Ella
Mariin kong pinagsisikop ang mga daliri ko habang nakahiga at nakatunganga lang ako sa kawalan. Maya-maya pa ay nakarinig ako ng sunod-sunod na pagkatok mula sa pintuan ng kwarto ko. Bumukas iyon at dumungaw sa akin si mommy.
"Lumabas ka na nga diyan at harapin mo naman ang kaibigan mo," utos ni mommy sa akin.
"Mommy, hindi ko nga po siya kaibigan—" She immediately cut my words.
"Bilisan mo na ang pagkilos. Kakain na rin tayo, nagluto ako para sa inyo." Pagkasabi niya no'n ay umalis na siya at muling sumara ang pinto.
Napabuntong hininga ako saka bumangon. Hindi ko alam kung bakit nandito pa rin siya, o kung ano ang dahilan at nagpunta siya rito. Mula kasi nang makita ko siya kagabi ay hindi ko na siya nagawang tanungin o kahit kausapin man lang. Hilo na kasi ako no'n dahil sa na
