Hindi ako kaagad nakabawi sa sinabi niya dahil sa sobrang gulat. Tama ba ang narinig ko? Gusto niyang magka anak na kami? Nanatili akong nakatulala kay Kyle. Tumitig din siya sa akin at hinalikan ako sa noo.
"Pero…" tikhim niya. "Ayos lang din naman kung ayaw mo. Naiintindihan ko."
"H-hindi. Hindi naman sa ayaw ko," sabi ko nang matauhan na. "Pero sigurado ka na ba talaga?"
Tumuwid siya ng higa at humarap sa kisame. "Oo naman," nakangiting sabi niya. "Ikaw ang gusto kong maging ina ng mga magiging anak ko."
Gusto kong tumalon sa tuwa dahil sa sinabi niya… pero may isang parte sa puso ko ang malungkot. Matagal na dapat kaming may anak kung hindi lang sana ako naging pabaya. Ngayon na gusto na niyang magka anak kami, handa na nga ba talaga ako?
Bumaba siya ng kaunti at itinapat ang mukh
