Wala naman akong ginagawa sa bahay kaya ako na ang nagpresentang mag-grocery. Kasama ko ang family driver namin at si Manang. Para naman hindi ako makaramdam ng boredom sa bahay. Nakapagpa-check-up na rin ako at sa awa ng Diyos ay healthy naman ang aking anak.
Nagbihis lang ako ng kulay dilaw na dress na lagpas sa aking tuhod at hinayaang nakalugay ang aking buhok. Hindi naman ako masiyadong mahilig sa cosmetics kaya barefaced lang ako palagi. Mas sanay akong walang nilalagay sa mukha.
Simula noong birthday ni Cel ay hindi na ulit nagparamdam sa akin si Leon. Hindi ko nga alam kung pinaglalaruan niya ba ako o ano. Naguguluhan ako sa kaniya. Sabi ni Cel ay wala si Leon at Simon dahil may importanteng pinuntahan sa ibang bansa. Pareho raw na nagmamadali at galit si Leon. Wala rin akong ib
