TINITITIGAN ni Candice ang natutulog na si Austin sa tabi niya. Kakatapos lang nilang magtalik at nakatulog na ito. Mukhang napagod din ito sa maghapon nito sa kabilang resort. Weekend kaya maraming guests sa Madrigal resort at sigurado siyang marami rin ang guest sa ABC resort ngayon kaya maghahating-gabi na pumasok si Austin sa suite niya.
Pinilit ni Candice na kumilos ng normal kanina ng dumating si Austin. Hindi naman ito nagbubukas ng mga kabinet sa kwarto niya kaya hindi nito alam na naka impake na lahat ng gamit niya at handa na siya sa pag-alis pabalik ng Manila.
Wala siyang balak magpaalam dito at nakakasiguro rin naman siya na pag-alis niya ay wala naman mababago sa takbo ng buhay nito.
Sa kanya siguro ay malaki dahil siguradong mamimiss niya ito. Ang pangungulit sa kanya,
