Seven-Eleven
Celeste's POV
Madalas kong isipin na ang pinakamagagandang sandali sa buhay ay iyong mga hindi mo pinaplano. Hindi iyong nakasulat sa planner, hindi iyong may reservation, hindi rin iyong pinag-ipunan ng ilang linggo at kundi iyong mga sandaling nagsisimula sa isang simpleng...
"Busy ka ba?"
11:47 PM.
Katatapos ko lang isara ang laptop.
Humigit-kumulang apat na oras akong nakaupo sa harap nito, binabasa at inaayos ang proposal na ipapasa namin sa susunod na linggo. Masakit na ang batok ko, namamanhid na rin ang mga balikat ko, napabuntong-hininga ako habang inuunat ang mga braso ko, tahimik ang buong bahay, patay na ang ilaw sa sala, at tanging ang maliit na desk lamp na lamang ang nagbibigay-liwanag sa silid ko.
Maya-maya ay nag-vibrate ang cellphone ko.
Napangiti ako
