Simula noong magkaroon kaming muli ng komunikasyon ni Raphael, walang araw na hindi kami nag-uusap. Kahit noong bumalik ako sa trabaho ay madalas kaming magka-usap. Ang masakit lang, umuwi sila sa Pinas. Ika-dalawang araw na nila roon. Doon na lang daw siya ipapagamot dahil makakatulong rin ang pamilyar na kapaligiran sa kanya. May mga espeyalista naman daw na magagaling sa Pinas. Ewan ko, minsan ay napapaisip ako, kung talagang malubha si Raphael? Bakit ginusto ng kanyang ina na sa Pinas at hindi sa US gaya noon siya magamot? Dahil ba malapit lang ako kay Raphael?
"Hindi ka na ba nilalapitan ng matandang hukluban na iyon diyan sa trabaho mo?"
Napangiti ako ng maluwang hindi dahil sa tanong niya kundi dahil sa tawag niya kay Jose.
"Hindi na, may nililigawan ng iba rito kaya sigurad
