Nanatili akong nakabaluktot sa ilalim ng mesa kahit wala na si Rafael na kinakausap ang sarili. Hindi dahil natatakot akong makita niya kundi, hindi ako makagalaw sa mga narinig mula sa kanya. Nanginginig ang buong katawan ko.
Ang tono niya ay puno ng galit at hinanakit. Na para bang handa siyang manakit. Natatakot ako. Hindi dahil kasalanan ko ang lahat, natatakot ako dahil hindi ko magawang magalit kay Rafael kahit lantaran niyang binulalas ang kanyang hinanakit at saloobin
Lalabas na sana ako nang biglang tumunog ang aking cellphone. Napapikit ako dahil hindi naka-silent iyon. Lalo akong sinalakay ng kaba nang masilip na bukas ang pinto ni Rafael sa opisina. Siguradong rinig amg ringtone ko mula sa loob.
Nagmamadali akong gumapang palabas sa ilalim ng mesa bago pa man lumabas si Ra
