NAGSIMULA na nga ang first semester class ni Mia sa bahay nila. Wala siyang kagalak-galak na humarap sa instructor niyang si Andie Lin. Nasa maluwang na library room sila ng ground floor kung saan solo siyang tinuturuan nito.
Lumulutang lang ang isip niya habang nagsasalita ang guro. Iniisip niya kung ano na kaya ang ginagawa ni Renny. Sabay kasi ang oras ng pasok nila. Nanghinayang siya na walang magawa at sana ay magkasama sila ni Renny ngayon sa university.
"Mia? Are you listening?" pukaw ni Andie sa atensiyon niya.
Pinaiikot-ikot kasi niya ang ballpen sa mga daliri niya habang tagos sa bintanang salamin ang mga titig niya. Tila hindi niya narinig si Andie.
Nakasuot nga siya ng kompletong uniporme ngunit mag-isa naman siyang estudyante at nakakulong pa sa bahay.
"Kanina pa ako n
