NAGISING si Alexandra dahil sa naramdamang ngilo sa kaniyang puson. Nakaramdam siya ng pagkaihi kaya't napabangon siya buhat sa pagkakahiga. Madilim ang paligid dahil wala na ang liwanag na nanggagaling sa gasera. Namatay yata iyon dahil sa malakas na ihip ng hangin.
Kinapa niya ang kaniyang cellphone na inilagay niya sa tagiliran bago mahiga. Nang mahawakan niya ang kaniyang cellphone ay ini-on niya ang flashlight. At inilawan niya ang paligid.
""Saan ako iihi nito?"" tanong niya sa sarili habang naghahanap ng pwedeng maihian.
Nasulyapan ni Alexandra ang oras sa kaniyang cellphone at ito ay mag-aalas dose ng gabi. Ilang oras na rin pala siyang nakatulog pero wala pa ring pagbabago ang panahon. Naroon pa rin ang malakas na ulan at paminsan-minsang ihip ng malakas na hangin.
Kinakabahan
