Gusto kong tumanggi pero tila may hipnotismo ang lalaking ito dahil sa bawat salita niya, sa bawat ngiti niya ay nahuhulog ako. Para siyang patibong na mahirap iwasan. Kung ano man ang nangyayari sa akin, hindi ko maintindihan.
Napapitlag ako nang bigla niya akong hilahin sa kamay patayo mula sa pagkakaupo. Itinulak niya ako sa may lababo.
"Wash your hand, Liegh, kakain muna tayo bago ka umalis dito," ika niyang siya na mismo ang nagbukas ng faucet para lumabas ang tubig at makapaghugas ako.
Bumuntong hininga ako at tuluyang nagpaanod sa trip ng lalaking nasa likuran kong nakangiti habang pinagmamasdan ako. May tunog pa ang tawa niya na tila sayang saya na napapasunod niya ako.
Inirapan ko siya at tinanggal muna ang apron ko. Mabilis niyang kinuha iyon at isinabit sa isang upuan na
