HINDI NA muling nakipag-usap si Alexandra kay Lawrence. Itinuon na lamang niya ang atensyon sa dinadaanan nila hanggang sa makarating sila sa Rancho Villaruiz.
""Saan ito ipanglalagay, babe?"" ani Lawrence na ang tinutukoy ay ang mga nakakarton pinamili niya.
""Teka, aalis ka ba?"" aniya muna.
""Wala naman akong pupuntahan, babe. Bukas na ako babalik sa bayan,"" sagot ni Lawrence.
""Kung gano'n, sasamahan mo na lang ako mamaya sa school?"" pang-aaya ni Alexandra kay Lawrence.
""Sure..."" walang pagdadalawang-isip na sagot ni Lawrence.
""Eh, huwag mo na lang ibaba ang mga 'yan, mayo— Lawrence pala. Dadalhin natin ang mga iyan sa school mamaya,"" sabi niya at tuloy-tuloy nang pumasok sa loob ng bahay.
Pakiramdam ni Alexandra ay gumaang muli ang kaniyang pakikitungo kay Lawrence. Sa ip
