PANSAMANTALANG umuwi muna si Alexandra ng Maynila. Umalis siya kaninang tanghali sa Rancho Villaruiz at sa kompanya siya ng ama dumeretso.
""Hi, daddy!"" masiglang boses niya nang makapasok sa opisina ng kaniyang ama.
Tumayo naman si Dylan buhat sa pagkakaupo nito sa swivel chair. Sinalubong nito ng yapos at halik ang dumating na anak.
""Sabay na po tayong umuwi, dad. Mamayang seven in the evening pa naman kami aalis ni Xander,"" aniya.
""Okay! Tatapusin ko lang 'to,"" wika ng ama niya.
Sinabihan din siya ng kaniyang ama na kung gusto niyang matulog muna ay doon na lang siya sa secret room nito. Agad naman nagtungo roon si Alexandra at nahiga-higa muna sa kama.
Ang dahilan kung bakit nasa Maynila ngayon si Alexandra ay dahil kaarawan ngayon ni Xander. Hindi naman bongga ang magiging
