Briana
Hindi ako nakasagot sa sinabi o itinanong na iyon ni Zairus at sa halip ay sininok lang ako habang nakatingin sa kanya. Tumawa siya ng mahina saka nagkalas ng seatbelt niya at lumabas ng sasakyan.
Huminga ako ng malalim at kinalma ko muna ang sarili ko saka ako sumunod sa kanya na pumasok sa bahay. Pagkapasok ay agad akong dumeretsyo sa kusina para kumuha at uminom ng tubig. Si Zairus naman ay dumeretsyo sa kanyang kwarto para maghanda at mag-ayos ng sarili sa kanyang pag-alis.
Naupo ako sala at agad namang lumapit sa akin si Miho na tuwang-tuwa sa pagdila sa kamay ko.
"Ay sus! Na-miss ako ng baby ko. Kumusta ka naman?" pagkausap ko rito. Binuhat ko ito. Maliit na aso lang kasi si Miho. Half corgi at half pomeranian ang breed niya. "Sorry nagiging busy ang mommy," saad ko habang
