"WHAT?" hindi makapaniwala si Mia nang sabihin sa kaniya ng mommy niya na matutuloy ang pagkuha niya ng kursong nursing.
Subalit marami itong naging kondisyon. Hindi nga lang siya makalalabas ng bahay. Home-based study siya at ang mga instructor ang pupunta para turuan siya. Masaya na sana siya sa nalaman, ngunit biglang nagbago ang ihip ng hangin.
Kaya lang niya ninais na kumuha ng nursing course para araw-araw niyang makakasama si Renny. Pero iba rin pala ang mangyayari.
"I know you yearn for this. Bakit, Anak, hindi ka ba natutuwa na matutupad na ang hiling mo?" ani ni Mariel sa kaniya.
Hindi kasi siya umimik nang inisa-isang ipinakilala sa kaniya ng mommy niya ang magiging instructors niya. Isa na roon si Andie Lin na magiging regular teacher niya. Araw-araw siyang pupuntahan nit
