HINDI maipaliwanag ni Mia kung ano ang damdamin niya nang makita si Renny. Hinintay niya itong makalapit at umupo sa tabi niya. Wala siyang pakialam kung masaksihan nito ang pagpatak ng mga luha niya.
"M-Mia?" nag-aalalang sambit ni Renny, titig na titig ito sa mukha niya.
"I'm sorry, Hijo. I can't help myself to tell her about what you did," pangunguna ni Rena.
Saglit na napasulyap si Renny sa ina at muli siyang binalingan.
"Why, Ren?" nalulumong tanong niya sa kasintahan.
"Forgive me, Mia. N-Nagbabakasakali lang din ako na baka isa ako sa makatutulong sa iyo," mahinahong tugon ni Renny.
Hinawakan nito ang kamay niya. Ngunit may kung anong sakit na umuukilkil sa dibdib niya. Mahal na mahal niya ito pero labis siyang nasaktan. Kinalas niya ang kamay nito at tumayo.
Nagtatakang na
