Briana
Sa huli, sumuko ako at nagbawi na lamang ng tingin kay Zairus. Hindi ko na kinaya pang makipagtinginan sa kanya gayong kasama siya ang babaeng gusto niya.
"Kapag nagkaroon ng problema, tawagan mo lang ako," bulong sa akin ni Manuel na siyang tinugunan ko ng pagtango.
"Thank you, ingat ka," bulong ko pabalik sa kanya.
Sumakay na si Manuel sa loob ng sasakyan niya at nakita ko ang matalim na tinginan nila ni Zairus. Bago pa man siya tuluyang makaalis ay nagsimula na akong humakbang patungo sa loob ng bahay ni lola.
Pinigil ko ang namumuong emosyon sa loob ko. Ayokong bumigay at maiyak ng dahil na naman kay Zairus. Ayokong makita nila na apektado ako sa kanila ni Lory. Kaya naman sisikapin kong maging normal at masaya ngayong gabi. Lalo pa na nandito ang pamilya niya at darating a
