PANATAG nang binabagtas nina Alexandra at Lawrence ang daan pauwi sa Rancho Villaruiz. Nakakalayo na sila sa bayan kung kaya't binagalan na ni Lawrence ang pagmamaneho.
Tahimik lang din si Alexandra sa kanilang biyahe pauwi. Kagaya lang din kung gaano siya katahimik noong papunta.
""Okay ka lang? Nasaktan ka ba?"" tanong ni Lawrence.
""Hindi naman,"" tugon niya. ""Salamat pala sa pagprotekta sa akin kanina.""
""Wala iyon, Alexandra. Kasama mo ako kaya kargo kita. Lalo na't pinagkatiwala ka ng ama mo sa akin,"" sinabi ni Lawrence na nagkunot ng noo ni Alexandra.
""Pinagkatiwala? Ano'ng ibig mong sabihin?""
""I mean, ipinagkatiwala ka niya sa akin sa araw na ito na ihatid sa bayan. So, kung may nangyari sa'yo ay masisisi ako. Kaya naman ginawa ko ang lahat para hindi ka masaktan sa na
