاتم :

أنا تقريبا قولت كل حاجة عني ، وطبعا لو قولت لك إني أول مرة أفتح قلبي لحد بالطريقة دي مش هتصدقيني ، لأنها طريقة قديمة ،ومبتذلة ،يستخدمها الشباب للتعرف عن البنات ،بس والله دي الحقيقة . .

ابتسمت له بسنت ثم قالت له :

أكيد مصدقاك ،متخفش ،لأني أنا كمان أول مرة ارتاح لحد بصدق ، واحد مفيش بيني وبينه أي مصلحة ، معرفة يوم وهتنتهي العلاقة دي ، عشان كده أنا هعتبرك دكتوري النفسي وأقولك سبب خروجي من البيت في وقت متأخر .

أنا بسنت الجمال بنت رجل أعمال كبير ومشهور ، مخطوبة لرجل الأعمال يوسف الخولي ، كنت بحبه جدا ، وكنت فاكراه بيحبني ، لحد ما عرفت إنه بيكدب عليه ، وهي علي علاقة بالسكرتيرة ، ومن زمان ، وخطبني عشان مصالح مشتركة بينه وبين بابا ، المشكلة إني لما وجهته ما أنكرش ، ده اعترف وبكل برود ،وقالي بالحرف ، الجواز حاجة والحب حاجة تانية ، قتلني بسكينة تلمة ، جرحني جرح مش قادرة أداويه ، رجعت له حاجته ، وبرده م**م إنه يرتبط بيه ،امبارح رجعت البيت لقيته قاعد مع بابا ، بيحدد ميعاد الجواز ،كأني انتيكة بيشتريها ، وخلاص هتبقي بتاعته لو دفع فلوسها ، حسيت بالرخص قوي ، ثورت عليه وعلي بابا ، ورفضت بعلو صوتي ، وهو بدل ما يتأسف لي قالي بكل بجاحة وهو بيحاول يلمسني إنه هيكون زوج مثالي بالنسبة لي ، وعلاقته بالسكرتيرة مش هتأثر علي علاقته بيه ، شتمته وخرجت ، ركبت عربيتي وفضلت أجري بيها ، لحد ما وصلت لطريق مقطوع مش عارفة أخرج منه ، والباقي أنت عارفه .

كانت يستمع إليها بقلب مفتوح ، يشعر بألامها ويربدها أن تفرغ كل ما بداخلها من طاقة سلبية ،حتي تتمكن من مواصلة حياتها ، أراد أن يخرجها قليلا من ذلك الحزن الذي تغلغل بداخل خلاياها .

حاتم :

أيه رأيك تتف*جي علي بكر الحصان بتاعي ، ده سلالة نادرة جداً ، عددها خمسة بس في العالم .

بسنت بسعادة غامرة :

يلا بينا .

انطلقت معه لتري ذلك الحصان ، انبهرت بجماله الآخاذ عندما رأته ، لونه الأ**د اللامع ، وشعره الكثيف ، أهدابه الكثيفة ، كل هذه المقومات أعطته جاذبية لا توصف ، كانت تتأمل كل تفصيلة في جسد الحصان ، كان مثل لوحة فنية نادرة الوجود ، لذلك قالت بانبهار .

بسنت :

أيه الجمال ده ، فعلا أنا مشفتش حاجة زي دي قبل كده ، كل تفصيلة فيه تشدك ، جماله بيغيرك تفضل تبص له ، ربنا يحميه .

حاتم :

يارب ، معاكي حق في اللي قولتيه ، بكر بالذات غير كل الأحصنة الموجودة في المزرعة ، هو حصان نادر ، إرث عائلي ، زي ما بيقولوا ، ورث بابا السلاسة دي عن جدوده ، لما دخلت سباق بيه في إحدى السباقات في السعوديه انبهروا بجماله ، وقالوا لي إنه حصان عربي أصيل من سلالة نادرة ، وبيدوروا دلوقتي علي حصانة من نفس السلالة عشان الأزواج ، ويارب يلاقوها ، لأنه حصان علي قد ما هو جميل ، كمان سريع جدا ، بدون مبالغة مفيش سباق دخلته بيه إلا و**بته . .

لاحظت بسنت من حديثه أنه لا يوجد بحياته سوي السباقات ،لذلك سألته قائلة .

بسنت :

يعني أفهم من كلام حضرتك إن كل حياتك سفر وسباقات ، ورحلات لكل العالم ، طيب مفيش شغل ،أو وظيفة ثابتة ، لأن كل اللي حضرتك قولته ، اعذرني هيجي وقت وهينتهي ، يعني حضرتك سنك كام سنة .

حاتم :

ثلاثين ليه .

بسنت :

معلش سايرني ، ممكن تفضل لين كام تركب أحصنة وتدخل سباقات . .

حاتم :

قولي كمان عشرة سنين .

بسنت :

طيب مفكرتش بعد عشر سنين هتعمل أيه ، هتشتغل أيه . .

عقد حاتم حاجبيه ثم قال باستنكار .

حاتم :

واشتغل ليه ؟

استغربت بسنت من رده ، لذلك قالت .

بسنت :

تشتغل عشان تثبت وجودك في الدنيا ، عشان تأسس عمل يفيدك ويفيد المجتمع ، أنا مثلا بدرس في كلية فنون جميلة ، ولما هتخرج هشتغل مهندسة د*كور ، بالرغم من إني مش محتاجة اشتغل ، لأني بنت وحيدة ، ووالدي رجل أعمال ، بس أنا لازم أثبت ذاتي . .

امتعض حاتم من طريقتها في عرض وجهة نظرها ، أنقذه من هذا الجدال السخيف من وجهة نظره صديقه عمر . .

حاتم بابتسامة :

حبيبي اللي واحشني . .

قهقه عمر بشدة ثم قال :

أكيد مزنوق مع واحدة مثل العادة .

حاتم وهو ينظر إلي بسنت كي يستئذنها ليرد علي صديقه :

عن اذنك شوية وراجع .

أومأت برأسها ، وتوجهت كي تأخذ جولة في المكان .

أكمل حاتم حديثه قائلاً :

كنت مزنوق والله ،أنا عارفني مش بحب حد يكلمني في موضوع الشغل ده ، واحدة انقذتها امبارح من هجوم ب*ع ، بدل ما تشكرني عاملة نفسها مصلحة وهتغير لي حياتي .

عمر :

أمم شكله موضوع كبير علي كده ، أنا جاي بقي أشوف القمر دي ، لأنك بما إنك أتأخرت لازم تكون قمر .

حاتم وهو ينظر عليها :

دي صاروخ يا ابني مش قمر ، كل حاجة فيها حلوة ، زي ما بيقول الكتاب .

عمر بضحك :

شعر أصفر وعيون خضرا وكده . .

حاتم :

شعر أصفر أيه ،وعيون خضرا أيه ،الحاجات للعيال التوتو ، البنت عيونها سوداء وروموشها كثيفة ، وشعرها اسود سواد الليل ، أو ما شوفتها افتكرت بكر وجماله . .

عمر :

يا سيدي ، يا سيدي ، طيب ما هي عجبتك أهي ، أيه اللي حصل .

حاتم :

مش عارف ، الدنيا كانت تمام ، والقاعدة حلوة ، وعملت الفطار وزي الفل كده ،بس متعرفش الموضوع ليه قلب علي دروس تنمية بشرية . .

عمر :

والله يا حاتم هي عندها حق ،وأنا قولتلك قبل كده إنك لازم تشتغل أي حاجة ، افتح لك صيدلية ، ولا حتي بيع الخيول بتاعتك ،واعمل منها مشروع استثماري ، أي حاجة يا حاتم . .

حاتم بغضب :

أنت أهبل يا ابني ، أعمل أيه ولا أبيع أيه ،أبيع ولد من ولادي ، وبعدين ما أنا الحمد لله عايش حياتي بالطول وبالعرض ، ومش محتاج فلوس ، أنا أي سبق بدخله لازم أ**به الحمد لله ، وبعدين أنت عارف المكافآت بتاعة السباقات بتقي كبيرة قد أيه ، المهم بلاش كلام فاضي ، وأسمع أبعت عربية النقل تنقل بكر دلوقتي ، وتعالي نتغدي ونروح علي السباق متأخر ، وحاول بعد ما تسجل بكر في السباق تخفيه عن الأنظار ، عايز كل المشاركين يظنوا إني مش جاي السباق النهارده . .

تساءل عمر عن السبب .

عمر :

ليه كده ، أيه اللي تقصده بكده .

حاتم :

أن عرفت إن فيه مسابقين جدد علي مستوي عالي ، عايز أطمنهم إني مش موجود ، وقبل السبق يتصدموا أول ما يشوفوني ، ده اسمه ترهيب تكتيكي ، ملكش أنت دعوة بيه . .

عمر بابتسامة :

تحت أمرك يا باشا ، بس عندي سؤال هام جدا .

حاتم :

أسأل يا أخرة صبري .

عمر :

أنت هتعمل أكل أيه النهارده .

تبعها بضحكة بصوت عالي استفزت حاتم كثيرا .

حاتم :

غور يا واد دا أنت سمج ، أغلق الهاتف ، وذهب ليبحث عن بسنت ، ولكنه لم يجدها ، بحث عنها في اسطبل الخيول ، وجدها تجلس حزينة بجوار المهرة عزيزة ، ذهب إليها ، ثم أقترب منها وهو يلمس شعر عزيزة الأصفر .

حاتم بابتسامة :

عزيزة لما اتولدت ، كانت الدنيا بتشتي جامد ، ومفيش دكتور رضي ينزل في الجو ده عشان يولدها ، أنا كنت خايف علي فرحة مامتها قوي ، لأنها كانت المرة الأولى لها ، اضطريت إني أولدها بنفسي ، اتولدت علي أيدي عشان كده سمتها عزيزة . .

تأثرت بسنت كثيراً ، واقتربت كي تلمسها هي الأخري ، ولكن بدون قصد منها ، لمست يدها يداه ، وتقابلت عيونهما في نظرات طويلة ، خجلت منها بسنت .

بسنت :

آسفة ، مكنش قاصدي .

حاتم بابتسامة :

ولا يهمك . .

استأذنت منه بسنت كي تذهب لتبدل ملابسها ، فهي قررت العودة مرة أخري إلي منزلها .

بسنت :

أنا بشكر حضرتك جدا علي وقفتك جانبي ، وإنك أنقذتني ، أنا مضطرة أمشي النهارده ، فرصة سعيدة إني قابلتك .

سألها حاتم باستغراب :

أنت كنتي قولتي إنك هتفضلي لحد ما أرجع من السبق ، أيه اللي حصل ، نسيتي هديتك ولا أيه ؟

بسنت بخجل :

مفيش حاجة حصلت ، بابا بس صعب عليه بصراحة ، وخصوصاً بعد ما عرف موضوع الشباب اللي اتهجمت عليه ، وهو مريض سكر ، وأخاف عليه يحصل له حاجة بسببي . .

تفهم خاتم موقفها ، ولكنه سألها عن هديتها .

حاتم :

طيب والهدية ؟

ابتسمت له ثم قالت :

شكلك واثق في الفوز .

حاتم بكل ثقة :

مش بدخل في سباق غير لما أكون متأكد إني ه**ب . .

أعجبت بسنت بتلك الثقة ، وقالت له :

طيب خليها للقدر ، لو اتقابلنا تاني يبقي عليك هدية تقدمها لي ، لو متقبلناش يبقي أنا مسامحة .

ابتسم لها حاتم ثم قال لها :

طيب استني ، ثانية واحدة ،

ذهب حاتم مسرعا إلي حديقته الخلفية يبحث بين جوانبها عن زهرة قيمة يقدمها لها هدية . .

لم يجد أجمل ولا أسمي من زهرة التوليب الأصفر ، التي تعبر عن البهجة والأمل ، والتفاؤل . .

أخذها حاتم ، وعاد إليها يخبأها وراء ظهره ، شعرت بالفضول ، ابتسمت عندما وجدته يضعها في شعرها قائلا بإعجاب لها ولملمس شعرها :

ملقتش أجمل من الزهرة دي ، كانوا بيقولوا أن معناها وجود إشراق للشمس ، كنت فاكرهم يبالغوا ولكن لما شوفتها علي شعرك حسيت باشراقة الشمس . .

خجلت بسنت منه ، وشعرت برجفة غريبة ، وقشعريرة شعرت بها لأول مرة ، لم تشعر بها حتي ما يوسف .

ابتعدت عنه ، ثم شكرته

بسنت :

متشكرة علي ذوقك ، وعلي الهدية الجميلة دي ، عن إذنك . .

تركته وذهبت بدون أن تستمع رده .

نظر حاتم في أثرها حتي اختفت عن الأنظار . .

ذهبت بسنت لتبدل ملابسها ، كانت تشعر ب*عور غريب ، ولكنها لامت نفسها كثيرا ، اعترفت بالحقيقة لنفسها ، هي سوف تذهب لأنها خائفة ، تخاف من تلك المشاعر التي اقتحمت قلبها ، جراء لمستها له ،

أنهت تبديل ملابسها ، وتوجهت إليه لتسأله عن مكان سيارتها ، طلب منها الانتظار قليلا ، ثم ذهب ليحضر دراجته النارية ، ليوصلها لمكان السيارة . .

ازدادت دقات قلبها وهي تصعد خلفه ، حاولت ترك مسافة بينهما ولكنها لم تستطع ، كأن تلك الدراجة صنعت خصيصا لفرد واحد ، قربه مهلك ، جدا ، تشعر بنغزات في ص*رها ، جعلتها تتنفس بصعوبة ، كان يشعر بها ، شعوره لم يختلف عنها كثيرا ، كان التصاقها به كفيل بأن يسحب الهواء ، ويجعله غير قادر علي التنفس . .

وصل أخيرا حيث توجد السيارة ، ترجلت بسنت مسرعة ، وذهبت لتقف بجوار سيارتها ،

مدت بسنت يدها ليسلم عليه ، وتشكره، أحتضن حاتم يدها برفق ،

قالت له بسنت بصوت هادئ :

أنا متشكرة جدا ، علي كل اللي عملته لي ، وأتمني أرد مساعدتك في أقرب وقت .

حاتم بابتسامة :

لا شكر علي واجب ، أنا سعيد إني اعترفت عليكي ، أنت عرفتي العنوان ، لو احتاجتي أي حاجة أنا موجود .

ابتسمت له ، ثم سحبت يدها ، وتركته واستقلت سيارتها عائدة إلي منزلها .

عاد هو أيضا إلي المنزل وجد عمر ينتظره .

عمر :

فين الصاروخ يا ابني ، شوقتني .

حاتم بشرود :

طار ، قاصدي مشيت ، رجعت بيتها ، بلا بلاش كلام كتير ، انقل بكر وأرجع بسرعة .

عمر :

تمام يا بوس .

تركه عمر شاردا وذهب ، جلس حاتم علي المقعد الخشبي ، ينظر إلي يده ، ثم رفعها إلي أنفه ، لينعم برائحتها التي مازالت عالقة في يده . .

يا تري أيه اللي هيحصل بين حاتم وبسنت . .

ده اللي هنعرفه الفصول القادمة بإذن الله . .

أتمنى لكم قراءة ممتعة . .

دمتم بخير وعافية . .