حروف نثرية

وبعد طول انتظار اخير رن الموبايل رديت بلهفة والحمد لله اني سمعت صوتها بنتي عمري الوحيدة مطلعتش من الدنيا الا بيها ، بنت قلبي ونور عنيا ، كانت يا حبيبتي تصرخ وتستغيث بيا كانت بتقولي الحقني يا بابا خ*فوني ، انا خايفة يا بابا تعالي خديني من هنا بسرعة ، كان صوتها بيتقطع في قلبي ، كنت زي الاسد الجريح بحدف اي حاجة قدامي ، كنت واقف عاجز مش قادر اعملها حاجة ،

اتكلمت بقوة ع** الخوف والضعف اللي جوايا و قولتها متخافيش ياقلب بابا اوعي تخافي انتي قوية صح ، مش انتي بتثقي في بابا ردت وقالت وهي لسه بتعيط ااه يا بابا ، انت اكتر حد بثق فيه بعد ربنا ،

قولتها يبقي متخفيش باذن الله ربنا هيقدرني وهنقذك هعمل اي حاجة هما عايزينه في مقابل انهم يسيبوكي متخافيش اهدي وبطلى عياط

، هنا حد اخد ممها الموبايل ورد عليا وقالي برافوا عليك ياباشا كدا انت شطور وشكلك كدا هتسمع الكلام ومش تتعبنا معاك ، رديت برجاء وقولتله اللي انت عايزه انا هعمله بس متازهاش ده طفلة مالهاش ذنب ،

قالي يا باشا مدام هيتنفذ يبقي مافيش اذية

احنا لينا حق عندك ،

هتدينا حقنا ، نديلك حقك ،

عشان تعرف بس احنا ولاد ناس

مش زيك قليل الاصل ومالكش ملة ، ،

رديت و قولتله حق ايه اللي ليه عندي ،

وانت مين اصلا وعايز اية ، اتكلم دغري ، وبلاش مماطلة في الكلام ،

ضحك بصوت عالي و رد وقالي انا ابقي اللهو الخفي يا باشا ، اللى جايلك من ماضيك القذر عشان يطفحك تمن اللي عملته في خلق الله ، فاكر يا باشا ولا من كتر قذرتك مش فاكر ،

بص يا برنس هد*ك اسبوع واحد يعني سبع ايام تراجع نفسك وترد الحقوق لأصحابها ،

ولو معرفتش وقتها انا ابقي مين وليا عندك اية ،

يبقي تقول علي بنتك يارحمن يارحيم ،

صرخت وقولتلة لا ارجوك ، انا هعملك كل اللى انت عايزة ،

بس لو تجيني دغري. وتقولي عايز اية مني تريح وتستريح ، ووعد هنفزلك كل اللي انت عايزه من غير ما نضيع وقت في تفكير ،

رد وقالي بصوت عالي ، صعبان عليك تضيع اسبوع من عمرك تدور على حقوق الناس اللي انت ظلمتها هو اللي انت عاملته في غيرك من سنين مايتنسيش ولا من كتر عاميلك مش فاكر اسمع يا عمنا كلمة ومش هقولها تاني انت قدامك اسبوع واحد بس ، يا تلحق ترجع الحق لاصحابه يا متلحقش ، وقفل السكة. ،

وانا وقعت على كرسي ومسكت دماغي بحاول افتكر انا عملت ايه من 25 سنة ،

انا نادر خريج كلية تجارة ، كنت شاب ضحكة عليه الدنيا ومصاحب شيطانه ومش بيفكر غير نفسه وبس وعشان النفس الامارة بسوء مالهاش ظابط ولا رابط كانت لازم تكمل برفقة السوء اصحابي شباب ضايع فراغ ملل تنرد من اجل اثبات وجوده بطريقة او باخرى ، ، قعدين لا شغلة ولا مشغلة ، ليل نهار على القهوة ، نرازي في خلق الله ، كان الاستهتاراسلوب حياه وخصوصا انا كنت اعا** في البنات واتحرش بيهم ،

وياما دخلت في علاقات احب واوعد واخلف واغدر بيهم ،.

ياما ضحكت علي بنات كتير باسم الحب و دبلة الخطوبة ،

كنت عشان اثبت اني جاد وغرضي شريف بس الظروف مش مسعدانى كنت اخطب والبس دبل وعليها سنه او اتنين حسب ظروف وطاقة كل اسرة واول ما يضيق الخناق عليا ويبداء الزهق اقووووووول يا فكيك ،

ياااااااااه انا اذيت ناس كتير اووووي هو أنا هفتكر اللي انا عامتله ده كله ازاي ده انا حتى اهلي مسلموش من شري. ، اكل مال اليتيم

ا يوم ما روحت يوم وفات عمي ودخلت اوضتها وب**ته على عقد بيع البيت ليا وهو جثة ، مرعتش حرمة الميت ، واستحليت مال اليتيم ،

وبعد العزا كنت طارد مراته وبنته في الشارع من بيتهم ، ومرعتش صلة الرحم ، وسبتهم منهم لكلاب السكك،

و لما غاويت مرات صاحبي عزت وشغلتها وخنت صاحبي وخليتها سابت بيتها وعيالها ، ولما اخدت غرضي سيبتها وبعدها صاحبي طلقها ، واخذ منها عيالها ، مرعتش حرمة البيوت ،

ولا لما رميت ابويا عند اختي هي اللي ترعيه وبعت الشقة اللي حيلته عشان كنت عايز فلوس للعب القمار وشرب المنكر ، ياااااه انا كنت حليف الشيطان وخليفته في الأرض ، مافيش معصية معملتهاش ، مافيش ذنب مارتكبتهوش ، لا عمري ركعت ركعة ولا صومت ولا حتى ذكيت ، انا كنت مسلم في البطاقة وبس ،

وعملا فلوسي كلها من الحرام ،

كنت مسخر ذكائي للشر والنصب وبس ، انا فاكر ازاى عملت الشركة ده وازاى بقيت كدا

كنت انا واحمد ومحمود ، عملانا عصابة وكانت فكرتي الشيطانية كنا

كنا بنلبس لبس عمال الغاز وبقينا نخبط علي شقة الناس بحجة أننا عمال امن بنتمم علي أمان الغاز ،

وتصور تفاصيل بيوتهم طبعا بناخد صور الستات اللي بتفتح الباب وتكون معانا ، واحنا بنكشف ،

ونبدأ المساومة للستات ،

والرجالة ونطلب مبلغ محترم ،

وكنا نخ*ف أطفال ونطلب فدية ،

لحد ما عملنا مبلغ محترم ، وبلغت عن صحابي في آخر عملية اتسجنوا

واخدت كل حاجة ليا لوحدي وسافرت بعيد وقررت ابداء لوحدي في مكان محدش يعرفني فيه ،

وعملت أول شركة ليا

كنت بستورد واص*ر اي حاجة ، وطبعا زي ماكنت نصاب علي صغير ، لما فتحت الشركة بقيت نصاب علي كبير ، والشركة بقت شركات ، وبقيت نادر باشا ،

وقابلت غلا كانت سكرتيرة عندي في الشركة ، بس الوحيدة اللي قدرت تقف في وشي وتقولي لا أقف انت مين عشان تدوس علي خلق الله كدا انت بشر زيك زي غيرك ، حببته بحد وده كان اول مرة احس اني ليا قلب زي البشر ، معقول الانسان اللي ارتكب كل الذنوب والمعاصي ده عنده مساحة في قلبه للحب ، كان وجودها زي طاقة النور في وسط الظلام الدامس اللي انا فيه ، اصبحت اغلى انسانة في حياتي ، ساعدتني علي الرجوع من طريق الشر وبسببها بطلت الشقاوة اللي انا فيها ووعدتها اشتغل عدل وبطلت طريقة شغلي الشمال والرشوة والابتزاز وبطلت شرب كمان ، واتجوزتها وكانت ثمرة حبنا خلفت منها بنتي نور سميتها نور لانها كانت هي وغلا النور اللي نور حياتي ، كانت الشعاع اللي نورت جوا ضلمة العقل وطمس وقسوة القلب من كتر المعاصي ،

كنت لما ابص في عيونها القي بيتي ومسكني ،

نور كانت رسالة من ربنا عشان احس

بذنوبي وباللي عملته زمان ياما حرمت ناس من بيتهم ومن اولادهم ، صحيح انا بطلت ذنوب لكن مفكرتش عن أخطائي ، ماتوبتش لربنا ،

هنا فوقت من شرودي ، لقيت نفسي

في اوضة وجسمي كله مربط ومتصل باجهزة ، بس المفاجاة ان مراتي وبنتي معايا ، يعني نور موجوده مفيش حد خ*فها ، هو انا بحلم ولا ده حقيقة ،

ندهت عليها عشان اتاكد نور غلا ،

لقت غلا ردت ، حمدالله علي السلامة يا نادر ، اخير يا حبيبي فوقت رجعتلنا بالسلامة ،

قولتها انا فين وايه اللي حصل ونور بخير ،

ردت نور وهي بتبوس ايدي وقالتلي انا بخير يا حبيبي ، اهم حاجة انك رجعت لينا بالسلامة ،

قولتها رجعت رجعت من اية وهو انت مالي فيا اية.

ردت غلا ، انت عملت حادثة خطيرة

بقالك اكتر من شهر في غيبوبة ،

لا تنطق ولا بتتحرك ،

قولتلها يعني اية نور محدش خطافها ،

قالتلي لا بعد الشر مافيش حد خ*فها ولا حاجة ،

ده كابوس انت كنت علي طول بتشوفه ، بس ايه اللي فكرك به دلوقتي ،

قولتلها كنت عايشة طول فترة الغيبوبة ، يظهر انه مش كابوس ، ده رسالة ياغلا ، رسالة من ربنا ، لازم افهما ،

انا لازم الحق انفذ الرسالة ،

وهي اني لازم اتوب توبة نصوحة

وانفذ شروطها ،

وعرفت إن أول شروط التوبة هي الإقلاع عن الذنب وانا فعلا عملت ده

وأهم شروط التوبة الندم وده بيني وبين ربي هو عالم السر وأخفى

والعزم اني لا يمكن ان اعود للمعاصي ابدا

وان اعمل عملا صالحا

سجدت فضلت اعيط واستغفر واتوب وقولت لازم أكفر عن سيئاتي

طلبت من غلا وقولتلها انها تاخد كل الفلوس وتبني اول حاجة مسجد كبير

ومستشفى ملجا للايتام

ودورت علي مرات عمي وبنتها ورديت لها حقها ،

وحاولت اعوض الناس اللي اذيتهم بقدر الامكان ، عشان يسمحوني كان في منهم اللي نسي ، وفي اللي منساش ، وفي اللي سامح ، وفي اللي مقدرش ، وفي منهم اللي مات وملحقتوش ،

رفعت عيني وبصيت للسما بدموع عنيا اترجيته وقولتله انا عارف اني ذنوبي كتير لكن رحمتك اكبر ،

واول ما خرجت اخذت ابوي واختي واصاحبي اللي كنت السبب في سجنهم

مراتي وبنتي ورحت احج بيت ربنا

وهناك كنت ببكي علي كل لحظة ارتكبت فيها المعاصية ،

ولاني كنت صادق التوبة مع الله ،

صدقت رسالته ليا ، ربنا بيبعت لنا رسايل عشان نرجع عن ارتكاب الذنب

لو انت عاصي الحق وتوب ، الحق رصيدك عند ربنا قبل ماينفذ ،

انا واظبط على الصلاة وقيام الليل خصوصا بوقت السحر قد اية الوقت ده عظيم ومبارك ينزل فيه ربنا عز وجل إلى السماء الدنيا في كل ليلة في الثلث الأخير منها, ينادينا من قدسه الأعلى: (مَنْ يَدْعُونِي فَأَسْتَجِيبَ لَهُ, مَنْ يَسْأَلُنِي فَأُعْطِيَهُ, مَنْ يَسْتَغْفِرُنِي فَأَغْفِرَ لَهُ)

انا واحد فهم رسالة ربنا له

بس أنا موجود داخل كل واحد فيكم فتش على الإنسان المذنب اللي جواك وحاول أن تتخلص منه مهما كبرت ذنوبك لو لحقت وتوبت يبدل سيئاتك حسنات

بسم الله الرحمن الرحيم

إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا ﴾ [الفرقان: 70