NATAPOS ang pakikipagtransaksyon ni Alexandra sa manager ng fast food restaurant. Nagtagal din siya sa loob sa pakikipag-usap at bandang alas dos o alas tres pa mai-deliver ang mga pagkaing in-order niya. Sa mismong school na i-deliver kaya hindi na sila ni Lawrence magpapakahirap na magdala niyon. Saka kung alas dos o alas tres ang delivery time, tamang-tama lang iyon pang meryenda ng mga bata.
Ngayong tapos na si Alexandra ay tatawagan niya si Lawrence. Siguro naman ay tapos na ito sa munisipyo. Magpapahatid na siya pauwi pero bago iyon ay i-treat niya naman si Lawrence ng early lunch sa fast food restaurant na ito. Pakunswelo niya na rin sa paghatid at sundo nito.
""Yes, Alexandra?"" wika ng sa kabilang linya. Alam na alam agad ni Lawrence na siya ang tumatawag.
""Tapos na ako, Lawre
