الفصل الرابع

2482 Words

الحلقة الرابعة ______________________ من ناحيه تانيه ريهام بتكلم فريده فى التليفون فريده : يابنتى الحكايه باين عليها متعقده ريهام : وانا مش هيأس وهفضل وراه فريده : انتى شوفتى بيتكلم ازاى على مهيب صقر وبيكرهه ازاى امال لو عرف ان مهيب صقر ده يبقى اخوكى هيكون ايه رد فعله ريهام : معرفش ومش عاوزه اعرف فريده : انا خايفه من حاجه تانى اهم ريهام : حاجة ايه دى فريده : ابوكى هيبقى رد فعله ايه لما يعرف علاقتك بدياب ريهام : ابويا مش مشكله ..... المشكله الاكبر والدتى فريده : مالها والدتك ريهام : رافضه دياب نهائى وبتكرهه جدا مش عارفه ليه فريده : طب اقعدى معاها وحاولى تفهمى منها ريهام : قعدت معاها كتير وبرضه رافضه تتكلم وقالتلى دياب ده لو اخر راجل فى الدنيا مش هجوزهولك فريده : طب ليه يعنى ريهام : مش عارفه .... اقفلى دلوقتى انا مش قادره اتكلم فريده : خلاص ماشى من ناحيه تانيه عند مهيب صقر فى البيت نايم جمب فاتن وصحيت مفزوعه مهيب صقر : مالك يا حبيبتى فى ايه فاتن : ابنى فى خطر مهيب صقر : ازاى يعنى فاتن : حلمت بيه زى ما يكون فى مستشفى ومعلق محاليل كتير وبيمد ايده ليا زى اللى بيستنجد بيا مهيب صقر : ده كابوس يا حبيبتى فاتن : انا متاكده ان ابنى فى خطر مهيب صقر : انتى اخدتى المهدئ اللى كاتبهولك الدكتور فاتن : لا مش عاوزه زفت مهدئات .... انا عاوزه ابنى ودخلت فى نوبة صراخ وهيجان ومهيب صقر ادالها حقنه مهدئه وراحت تانى فى النوم من ناحيه تانيه عند ريهام وفريده قاعدين مع بعض فى الجامعه ريهام : بقالى كام يوم بتصل بدياب قافل تليفونه ... ببعتله رسايل على الفيسبوك برضه مش بيفتح خالص فريده : تلاقيه مشغول فى حاجه مهمه اول مايفضى هيكلمك ريهام : اصل وحشنى اووووى ... وهو اللى كان مهون عليا الايام الوحشه دى فريده : ربنا يهون عليكى يا حبيبتى .... هو ايه اخبار اخوكى وفاتن دلوقتى ريهام : اخويا بطل يكلم حد على طول قاعد ساكت فريده : طب ومرات اخوكى ريهام : دى خلاص تقريبا اتجننت ... مش مصدقه ان ابنها مات كل شويه تقول انا ابنى كويس ابنى فرحان ابنى مش عارف ايه فريده : دى ربنا يكون فى عونها ماتنسيش انه ابنها الوحيد ريهام : اخر حاجه حصلت من يومين صحيت فى نص الليل بتقول ان ابنها فى خطر فريده : خطر ازاى يعنى ريهام : قال ايه حلمت بيه فى مستشفى وعيان وبيستنجد بيها وقعدت تصرخ وجاتلها حالة الهيجان اللى بتجيلها فريده : تصدقى قلبى وجعنى عليها ريهام : وانا كمان موجوعه عليها وعلى ابن اخويا اللى مات .... كلنا تعبانين بسبب الموضوع ده بس هنعمل ايه ... مفيش فى ادينا حاجه نعملها فريده : انا اسفه اذا كنت قلبت عليكى المواجع وفكرتك باللى حصل ريهام : هو انا امتى نسيت .... انا على طول فاكره اللى حصل ومش ناسياه وخصوصا لما بقعد مع دياب فريده : وايه علاقة دياب باللى حصل ريهام : مش عارفه ليه دايما بشم ريحة ابن اخويا فى دياب فريده : ازاى يعنى ريهام : مش عارفه .... هو ده اللى بيحصل نرجع عندى انا عملت العمليه انا وسليم وعدى اسبوعين بعد العمليه وجسم سليم استجاب للكليه وعدينا مرحلة الخطر وخرجنا من المستشفى وجبت ممرضه تتابع حالة سليم لحد ما نتاكد انه خلاص بقى كويس من ناحيه تانيه فى مديرية الامن طارق قاعد مع شريف ومعتز شريف : اللى بتفكر فيه ده خطر يا طارق باشا طارق : جمد قلبك يا شريف معتز : احنا ممكن نروح فى داهيه بسبب الموضوع ده طارق : يا معتز احنا بقالنا اكتر من 3 سنين بندور ورا مهيب صقر ومش عارفين نوصل معاه لاى حاجه ولا عارفين نثبت عليه حاجه شريف : واحنا لما نقتحم مكتبه ونفتش فى اوراقه هنلاقى حاجه طارق : انا واثق اننا مش هنلاقى حاجه معتز : وايه لازمتها يبقى المغامره دى طارق : احنا هنزرع فى مكتبه اجهزة تصنت علشان نراقبه ونعرف نمسك عليه حاجه معتز : وافرض اتكشفنا ..... ده اقل حاجه ممكن تحصل اننا نتفصل من الخدمه طارق : جمدوا قلبكم بس ...... عاوزين نتفق هنعمل كده ازاى معتز : هى موته ولا اكتر طارق : متخافش يا معتز ..... دلوقتى يا شريف انت عندك خبره فى كاميرات المراقبه وسيستم الحمايه شريف : ايوه يافندم طارق : كده تمام ..... يبقى انت هتعطل السيستم بتاع الشركه واحنا هندخل نخلص شغلنا ونخرج على طول شريف : تمام يا فندم نرجع عندى بعد ما خرجت من المستشفى رجعت الجامعه وطبعا طول الفتره اللى فاتت كنت قافل تليفونى والايميل ومفيش حد عرف يوصلى ... فى البريك قعدت مع اصحابى باسم : كده تسافر من غير ما تقولى .... وطول الفتره اللى فاتت بكلمك قافل تليفونك حتى الايميل مش فاتحه انا : معلش يا صاحبى بس كان معايا مشكله خلصتها وجيت على طول فريده : مال شكلك كده حاسه انك مرهق او عيان انا : معلش بس الفتره اللى فاتت كنت مشغول جدا ومش عارف انام خالص ابراهيم : ياعم قلقتنا عليك بجد انا : حبيبى يا هيما بعد كده كملنا قعدتنا وطلعنا علشان نكمل المحاضرات وبعد ما خلصت محاضرات انا ونازل لقيت ريهام قاعده فى الكافتريا .... هى مش شايفانى دخلت عليها من غير ما تحس بيا وخضيتها انا : ايه اللى جابك الكافتريا بتاعتنا ريهام : خضتنى يا اخى مش تعمل صوت قبل ما تهجم كده انا : مردتيش على سؤالى ... ايه اللى جابك هنا مش ليكى كافتريا فى الكليه بتاعتك ريهام : انا مخ**اك ومش بكلمك انا : ليه يا ستى انا عملت ايه ريهام : بقالى اكتر من اسبوعين معرفش عنك حاجه وبعتلك على الايميل مش بترد انا : معلش بس كان عندى ظروف اقوى منى ريهام : ظروف ايه دى انا : مش مهم الظروف دلوقتى ... انا خلاص حليتها ... خلينا فى المهم ريهام : ايه بقى المهم ده انا : احنا مش اتفقنا ان بعد ما اخلص المشكله اللى معايا نتكلم فى موضوع خطوبتنا ريهام : انت بتتكلم بجد يا دياب انا : طبعا بتكلم بجد .... بس فى شخصيه مهمه لازم تتعرفى عليها الاول وبعد كده نتفق على كل حاجه ريهام : مين ده اللى لازم اتعرف عليه انا : لا ده مفاجأه .... يوم الخميس هخليكى تقابليه علشان يقول رائيه فى موضوع خطوبتنا ريهام : للدرجه دى مهم بالنسبالك انا : ده اهم عندى من حياتى كلها وانا واثق انه هيحبك وانتى كمان هتحبيه ريهام : شوقتنى اعرف مين ده انا : كلها كام يوم وتتعرفى عليه ريهام : ماشى ياسيدى انا : طب يلا بينا نمشى ريهام : يلا بينا انا : جيتى بعربيتك ولا اوصلك ريهام : لا معايا عربيتى انا : طب تمام .... يلا بينا ونتقابل بكره من ناحيه تانيه فى مدرية الامن عند اللواء كمال كمال : وبعدين يا طارق احنا بقالنا سنه ومش عارفين نوصل لحاجه طارق : يا فندم دى عصابه محترفه ... اللى يخليهم يدخلوا الميناء بالشكل ده من غير ما حد يحس ده بيبين قد ايه الناس دى عملياتها مدروسه كمال : طب الراجل اللى الكاميرات لقطته فى الميناء لسه ماوصلتش لاى حاجه عنه طارق : دى كارثه اكبر كمال : ازاى يعنى طارق : ده مش شكله الحقيقى كمال : يعنى ايه مش شكله الحقيقى طارق : ده واحد ولابس ماسك وعامل مكياج محترف بحيث ان محدش يعرف شكله الحقيقى كمال : يا اولاد الجزمه .... دول مش سايبين اى دليل وراهم ممكن يكشفهم طارق : مش عارف ليه انا شامم ريحة مهيب صقر فى الموضوع كمال : انت مش ناوى تشيل الراجل من دماغك طارق : يافندم انا طول عمرى بشم ريحة الشمال .... والراجل ده انا متاكد ان كل شغله شمال كمال : طب ياريت تقفل على الموضوع ده طارق : لا يافندم انا مش هقفل الموضوع وبعدين ده واحد كل اللى حواليه يا بيتقتلوا يا بيختفوا وكلهم بنلاقى وراهم مصايب كمال : قصدك ايه طارق : سيف صاحبه اللى اتقتل فجأه .... وسيف ده اسمه اتذكر كتير فى تجارة الاثار كمال : كل ده ما يثبتش اى حاجه وفجاه وهما بيتكلموا الباب خبط وكان مدير مكتب اللواء يبلغهم ان مهيب صقر عايز يقابل اللواء كمال ... ودخل عليهم كمال : اذيك يابشمهندس مهيب صقر : تمام ... اذيك انت يا باشا كمال : بخير مهيب صقر : وانت يا طارق باشا اخبارك ايه طارق : تمام مهيب صقر : مش ناوى تشيلنى من دماغك يا طارق باشا طارق : وانت خايف ليه ان اركز معاك مهيب صقر : ههههههه انا اخاف .... يبقى انت متعرفنيش كويس ... انا بس خايف على تعبك اللى بيروح هدر طارق : لا ميهمكش انا مش بتعب مهيب صقر : على العموم زى ما تحب دور ورايا براحتك عمرك ما هتوصل لحاجه طارق : ده علشان انت حريص شويه مهيب صقر : لا ده علشان انا مش بعمل حاجه غلط طارق : امال تجارة الاعضاء اللى كانت عندك فى المستشفى مهيب صقر : انت ليه رافض تصدق انى ماليش علاقه بالموضوع ده ...... وبعدين واحد زيى استثماراته وشركاته تعاملاتها بالمليارات ايه اللى يخلينى العب فى تجاره قذره زى دى طارق : امال بتلعب فى ايه مهيب صقر : تعالى على يوم الشركه وانا اوريك شغلى عباره عن ايه بس لما تيجى ياريت تيجى بالنهار مش تيجى بالليل زى الحراميه طارق : انا مسمحلكش مهيب صقر : انت تخرس خالص ومتتكلمش ... احسن اقوم اض*بك بالجزمه كمال : ايه حصل يابشمهندس مهيب صقر : طارق باشا اقتحم مكتبى فى الشركه امبارح بعد نص الليل وفتش فى اوراقى وزرع اجهزة تجسس والكاميرات صورته كمال : الكلام ده حصل يا طارق مهيب صقر : ايوه يا باشا حصل ومعايا تسجيلات الكاميرا .... اصل انا حاطط كاميرتين فى المكتب غير الكاميرا اللى انت فصلتها ياطارق باشا والكاميرات دى مش بتشتغل بالنت علشان شريف باشا يعرف يعطلها كمال : وشريف كمان معاك طارق : ........ مهيب صقر : انا المره دى مش هاخد اى اجراء قانونى وهسامحك بس لو مبعدتش من طريقى ساعتها انا مش عارف ممكن اتصرف ازاى كمال : انا بتاسفلك بابشمهندس ... واوعدك انى هحولهم الاتنين للتحقيق مهيب صقر : متقولش كده ياباشا ... وبعدين مفيش داعى للتحقيق هو دلوقتى عرف غلطه ياريت ميتعرضليش تانى .... وكمان ياريت ميحاولش يدخل مكتبى زى الحراميه لان ممكن اى حد من الامن يفتكره حرامى ويض*به برصاصه يجيب اجله والموضوع مش ناقص مصايب كمال : اوعدك يابشمهندس محدش هيتعرضلك تانى وياريت تقبل اسفى مهيب صقر : متقولش كده يا سيادة اللواء انت اكبر من انك تتاسفلى بسبب واحد طايش زى ده ..... عن اذنك كمال : رايح فين يابشمهندس انت مشربتش حاجه مهيب صقر : معلش بس مستعجل معايا شغل خليها مره تانى كمال : زى ماتحب بعد ما مشى مهيب صقر كمال : ايه اللى عملته ده يا بنى ادم طارق : يافندم كمال : بلا يافندم بلا زفت .... تقدر تقولى ايه الفرق بينك وبين الحراميه اللى بنقبض عليهم طارق : الراجل ده شمال كمال : اذا كان هو شمال بس محدش يعرف عنه حاجه ... لكن انت بعملتك دى حطيت صباعك تحت درسه .... ولا مخدتش بالك من التهديدات اللى كان بيرميهالك طارق : يافندم انا متاكد ان فى حاجه شمال فى شغله كمال : خلاص انت تقفل الموضوع ده وتحمد ربنا ان الراجل عدهالك .... بس من هنا ورايح ملكش دعوه بيه .... ومن النهارده فريقك هيتغير .... من النهارده شريف ومعتز مش تبعك انا هجيبلك فريق تانى .... ولو عرفت انك لسه بتدور ورا الراجل ده تانى انا بنفسى هقدم شكوى فيك فى مكتب الوزير طارق : يافندم كمال : خلاص الكلام انتهى لحد هنا روح مكتبك ياحضرة الظابط طارق : تمام يافندم نرجع عندى انا بعد ما رجعت من الجامعه اتغديت مع سليم وقعدنا مع بعض شويه وبعد كده ذاكرت وبعد ما خلصت مذاكره فتحت فيسبوك لان من قبل العمليه ما فتحتش لقيت ريهام بعتالى رسايل كتير وانا فى المستشفى دخلت على الاكونت بتاعها قعدت اقلب فيه واشوف بوستاتها والصور اللى بترفعها .... اول مافتحت لقيت صوره ليها كانت صدمه بالنسبالى ... بعدها قفلت الايميل وقعدت مع نفسى .... هو انا ليه مكتوب عليا العذاب ده طول عمرى .... يعنى دونا عن بنات الدنيا ملقيتش غير دى تحبها من ناحيه تانيه طارق بعد ما خلص شغله غان غضبان وعاوز يولع فى البلد كلها .... اخد عربيته وبقى يلف فى الشوارع لحد مالقى نفسه قصاد الكباريه اللى متعود يسهر فيه وشاف فيه البت اللى اسمها سمر من سنه ومن بعدها وهو قالب عليها الدنيا ومش عارف يوصلها .... قعد على الطرابيزه وقصاده قزازة ويسكى وعمال يشرب وفجأه ظهرت سمر وقعدت على الطرابيزه بتاعته طارق : انتى سمر ولا انا سكران سمر : ايوه انا سمر طارق : كنتى فين انا قلبت عليكى الدنيا سمر : ليه يعنى طارق : صدقينى معرفش بس كنت عاوز اشوفك سمر : طب قوم معايا وتحكيلى بهدوء انت بتدور عليا ليه طارق : هنروح فين سمر : تعالى معايا الفيلا طارق : يلا بينا واخدت طارق وراحوا الفيلا طارق : انا جيت الفيلا هنا كتير وملقتكيش سمر : كنت مسافره الفتره اللى فاتت طارق : مسافره فين وليه ده كله سمر : كنت مسافره بره مصر .... سافرت دول كتير وكان معايا شغل مهم طارق : انتى بتشتغلى ايه ..... المره اللى فاتت مقولتليش سمر : لا قولتلك طارق : انا متاكد انك مقولتيش حاجه سمر : قولتلك انى بشتغل مشترك بيوصل الناس ببعضها طارق : ايوه انا عارف الكلام ده بس انتى موضحتيش انتى بتشتغلى مشترك ازاى سمر : تيجى نتكلم بصراحه طارق : ياريت سمر : فى البدايه انا عارفه شغلك كويس وعارفه انت بتعمل ايه انت ووالدك سيادة اللواء من وراء الداخليه طارق : انتى بتخرفى بتقولى ايه سمر : انا عارفه شغلك فى السلاح وعارفه عداوتك مع مهيب صقر وعارفه حاجات كتير محدش يتوقعها .... انا جيالك بعرض مهم بالنسبالك وافقت عليه انت هت**ب كتير .... رفضت يبقى انا هختفى من حياتك ومش هتعرف توصلى طارق : عرض ايه ده سمر : عاوزاك تكبر فى شغلك .... السلاح وحده مش كفايه والكام عمليه اللى بتعملهم كل كام شهر مش جايبين همهم ولا حتى مغطيين الخطر اللى بتتعرضله طارق : طب وايه المطلوب منى سمر : هقعدك مع واحد من الكبار اللى ماسكين تجارة السلاح فى مصر وكمان هدخلك فى تجارة الاثار وتهريب الماس وفى ظرف سنتين تلاته هيبقى معاك مليارات طارق : وانتى هتستفادى ايه من ده كله سمر : لا متقلقش انا هستفاد كتير جدا واكتر مما تتخيل طارق : لا لازم افهم سمر : ماشى انا هفهمك .... بص ياسيدى اى شغل انت هتعمله انا هيبقالى فيه نسبه منك ده غير نسبه هاخدها من المنظمه وحاجات تانيه مش هقدر اقولك عليها طارق : وانا موافق سمر : خلاص هحددلك معاك مع الباشا علشان تبدأ الشغل طارق : فى حاجه عاوز اعرفها سمر : حاجة ايه طارق : انتوا ايه علاقتكم بمهيب صقر سمر : دى حاجات من مصلحك متعرفهاش فى الوقت الحالى طارق : امال هعرفها امتى سمر : كل شئ بوقته ومن الاحسن تسمع كلام اللواء كمال وتبعد عن مهيب صقر فى الوقت الحالى وبلاش تحط نفسك فى مواجهه مباشره معاه طارق : وانتى عرفتى من فين الكلام اللى قاله اللواء كمال النهارده سمر : قولتلك انا اعرف اللى محدش يتوقعه .... وعلشان نبقى على نور من الاول احسنلك متفكرش تلعب بديلك معايا لانى بكره الخيانه وزعلى وحش انت مش هتقدر تستحمله طارق : ده تهديد سمر : لا مش تهديد بس لازم نبقى واضحين مع بعض من الاول طارق : وانا موافق ..... هقابل الباشا بتاعك امتى سمر : لسه المعاد ماتحددش طارق : اوك وقضوا السهره مع بعض وبعد كده طارق رجع البيت ##########

Free reading for new users

Scan code to download app

App Store Google Play

Facebookexpand_more