Naalimpungatan ako dahil sa ingay ng kuwarto. Ibinuka ko ang aking mata at nakita si Papa. Alalang-alala ang mukha niya.
"Louisse," ani Cel.
Napatingin ako sa paligid at sa kamay kong may IV.
"A-Ano'ng nangyari?" mahina kong tanong. Napatingin ako sa kanila nu'ng wala ni isa sa kanila ang sumagot. Kumunot ang noo ko at kita ko ang lungkot sa mukha nila.
"Bakit?" tanong ko.
Naipikit ko ang aking mata nang pumitik ang ulo ko. Kaagad na bumalik sa alaala ko ang nangyari. Nahihintakutang napahawak ako sa tiyan ko.
"A-ang baby ko," mahina kong saad. Kaagad na nag-panic ako nang makitang wala ni isa sa kanila ang nagsasalita.
"Ano ba? Bakit hindi kayo nagsasalita? Ang baby ko. Ano'ng nangyari sa baby ko?" umiiyak kong tanong sa kanila.
Lugmok na nilapitan ako ni papa at hinawakan
