NANINIBAGO si Mia sa kabaitang ipinakikita ng mommy niya sa kaniya. Ni wala itong nabanggit na ano mang ikasasama ng loob niya. Kinaumagahan na niya natagpuan ang cellphone niya.
Kung hindi pa nagligpit si Marta ng magugulong gamit niya sa ibabaw ng dresser drawer ay hindi napansin ang cellphone niya roon.
"Kung saan-saan mo kasi inilalapag eh. Dapat iisang lagayan lang para hindi ka nalilito. Tingnan mo iyan na-low battery na lang," malumanay na sermon ni Marta matapos iabot sa kaniya.
Hindi na niya binanggit kahit tandang-tanda niya na hindi niya roon ipinatong bago siya nakipagkita kay Renny. Isinaksak niya ito sa charger. Sinundan kasi siya kaagad ni Marta sa kaniyang silid matapos siyang maghapunan kasama ang mga magulang niya.
"Hindi naman ito nalo-lowbat nang ganito kahit da
