Chapter 6
Belle's POV
"Ano'ng kailangan mo?" tanong ko kaagad kay Peter pagkapasok ko sa kotse niya.
Sinundo niya ako sa trabaho. Ang sabi niya may kinalaman pa rin sa pagpapanggap namin, kaya pumayag na lang ako.
"Gusto nina Dad na ayusin na natin ang kasal," sagot niya nang may buntong-hininga.
"Parang mas excited pa sila sa atin? Hindi ko pa nga nasasabi sa papa ko na magpapakasal na ako."
"Hindi ko alam. Pero tingin ko nagdududa sila sa ating dalawa. Isa pa matagal na rin gusto ni Dad na makasal na ako, bilang tagapagmana niya."
Tumingin siya sa akin na parang siniguro kung nakakabit na ba ang seatbelt ko. Nang masiguro niyang nakakabit na 'yon ay pinaandar na niya ang sasakyan.
"Ipakilala mo na ako sa papa mo. Sabihin mo sa kaniya ang plano."
"Hindi puwede!" kontra ko sa k
