Kinabukasan, pagkagising ko parang ang gaan ng aking pakiramdam, sapagkat ngayon ko lang nasubukan ang matulog sa malapad at malambot na kama. Dahil buong buhay ko, sa isang malamig at matigas na sahig lamang kami natutulog ng aking mga kapatid. Ganoon pa man hindi ako nagrereklamo sa kalagayan ng aming pamumuhay na mayroon kami. Bagkus pinagsisikapan ko pa itong mabuti upang maabot ko ang aking mga pangarap at matupad ito nang sa ganoon ay maibigay ko sa aking mga kapatid ang buhay na matagal ko ng pinapangarap para sa kanila. At paulit-ulit ko rin na sinasabi sa aking sarili na aahon din kami at hindi habang buhay na maghihirap at titira sa isang masikip at tagpi-tagping bahay.
Habang naiisip ko ang mga bagay na iyon ay hindi mapigilan ang pamamasa ng aking mga mata na kaagad ko rin nam
