DISMAYADO si Mia matapos ipaalala ng mommy niya ang nalalapit na flight nila papuntang New York. Tila umurong ang dila niya at hindi man lang niya naipaglaban ang damdamin. Nanaig ang maawtoridad na salita ng mommy niya.
Dahil sa sama ng loob ay hiniling niya kay Marta na huwag siyang guguluhin sa kaniyang kuwarto maliban sa paghatid nito ng kakainin niya. Sinikap niyang tumakas, ang dati niyang gawi, kahit alam niyang nakamanman ang mommy niya sa galaw niya.
"Sigurado ka bang hindi ka nakita ng mommy mo na papunta ka rito?" nag-alalang tanong ni Renny nang magtagpo sila sa gubat na madalas nilang pasyalan.
"Hindi. Sinamantala ko ang pagkakataon na busy siya sa pakikipag-usap niya sa telepono. Dumaan naman ako sa terrace ng kuwarto ko. Nakiusap din ako kay Na-Marta na siya na ang baha
