ORAS NG ng hapunan sa Rancho Villaruiz at masasarap na mga pagkain ang nakahain. Babawi na sana si Alexandra sa pagkain dahil kagabi ay nagtiis lang silang dalawa ni Lawrence ng instant noodles na may halong itlog na hapunan. Ang problema ay hindi niya ma-enjoy ang pagkain dahil sa bawat subo niya mukha ni Lawrence ang kaniyang nakikita.
Magkatapat silang dalawa at nakaramdam si Alexandra ng pagkailang. Tila ba siya pa iyong hindi komportable sa sariling pamamahay. At ang rason kung bakit nandito pa si Lawrence dahil inaya ng magulang niya upang sa bahay nila patulugin. Mag-isa lang kasi ito sa bahay nang ihatid dahil nasa bayan ang magulang nito. Kaya nagmagandang-loob lang ang magulang niya na sa Rancho Villaruiz muna ito magpalipas ng gabi.
Batid ng magulang niya na mahihirapan si La
