“Tara na?” nakangiting tanong sa akin ni Cel. Tumango naman ako at sumakay na ng mini-van nila. Kasama namin ang pinsan niyang si Ate Cristina. Kami ang pupunta sa probinsiya nila at may business ang pamilya ni Cel na kailangang asikasuhin dito.
“Matulog muna kayo at ilang oras din ang biyahe natin bago makarating,” ani Ate Cristina.
“Ate, hindi ba pupunta rin ang mga kaibigan mo?” tanong ni Cel. Nakikinig lang ako sa kanila.
“Oo, okay lang ba sa ’yo, Louisse? Mababait sila at gusto lang din makapunta sa farm. Mga tropa ko sila sa hiking club namin,” sagot niya.
“Oo naman po,” sambit ko. Ngumiti siya sa ‘kin tapos kay Cel.
“Buti talaga at kinaibigan mo itong pinsan kong matigas ang ulo, Louisse. Kilala mo naman siguro siya ‘di ba?” natatawang saad ni Ate. Napatingin ako kay Cel n
