Panay ang paglunok ko ng laway habang nakatitig sa singkit niyang mga mata. Lalong naningkit iyon dahil nakangiti pa siya habang nakatitig din sa akin. Napasinghot ako noong maamoy ko ang mamahalin niyang pabango. Pasimple akong nag-iwas ng tingin at umatras ngunit dingding na ang naramdaman ko sa aking likuran.
“What is your name? Tell me,” utos nito.
Pinilit kong ngumiti. “Ahm. Ma’am. Gelo po.” Agad na umikot ang mga mata niya.
“Po? Eww!” Kinuha niya bigla ang hawak kong bote ng alak at akmang iinumin. Nanlaki ang mga mata ko at agad ko siyang pinigilan na mainom iyon.
“Teka, ma’am! Masyadong matapang ‘yan. H’wag kang uminom nito.” Mahigpit kong hinawakan ang bote at pinilit na ngumiti sa kanya. Nakanganga lang siya habang nakatingin sa akin. Pasimple naman akong nag-iwas ng tingi
