الفصل الخامس

3719 Words

الحلقة الخامسة #نكمل ..... نرجع عندى انا تانى يوم صحيت بدرى طلعت على الجامعه لقيت فريده وريهام مع بعض قاعدين انا : ازيكم فريده وريهام : اذيك يا دياب انا : بعد اذنك يا فريده ممكن تسيبينا شويه فريده : ايه الحب هيشتغل ولا ايه انا : بعد اذنك يا فريده سبينا خمسه وقامت فريده مشيت وبعد كده ريهام بصتلى ريهام : ايه فى يا دياب مالك انا : فاكره لما قولتلك انى خايف تروحى منى ريهام : ايوه ... ايه اللى حصل احنا كنا كويسين مع بعض انا : ممكن تقوليلى ايه علاقتك باللى انتى متصوره معاه ده ريهام : ده ابويا انا : يعنى دونا عن كل الناس تطلعى بنت الراجل ده ريهام : انا عارفه ان هيجى يوم وتعرف فيه الحقيقه انا : وليه ماقولتليش من الاول انك بنته ريهام : كنت هترفض حتى تسلم عليا .... انا عارفاك كويس يا دياب بس انا مليش ذنب فى كل اللى حصل زمان انا : ولا انا ليا ذنب ..... وبرضه مش عاوزين تسبونى فى حالى ريهام : قصدك ايه انا : مش قولتلك خايف اخسرك ريهام : قصدك ايه انا : قصدى ان موضوعنا انتهى من قبل ما يبدأ .... مع السلامه بعد ما سيبت ريهام كانت بتعيط ..... كنت مخنوق جدا وقعدت الف بالعربيه ومش عارف اروح فين لحد ماتعبت ورجعت البيت وكان سليم قاعد سليم : مالك يا دياب شكلك زعلان انا : لا مفيش حاجه يا حبيبى انا كويس سليم : متكدبش عليا يا دياب انا عارف انك زعلان انا : فى حاجه مهمه عاوزك تسمعها وتفهمها كويس سليم : حاجة ايه انا : اسمع كلامى ده كويس لو عاوز تكون قائد او ملك او اى حاجه كبيره .... احذر الاتباع ومتكونش وحيد .... اياك تثق فى صديق .... لو نمت احرس قلبك بنفسك .... فى الشده مش هتلاقى الصديق سليم : انت تعرف بابا يا دياب انا : ليه بتقول كده سليم : الكلام اللى بتقوله ده زى كلام بابا بالظبط انا : دى خبرة الدنيا يابنى .... عارف يا سليم انت اغلى حاجه فى حياتى ... انت عوضى فى الدنيا دى .... قبل ما اعرفك كنت تايه فى الدنيا وحاسس انى عايش من غير سبب لكن دلوقتى انا عندى استعداد احارب الدنيا كلها علشانك ... ممكن استغنى بيك عن اى حد او اى حاجه سليم : انا بحبك اوووووى يا دياب وانا قاعد مع سليم تليفونى رن وكان اسامه وعاوز يشوفنى وقولتله يعدى عليا فى الشقه وبعد ما قفلت معاه طلعت للشقه التانيه اللى اصحابى عارفينها وبعد نص ساعه كان اسامه وصل انا : خير يا اسامه ايه اللى جابك دلوقتى اسامه : تقدر تفهمنى ايه اللى حصل النهارده انا : قصدك ايه يعنى اسامه : ايه اللى انت عملته مع ريهام ده انا : ياريت يا اسامه منفتحش الموضوع ده علشان منخسرش بعض اسامه : للدرجه دى انا : واكتر من كده اسامه : بس فهمنى السبب واوعدك مش هفتح معاك الموضوع تانى انا : طب انا هسالك على حاجه وبعدها هجاوبك اسامه : اتفضل ياسيدى انا : انت كنت عارف ان ريهام تبقى اخت مهيب صقر اسامه : اه طبعا عارف من زمان الموضوع ده انا : طب ليه مقولتليش الكلام ده من بدرى اسامه : انا افتكرت انك عارف الموضوع ده انا : لا دى اول مره اعرف اسامه : طب ايه المشكله لما تبقى اخت مهيب صقر .... هو مهيب صقر ده حاجه وحشه انا : لا ابدا .... بس انا مستحيل اتجوز اخت مهيب صقر لو انطبقت السماء على الارض اسامه : طب ليه يعنى انا : لا ده موضوع قديم عدى عليه سنين كتير وتار قديم مش هرتاح غير لما اخد تارى اسامه : تار ايه وهبل ايه اللى انت بتقوله انا : متشغلش بالك انت ده موضوعى انا اسامه : عارف يا دياب انت ايه عيبك انا : ايه ياسيدى اسامه : عيبك ان بتبص للصوره من منظور ضيق ابعد عن الصوره هتشوف كل تفاصيلها .... لكن طول مانت لازق فى الصوره عمرك ما هتشوفها كامله انا : بالع** انا شايف الصوره الكامله وشايفها بوضوح انت بتقول كده علشان انت مش مكانى ولا شوفت اللى انا شوفته اسامه : متحبسش نفسك جوه الماضى .... بص لحياتك ومستقبلك وانسى اللى فات ... انت بالطريقه دى هتخسر كل حاجه انا : شكرا على النصيحه اسامه : انا همشى دلوقتى وياريت تفكر فى كلامى كويس علشان ماتندمش انا : حاضر بعد ما اسامه مشى قعدت مع نفسى ومر قصاد عينى شريط حياتى كله وقعدت اعيط وبعد كده دخلت الاوضه فتحت درج المكتب وطلعت صورة امى وكلمتها انا : وحشتينى يا امى .... سامحينى انى لحد دلوقتى موفيتش بوعدى ليكى .... بس اوعدك انى هاخد بتارك واحرق قلب اللى حرمنى منك .... تارك مش هاخده دم لا انا هخلى قلبه يتحرق اكتر واكتر .... انا بدأت انتقامى منهم ولسه ياما هيشوفوا منى .... سايبهم طول السنين اللى فاتت يعيشوا ويفرحوا وفاكرين انهم مالكين الدنيا بس مش عارفين ايه اللى مستنيهم ... هدمر حياتهم ..... انا عارف ان اللى هعمله ده مش هيرجعك ليا بس على الاقل هيبرد النار اللى فى قلبى بقالها سنين ومش عارف اطفيها .... انا عارف ان انتقامى ده هيطول ناس ملهاش ذنب بس انا ابه ذنبى علشان اتحرم منك ..... عشت طول عمرى كاتم فى قلبى ورافض اقول سبب موتك خبيت حتى على بابا وكتمت فى قلبى بس خلاص اليوم قرب وبقى اقرب مما كنت اتخيل وزى ما طول عمرى بخرج من مصايبى بالحظ المره دى كمان انتقامى جيه صدفه لكن اللى بعد كده هيبقى من ترتيبى بعد ماقعدت شويه مع نفسى نزلت لسليم قعدت معاه ومرت الايام بعد كده عادى وشوفت ريها م اكتر من مره وكل ما تحاول تتكلم معايا اصدها واسيبها وامشى وبقفل الطريق على اى حد يحاول يتكلم فى الموضوع من ناحيه تانيه عند طارق فى اجتماع مع سمر والباشا الباشا : انا حاطط عينى عليك بقالى كتير وشايف ان من حقك انك تترقى فى شغلك ويبقالك مركز كبير طارق : وايه المطلوب منى الباشا : متستعجلش كل حاجه هتعرفها فى وقتها .... كل اللى عاوزه منك دلوقتى تجهز خطه لدخول شحنة سلاح هتدخل مصر من السودان وفى نفس الوقت هتعمل خطه لتهريب ماس بره مصر بس بشرط ان العمليتين يتموا فى نفس الوقت طارق : موضوع بسيط الباشا : انا عارف انه بسيط بس ده بداية تعارف طارق : هو احنا لسه هنعرف بعض النهارده .... ده احنا اتعاملنا مع بعض قبل كده ولا انتوا ناسيين مخزن اسر ابوالنجا اللى سلمتهولكم ومن غير ما الداخليه تحس بحاجه الباشا : متقلقش المنظمه مش ناسيه خدماتك طارق : على العموم هخلص العمليه اللى طالبينها منى وبعد كده نتكلم الباشا : مش عاوز تعرف نسبتك كام من العمليه دى طارق : اكيد عاوز اعرف الباشا : 3 % طارق : 5 % الباشا : اتفقنا ومرت الايام بعد كده وخلصت كليه والشركه بتاعتى كبرت وبقالى اسم فى السوق بس خلاص شيلت موضوع الجواز ده من دماغى وعشت مع سليم وبصراحه كان مالى عليا حياتى ..... وطارق اتوسع فى شغله مع المنظمه وعمل معاهم عمليات كتير .... ومهيب صقر كبر فى المنظمه واترقى وبقى الوزير الاعظم للمنظمه بس بيتابع شغله من مصر وطول السنين اللى فاتت مستنى اللحظه اللى هياخد فيها بتاره من الملك فى يوم بعد مارجعت من الشركه قعدت مع سليم انا : عامل ايه فى المدرسه يا سليم سليم : كله تمام يا ديبو انا : اجازة الصيف قربت .... تحب تسافر فين علشان اعمل حسابى سليم : اى حته مش فارقه كتير انا : ليه كده يا حبيبى سليم : اصل كل اجازه بنقضيها انا وانت وانعام لوحدنا ومفيش جديد انا : وانت عاوز مين يسافر معانا سليم : تقدر تقولى انت ليه ما تتجوزش انا : ليه انت جايبلى عروسه ولا ايه يا سليم سليم : لا بس كل اصحابك فى الجامعه اتجوزوا وانت مخلص جامعه بقالك 3 سنين تقدر تقولى انت ناوى تتجوز امتى انا : اموت واعرف انت بتجيب الكلام ده من فين سليم : ما تتهربش من وقولى هتتجوز امتى انا : هههههههه انا مش بهرب منك ..... بس لسه مش لاقى واحده اتجوزها سليم : ياسلام كل البنات الموجودين حواليك وتقولى مش لاقى انا : انا هتجوز بعد انت ما تتجوز سليم : ياه انا لسه صغير على الجواز وانت مش هينفع تستنى ده كله انا : عارف يا سليم انت اغلى عندى من الدنيا كلها وممكن استغنى عن الدنيا كلها علشان خاطرك سليم : وانا بحبك ومقدرش اسيبك يوم واحد .... بس نفسى انك تتجوز انا : خلاص يا سيدى اوعدك انى هفكر فى الموضوع ده سليم : لو بتحبنى بجد اتجوز انا : يا حبيبى انا مليش غيرك فى الدنيا دى سليم : خلاص يبقى تشوفلك واحده تتجوزها بس بشرط انا : وايه شرطك يا سيدى سليم : لازم انا اوافق عليها الاول انا : طبعا ... انت لازم تقول رائيك ولو مش هتعجبك تمشى فورا سليم : انا بحبك يا ديبو انا : وانا بحبك اكتر من نفسى يا سليم .... تعالى فى حضنى واخدت سليم فى حضنى ونسيت الدنيا كلها من ناحيه تانيه مهيب صقر قاعد مع الملك الملك : ايه اخبار الشغل فى مصر مهيب صقر : كل شئ تمام ..... بس فى سؤال عاوز اعرف اجابته الملك : انا عارف السؤال من غير ما تسأله ..... هتقولى هى ليه المنظمه بتفتح الشركات دى كلها وفى كل دوله ليها ناس ... صح ولا غلط مهيب صقر : ايوه صح الملك : قوة اى دوله فى 3 حاجات ملهمش رابع ... تقدر تقولى ايه الحاجات دى مهيب صقر : العلم .... الجيش .... الاقتصاد الملك : انت صح ..... يبقى علشان تعمل دوله قويه لازم تهتم بكل الحاجات دى مع بعض .... لازم تتعامل مع كل حاجه فى التلاته دول على انها اهم من الاتنين التانيين ... يعنى مينفعش تهتم بالعلم وتسيب الجيش والاقتصاد ... ومينفعش تهتم بالجيش وتسيب العلم والاقتصاد .... لازم تهتم بكل دول مع بعض مهيب صقر : انا عارف كل ده .... بس اللى مش فاهمه ليه احنا منتشرين فى العالم كله الملك : علشان نعرف تسيطر على العالم فى الوقت المناسب مهيب صقر : احنا مسيطرين تقريبا على تلت اقتصاد العالم .... العالم بيتحرك باشاره مننا الملك : احنا انجزنا معظم المشوار فاضل حاجات بسيطه علشان نقدر ننفذ الخطه مهيب صقر : ايه اللى فاضل ..... احنا غير الاقتصاد معانا علماء كتير منتشرين فى العالم كله بيشتغلوا معانا بس من غير ما يعرفونا .... ده غير الجيوش مفيش دوله الا ولينا اتباع فى جيشها بيشتغلوا معانا برضه من غير ما يعرفوا الملك : فاضل اهم حاجه .... اللى من غيرها كل اللى احنا عملناه طول السنين اللى فاتت يبقى ملهوش لازمه مهيب صقر : ايه الحاجه دى الملك : فاضل الشعوب ..... لازم الشعوب هى اللى تختارنا مهيب صقر : لازم ن**ر كل رؤساء وملوك الدول قدام شعوبهم لازم نعمل حاجز ما بينهم ... لازم ن*د الثقه بين الشعب والحكومه بتاعته مهيب صقر : معظم الرؤساء والملوك اللى بتتكلم عنهم قاعدين فى مناصبهم علشان احنا بس عاوزين كده .... لكن لو حبينا ان احنا نشيلهم فى لمح البصر هنعمل كده .... معظمهم عندهم نقط ضعف الملك : بس انا مش عايز ان احنا اللى نشيهلهم .... انا عايز شعوبهم هى تثور عليهم وتشيلهم مهيب صقر : طب ودى نعملها ازاى الملك : بالف*ن .... ازرعوا المصايب فى كل الدول .... ارهبوا الناس خليهم عايشين فى زعر ان ممكن بكره يصحوا من نومهم يلاقوا الخراب محاوطهم من كل ناحيه .... اعملولهم مشاكل فى الاقتصاد والصحه والتعليم .... اعملوا عازل بين الجيش والشعب .... خلى الشعب يفتكر ان اكبر عدو ليه هو جيش بلده ..... خلى الفاسدين بتوعنا فى الجيش يبقى كل همهم ي**قوا الشعب خلى الشعب يشوف بعينه ان اللى بي**قه الجيش ..... ساعتها بس خطتنا هتبقى نجحت مهيب صقر : انا كده فهمت الملك : فى مفاجأه محضرهالك مهيب صقر : مفاجأه ايه الملك : هتعرف كل حاجه فى الحفله بتاعت الليله مهيب صقر : انت عارف انى مش بحب المفاجأت الملك : متخافش المفاجأه دى هتعجبك .... وعاوزك اول ما ترجع مصر تبدأ فى الخطه اللى هنتفق عليها مهيب صقر : حاضر الملك : انت هترجع مصر امتى مهيب صقر : هرجع بكره بالليل الملك : وهتبدأ الخطه امتى مهيب صقر : هعمل اجتماع لاعضاء المنظمه فى مصر بعد اسبوعين .... بعد ما ارجع من البلد لان فى شغل كتير متعطل هناك وانا بقالى كتير مش بنزل هناك الملك : انت دلوقتى الوزير الاعظم ومسئول عن قراراتك مهيب صقر : اتمنى اكون دايما عند حسن ظنك من ناحيه تانيه عند ريهام فى البيت فاعده مع امها ريهام : عاوزه ايه يا ماما امها : وبعدين معاكى هتفضلى سايقه العوج لحد امتى ريهام : عاوزانى اعمل ايه يعنى امها : هتفضلى كده كل يوم ترفضى عريس احسن من اللى قبله ريهام : مش عاوزه اتجوز .... انا هعيش من غير حواز امها : اذا كان ابوكى واخواتك صابرين عليكى لحد دلوقتى فده علشان انا منعاهم منك لكن لو سبتهم عليكى ممكن يض*بوكى بالنار ريهام : ياريت يمكن ارتاح امها : كل ده علشان دياب ريهام : ياريت منفتحش الموضوع ده تانى علشان مانجرحش فى بعض امها : ليه احنا عملناله ايه لكل ده .... ده حتى عمى قبل ما يموت حاول معاه كتير بس هو اللى رفض يرجع .... وابوكى وابن عمك ياما حاولوا معاه بس كل مره كان بيطردهم ده غير اللى عمله مع اخوكى اول ما راحله ريهام : وكل ده مين السبب فيه ..... مش انتوا اللى ابتيدتوا .... دياب كان بيحبنى جدا وانا كنت حريصه معرفهوش انا ابقى مين وكان خلاص قرب يتقدملى لكن فجأه لما شاف صورتى مع بابا اتحول كل الحب اللى جواه لكره لمجرد انه عرف انى بنت عمه امها : طب واحنا المفروض نعمل ايه .... نروح نبوس على رجله ونقوله تعالى اتجوز بنتنا ريهام : لا تبوسى على رجله ولا تتعبى نفسك .... انتوا كده هتعيشوا طول عمركم عايشين فى وهم وسراب .... حاسبتوا عمى عبدالرحمن بذنب انتوا كلكم عملتوه ومحدش قدر يفتح بقه بكلمه .... ابويا واخويا وجوز خالتى كلهم اتجوزوا من بره العيله ومحدش فقدر يعملهم حاجه مع ان كل جوازاتهم دى ملهاش لازمه لكن والد دياب مجرد بس ما فكر يتجوز طردتوه من العيله مع انه معملش حاجه عيب او حرام .... عارفه مين المفروض يتطرد من العيله بجد هو ابويا واخويا وجوز خالتى .... المفروض يشوفوا اللى شافه والد دياب ويجربوا امها : اخرسى خالص ومتفتحيش بقك ..... واول عريس هيتقدملك هنوافق عليه ريهام : وده لو حصل انا هموت نفسى امها : لا عنك انتى .... انا اللى هعملها بايدى فى قصر المنظمه فى حفله كبيره عملها الملك لمهيب صقر احتفالا بيه وعلشان المفاجأه اللى محضرهاله .... وكان موجود فى الحفله كل قيادات المنظمه وكانوا عباره عن كل الوزراء فى كل انحاء العالم ودول اللى بيتعاملوا بشكل مباشر مع القصر والملك .... ده غير كل اللى بيشتغلوا فى القصر .... الحفله كانت جميله جدا والملك بيتطمن من الوزراء على الشغل فى كل دوله وكانت الحفله ماشيه تمام .... وفجاه الملك شاور بايده وقفت المزيكا وكل الناس انتبهت وبصت على الملك الملك : النهارده يوم غير اى يوم ..... اليوم ده فاصل فى حياة المنظمه بتاعتنا .... الحلم اللى بدأ من اكتر من 100 سنه وكلنا امنا بيه ووقفنا وراه .... كلنا ضحينا بحاجات كتير علشان الحلم ده يكمل ويخرج للنور ..... النهارده بس اقدر اقولكم ان احنا انجزنا 99 % من مشوارنا مش باقى غير خطوات بسيطه علشان نخرج للنور ..... حياتنا كانت صعبه ومليانه بالمخاطر كلنا كنا مهددين بس كان عندنا حلم والحلم ده فى سبيله كنا مستعدين نقدم عمرنا .... خلاص الخطر زال عننا ...... وبالمناسبه السعيده دى انا قررت اعين خليفه من بعدى .... انا عارف انى مش هلحق اشوف الحلم وهو بيتحقق ..... بس يكفينى فخر انى شاركت فى الحلم ده .... بسبب الحلم ده انا سبت بيتى واهلى وكل حاجه .... ضحيت بحاجات كتير ..... من اول ما كنت عضو صغير فى المنظمه لحد مابقيت الملك .... وزى عرف المنظمه مابيقول ان لازم اختار خليفه من بعدى .... الخليفه ده انا اللى عملته بايدى من زمان .... عملتله اختبارات كتير وهو اجتازها كلها ..... كل مره كنت براهن على فشله لكن هو بيخيب ظنى .... كل مره كنت بحط نفسى مكانه واحاول اعرف هو بيفكر ازاى لكن للاسف كل مره كنت بفشل وهو اللى بينجح ... الناس كلها كانت بتقول عليه فاشل وضعيف لكن انا الوحيد اللى كنت واثق فيه .... حياته كانت صعبه وتحدياته كانت اصعب ..... بس هى الحياه كده لازم تعافر فيها علشان تستحقها .... ناس كتير بتيجى الحياه دى وتمشى منها من غير ماتسيب فيها اثر .... بيبقى خساره فيها الهوا اللى بتتنفسه .... لكن احنا زينا زى الفراعنه هنسيب اثرنا فى العالم كله ..... الناس هتتكلم على اللى احنا عملناه لسنين كتير ملهاش عدد .... النجاح ده حاجه ساهله لكن الصعب اللى بجد انك تعرف تحافظ على نجاحك ..... دلوقتى بس اقدر اقول انى نجحت .... ودلوقتى من حقكم تعرفوا مين الخليفه اللى بعدى لازم تبايعوه وتقدمولوا فروض الولاء والطاعه .... الملك الجديد بتاعك هو الوزير الاعظم او الحصان الاسود زى ما انا سميته او مهيب صقر زى مابيحب الناس تسميه ومد الملك ايده لمهيب صقر وطلع فوق منصه ولبسه خاتم شبه الخاتم اللى الملك لابسه وقعد مهيب صقر على كرسى جمب كرسى الملك وقدمه للناس وساعتها كل الناس اللى فى القاعه اتقدموا بالدور وباسوا ايد مهيب صقر وركعوا بين ايديه وبعد ما خلصوا الملك : دلوقتى انت ولى العهد .... وبعد ما اموت انت الملك بعدى وهتاخد الخاتم بتاعى بطلب منك تنسى اللى فات وتركز فى مستقبلك ومستقبل المنظمه ..... الحياه مش كل يوم بتديلنا فرصه زى دى ياريت متخلنيش اندم انى وثقت فيك وحملتك المسئوليه دى مهيب صقر : انا الحياه علمتنى اتعلم من اخطاء الناس وماستناش اغلط علشان اتعلم من غلطى وانت ليك فضل كبير عليا وعلمتنى كتير من قبل المنظمه ..... حضرتك قولت انك دايما بتحط نفسك مكانى وتحاول تفكر بدماغى وكل مره بتفشل ..... اوعدك المره دى بالذات انت مستحيل هتفشل ..... حضرتك بتتعامل معايا طول السنين اللى فاتت على انى قطعة شطرنج بتحركها فى المكان اللى انت عاوزه .... لكن الحقيقه غير كده .... انا اللى دايما بتحرك بكامل ارادتى وفى الطريق اللى انا راسمه ومسير الايام هتثبتلك كلامى الملك : انا عارف انك مش قادر تنسى اللى حصل ..... بس عاوزك تفتكر انى عملت كل ده علشانك انت وعلشان مصلحتك .... الحياه يابنى مش بتدى الانسان كل اللى بيتمناه لازم قصاد كل امنيه يخسر حاجه .... هو ده شرع الحياه مهيب صقر : جايز يكون كلامك صح الملك : انا مستعد اثبتلك صدق كلامى مهيب صقر : سيب الايام هى تثبت وخلصت الحفله وتانى يوم رجع مهيب صقر على مصر نرجع عندى انا بعد كام كنت قاعد فى البيت ومرات خالى اتصلت بيا وقالتلى ان خالى مات .... قومت جهزت نفسى واخدت سليم وانعام علشان ننزل البلد علشان لازم اكون موجود فى العزاء ..... انا من بعد مالقيت سليم مانزلتش البلد خالص وكنت بكلم خالى وعم صلاح باستمرار علشان اتطمن على الشغل هناك اول ما وصلت البلد لقيت سليم مسك فى ايدى زى المخضوض انا : فى ايه ياسليم مالك سليم : البلد دى بلدنا .... انا كنت عايش هنا انا : انت متاكد يا سليم سليم : ايوه متاكد انا : طب احنا بعد ما نخلص العزاء هنشوف الموضوع ده سليم : حاضر يا دياب انا : بس فى حاجه مش فاهمها سليم : حاجة ايه انا : ازاى انت كنت عايش هنا وتوهت فى القاهره سليم : احنا كنا فى الاجازه بنقعد فى القاهره وبابا عنده شغل هناك انا : انا كده فهمت ..... يلا بينا نروح العزاء دلوقتى وبعد كده نشوف الموضوع ده من ناحيه تانيه عند مهيب صقر فى القصر قاعد ودخل عليه ابوه عمر عمر : انا سمعت ان دياب جيه البلد النهارده مهيب صقر : ايوه علشان العزاء بتاع خاله حسن عمر : طب ايه رائيك تروح العزاء مهيب صقر : انا عاوز اروح بس خايف يطردنى زى ما عمل زمان والمره دى هيبقى فى ناس عمر : يابنى حاول معاه وامسك نفسك .... علشان بس اختك اللى متعلقه بيه مهيب صقر : حاضر ياوالدى هروح من ناحيه تانيه ريهام قاعده فى اوضتها ودخلت عليها اختها واسمها ميرنا ميرنا : الحقى يا ريهام ريهام : ايه فى يا زفته ميرنا : دياب هنا ريهام : هنا فين .... فى البيت ميرنا : لا فى البلد جيه علشان العزاء بتاع خاله ريهام : وانتى مين قالك ميرنا : سمعت ابوكى بيقول لاخوكى يروح العزاء ويحاول يصالح دياب ريهام : انتى بتتكلمى بجد ميرنا : هو الكلام ده فيه هزار نرجع عندى انا قاعد فى العزاء وسليم قاعد جمبى وانا دماغى شارده فى موضوع سليم من ناحيه عاوز اعرف ابوه علشان سليم يفرح واكيد ابوه حزين ومن ناحيه تانيه خايف الاقيه وياخد منى سليم وانا مش هقدر اعيش من غير سليم .... بس مفيش قدامى حل غير انى ادور عليه .... كنا قاعدين فى العزاء فى مندرة والباب بتاعها لازق فى بيت خالى .... وانا قاعد سليم جمبى اترعش انا : ايه فى يا سليم سليم : الراجل اللى نازل من العربيه هناك انا : ماله الراجل ده سليم : يبقى بابا انا : انت متاكد سليم : ايوه متاكد انا : طب ادخل البيت دلوقتى عند انعام ومتخرجش غير لما اجيلك سليم : ليه كده انا : اسمعنى بس ادخل دلوقتى سليم : حاضر وقام سليم دخل البيت وبعدها دخل مهيب صقر وسط رجالته وقرايبه مهيب صقر : البقاء لله يا دياب انا : حياتك الباقيه .... اتفضل ودخل هو واللى معاه وهما محتارين كانوا فاكرين ان انا هطردهم لكن حصل ع** ما اتوقعوا وطول ما هما قاعدين انا بضحك من جوايا على الدنيا واللى بتعمله فيا بقى سليم اللى بربيه بقالى سنين واعتبرته اغلى عندى من الدنيا ومافيها يطلع من العيله اللى عشت طول عمرى اكرهها ... ياه يا زمن انا هلاقيها من فين ولا من فين .... وبعد شويه قام علشان يمشى انا : استنى ما تمشيش مهيب صقر : خير فى ايه انا : فى موضوع مهم عاوزك فيه .... بس مش هينفع دلوقتى خلينا نتكلم بعد العزاء ما يخلص مهيب صقر : موضوع ايه ده انا : الموضوع ده اهم حاجه عندى وعندك على ما اعتقد مشى الناس اللى معاك دى واستنانى مهيب صقر : حاضر هستنى ومشيت الرجاله وبعد كده العزاء خلص واخدت مهيب صقر ودخلنا البيت وقعدنا فى اوضه لوحدنا مهيب صقر : خير يا دياب .... ايه الموضوع اللى عاوزنى فيه .... انا كنت متوقع انك هتطردتى زى كل مره انا : عارف لولا الغالى كنت طردتك من اول ما شوفتك زى كل مره مهيب صقر : ومين بقى الغالى ده انا : ثوانى وهتعرف .... وقومت جبت سليم ورجعت ..... ومهيب اول ما شافه اتسمر مكانه مهيب صقر : مين ده يا دياب علشان انا قلبى ممكن يوقف انا : ايه مش عارف ابنك يا ابن عمى ... ولا اقولك يا مهيب صقر زى ما بتحب الناس تندهلك ولا اقولك الحصان الاسود زى ما ا****عه اللى بره مسميينك .... منظمة الشيطان بتاعتك انت وجدك الشيطان مهيب صقر : انت بتتكلم بجد يا دياب ... ده ابنى ..... وجرى على سليم واخده فى حضنه وعيط جامد ودخلت علينا انعام : ايوه ده ابنك يا مهيب مهيب : جليله .... انتى بتعملى ايه هنا ياترى ايه هيحصل ده اللى هنعرفه فى الحلقه اللى جايه

Free reading for new users

Scan code to download app

App Store Google Play

Facebookexpand_more